حاله الماتور كويس جدا و جسم السياره تمام لكن استهلاك البنزين بيفرق عن ال1600cc بكتير ولا اية
عرض للطباعة
حاله الماتور كويس جدا و جسم السياره تمام لكن استهلاك البنزين بيفرق عن ال1600cc بكتير ولا اية
من ناحية الماتور جيد جدا و جسم العربيه تمام لكن الموضوع اللى مخوفنى هو استهلاك النزين و بالاخص ان كل المشاوير داخل المدينه و انت عارف مصر و زحمتها يعنى هى تفرق عن ال1600 سى سى كتير فى الاستهلاك
ممكن تفرق 15-20 كيلو بالتنكة و لاتنسى السيارة 132 وزنها 1100 كغ فيجب ان يتناسب الوزن مع حجم المحرك باعتقادي المحرك 1600 على هذا الوزن ضعيف و بعد ما تشتري السيارة سوف تبدا تقول السيارة سحبها ضعيف وسوف تعود للاول و تقول يارتني اخذت المحرك اللاكبر و في النهاية سوف اقول لك مثل في الشامي بيقول: يالي بدو يشتغل جمال بيدو يعلي باب داره......بالمختصر اذا حاب تدور على المصروف فقط ا ابحث لك عن سيارة ماتيز ؟؟؟؟
الاخ speedd25
اولا اسف لحدوث خلط بينك و بين شخص اخر لان مواصفات السياره الى اتكلمت عليها و الحاله تقريبا و احده مع سيارتى و الفارق اللون فقط
ثانيا لى عتاب عليك لان ردك كان ممكن يكون بدون تجريح انا لانى تسالت فقط و لم اجرح فيك او فى اى احد
ثالثا فعلا و عن تجربة عمرى الى هو 50 سنه ان شراء سياره سواء جديده او مستعمله زى الزواج يا يسعدك يا يتعسك تشبيهى فعلا واقعى و السياره مع احترامى لكل السيدات لو عاملتها معامله حسنه و لم تبخل عليها ستجد مردود ده واضح و العكس فعلا البحث على سياره جيده زى البحث على بنت الحلال
و اسف مره اخرى للخلط الى حصل
سيارة فيات 132 للبيع على فكرة السيارة دى هى اول سيارة فى رابطة 132 فى اول صفحه مع بعض التعديلات الجديدة
موديل 1974
1800 سي سي ... ألماني
سنتر +انزار يابانى اصلى + زجاج كهربائى امامى+مفتاح ريموت
اللون: ابيض
الفرش الداخلي: جلي اسود.
حالة السيارة :
- موتور معمول له عمره من حوالي8 شهور. حاله ممتازة
- شكمتان جديد من حوالي 4 شهور + ديفيل نيكل موضح بالصورة.
- طقم جنوط 14" - 5ريشة نجمة. 8/2006 تاريخ الصنع.
- 2 كاوتش امامي 185/70 Maxis جديد.
- 2 كاوتش خلفي 185/70 سرعات.
- طقم سماعات بيونير ( 4 سماعة + SUB ) + كاسيت تويوتا ياباني الاصلي.
http://www.up-images.com/uploads/ima...139df680e2.jpg
السعر 20 الف قابل للتفاوض
0107831900 / 0161384565
opetan2006@yahoo.com
الى hhhggg
حصل خير بس انا اتعصبت بجد لان العربيات كتير وحسيت ان سياتك متنرفز اوى عموما حصل خير والغريب هنا ان خالد صاحب العربية بيقول نفس كلامك عن عربيته هههههههههههههههههه ئول بقة انها بتاعتك هههههههههه .
