الموضوع: إجراءات تسليم اللوحات المعدنية

يا رجاله... حد يفتينا فى الموضوع ده

تسلم يا باشا فعلاً الحمد لله على كل حال و الحمد لله انها جت فى الحديد

أنا أكثر حاجه عايز اسأل عليها موضوع تسليم النمر ده... ماعنديش أى فكره عنه و كان نفسى حد يفيدنا فى القصه ديه!

انا كنت مأمن مع مصر للتأمين... هما كانو كويسين طول ما الموضوع فيه تصليح، بالزات ان أنا كنت بصلح فى ورشة بتتعامل معاهم مباشرةً - يعنى بيحاسبو بعض منهم لنفسهم و أنا كل اللى عليا بدفع نسبه بسيطه من ثمن قطع الغيار تحت بند إهلاك. لما الموضوع وصل لـ Total Loss لقيت دنيا تانه خالص و نصب علنى... أنا وصلت عن طريق معارف لناس كثيره جداً من أول مندوبين التأمين لحد رئيس مجلس الأداره و لكن مع الأسف كل اللى قدرت أوصله حوالى 85% من قيمة البوليصه و متحاولش تعقلها أو تسأل ليه أو ازاى ولا عقلك يوزك وتقول رقابة على التأمين و الكلام الجامد ده لأن ساعتها بيبقى الرد أن قدامك خيار من اثنين... ياتنزل اسكندرية و تشرب من البحر، ياتشوفلك حيطه بس تكون شديده شويه تخبط فيها دماغك... و لو مش عاجبك هات المحامى بتاعك و يتكلم مع الشؤون القانونيه بتاعتهم علشان فى الأخر يجبلك 90 او 95% من البوليصه و يطالبك بأتعاب 50 ولا 60% و تبقى خسرت كمان 20 ولا 30%!!!

الخلاصة... حبايب طول مالدنيا ظريفه و المعملات على القد... لما الدنيا بتوسع انت و شطارتك بقى

قولى صحيح... أخبار اجراأت تسليم النمر فى مرور هامبورج ايه؟