يا جماعه ..ارجو النصيحه بخصوص الحفاظ على السياره الزيرو ؟

الحمد لله اخويا ربنا وفقه واشترى عربيه نيسان تيدا 2009 هاتشباك اتوماتيك هاى لاين فى الدوحه بقطر ودى اول عربيه فى حياته سواء زيرو او مستعمل وللاسف بالرغم من ان انا وهو خبرتنا ومعرفتنا كويسه جدا فى السيارات بس بشكل عام لان دى اول عربيه ليه وانا لسه ماجبتش يعنى مالناش تجارب سابقه مع استخدام شخصى للسيارات فمعرفتنا بالاستخدام الصحيح معقوله بس برضه عايزين خبرتكم .. يعنى زى مثلا امتى تغيير الزيت والمياه ويعمل ايه عشان يحافظ عليها من العوامل الجويه السيئه اللى بتسبب الصدأ وكده خصوصا ان الجو عندهم فى قطر زى مانتوا عارفين رطوبه وحراره فظيعه ولما العربيه مثلا تسخن يعمل ايه .. وغسيل العربيه ايه المناطق اللى ماتقربلهاش المياه وازاى يحافظ على الفرش والتابلوه لانهم لونهم بيج وبيتوسخوا بسرعه ده طبعا غير الصيانه الدوريه والسواقه العاقله .. لانه ان شاء الله العربيه دى هتقعد معاه كام سنه فى قطر وبعدين يجيبها معاه مصر فعايز يحافظ عليها عشان تعيش وطبعا اليابانى معروف بالعمر الطويل خصوصا لو عربيه محترمه زى النيسان تيدا بس مع الاستخدام الجيد





..mokhtar..

الف مبروك و ربنا يديله خيرها و يكفيه شرها
و يرزقك انت كمان بالاحسن منها
الالتزام بالصيانات الدوريه
ممكن يغير المياه بتاعت الرادياتير بمياه ملونه (لو مكنش فيها)
بالنسبه للفرش ممكن يجيب فرش جلد او قماش اللي يريحه
بالنسبه للعوامل الجويه فميش حاجه تتعمل غير انه يهتم بغسيل العربيه في البنزينه بعد الامطار علشان الطينه اللي بتتجمع في العربيه من تحت بتكون متشربه ميه
و العربيه متتغسلش نهائي و الصاج بتاعها سخن, يستني عليها لما صاجها يبرد
متخافش العربيه فيها رادياتير مسئول عن تبريد الموتور و العربيه جديده مش قديمه علشان ده يخوفه
بس اهم من ده كله انه لما ينزل بيها مصر ميهتمش بقي بالحاجات الصغيره التافه زي مثلا راكن العربيه باليل ينزل الصبح يلاقيها مخبوطه او متجرحه
ده الطبيعي هنا
غير طبعا المطبات و الحفر و البلاعات
المختصر المفيد طول ما العربيه بعيده عن مصر المحروسه فهي بخير

اقرا كتالوج السيارة ستجد مواعيد تغيير الزيت

الف مبروك وربنا يديكم خيرها ويكفيكم شرها
انصحك بتصفح القسم التعليمي وستجد مواضيع كثيرة عن العناية بالسيارة

وخصوصا التليين فهو اهم مرحلة في عمر الموتور
والتليين السليم ليس معناه التحسيس علي السيارة فهو له قواعد واسس انصحك بقراءتها وتنفيذها بدقة

الف مبروك وربنا يكفيك شرها ,, عربية جميلة ,,

بجد متشكر جدا ليكم يا جماعه على الردود والله يبارك فيكم وعقبال ما كلنا نركب تيدا يارب ..فعلا القسم التعليمى فيه كل حاجه كنت عايز اعرفها




..mokhtar..

العفو وبالتوفيق ومستنيين تقييمك للعربية بالصور لو امكن
ومبروك عليك