يا ناس يا مربطين فى الرابطة انا رايح بكرة اخلصصصصصصصصصصصص ادعولى
السلام عليكم
انا المهندس يحيى الصباغ من القاهرة وكنت امتلك 32 2000 سى سى من خمس سنوات والان امتلك والحمد لله فيرنا
اسف على الفظ بس انا شايف اسعار مستفزة جدااااااااا 20 الف و15 الف .. يا جماعة الاسعار دى الايام اللى احنا فيها دى خيالية انتوا لية مش عاوزين تقتنعوا ان الدنيا اتغيرت والاسعار اللى انتو بتتكلموا فيها دى اصبحت ضرب من الخيال .. اللى عاوز عربية 32 موديل تماننات 2000 سى سى ب 10000 عشر الالف جنية فقط لا غير بشرط خبير يفحصها ومش عربية واحدة لا دولة اكتر من سبعة عشر عربيات اجعصهم ب 11 الف اللى عاوز يتصل بية .. اما بعد
الاخ opetan عشرين الف موديل 74 هتقول حالتها وناعمة وقوية وشدها وانا دافع فيها كذا وكذا .. ماشى انا معاك بس هتبيع رخيص هتشترى رخيص يعنى انتة مش هتخسر حاجة الحق بيع بسعر معقول ترتتضية من اللى هيشترى واخلص قبل ما الوقت يسرقك وقبل ما موديلات 2010 تنزل لان موديلات السنة اللى فاتت ماتبعش لسة .. واللى بيقول ان الصيف الاسعار هترتفع لانتهاء فترة الامتحانات والناس بتاعت برة هترجع والعملية هتنتعش تانى والاسعار هتزيد .. الكلام دة خلص خلاص الخليج بيصفى عمالة وخصوصا العمالة المصرية والكل راجع مش متاكد انه راجع تانى فهيموت على فلوسو غير ان الصيف الناس طلعة مصايف .. اللى انا عاوز اقولهولك .. مافيش فلوس فى البلد .. وبعدين اللى انا عاوز افهمو هو اللى معاة عربية ماسك فيها لية كدة اكنها اسف فى التعبير حتة من جسموا .. ما انتة هتبيع وهتشترى بنفس السعر تقريبا دة بالعكس دة انتة هتحدث وهتشترى جديد اللى هيبئة باسعار كنا بنعتبرها ضرب من الخيال احنا كنا طيلين الاسعار دى ..... فيا خونا اللى عاوز يبيع بشكل ضرورى يبيع دلوئتى قبل بكرة نصيحة من اخوكو ولو هتبيع القديم وهتشترى الجديد اتقل شوية صغيرة اوى كلها تلت اربع شهور .. واللى انتو مش وخدين بالكوا منوا ان مشروع التاكسى بيتنفذ واودامة شوية صغيرة ويخلص (( 130.000 تاكسى هيتكهنوا )) الى الان استبدل 5000 تاكسى ووزارة المالية بتدعم المصانع عشان تنجز لدرجة ان المصانع التقفيل بتشتغل شفتين وثلاث شفتات التهرضة )) صاحب التاكسى لو حد جة قالو خد 7000 جنية وهات التاكسى بتاعك اللى هوة موديل 97 \ 80 او او بيجو 504 هيبوس ايدو وش وظهر لان الحكومة هتاخدها على انها وزن ب 5000 بس .. فالايام اللى جاية دى هتشهد سيرك عربيات مولد ما كنش حد منا يتخيل .. واللى سمع على التاتا نانو دى اللى 2000 دولار اللى بتصنع فى الهند واللى اودمها بتاع سنتين تلاتة وتنزل هنا الشرق الاوسط هتبهدل الدنيا اللى عندو موتوسيكل او توكتوك هيبيعو ويشترى العربية الشيك جدا ( بغض النظر عن الامكانيات ) شعبنا بتاع مناظر ومظاهر عربيتك دى اللى انتة طالب فيها 20 ولا 15 الف مع احترامى ........... سلام عليكم وانا بفكركوا ب32 اى موديل مافيش حاجة اسمها حالة كل العربيات اللى بئولوكوا عليها تمامممممم وبخبير وبكام (10 الف جنية )
سيارة فيات 132 للبيع على فكرة السيارة دى هى اول سيارة فى رابطة 132 فى اول صفحه مع بعض التعديلات الجديدة
موديل 1974
1800 سي سي ... ألماني
سنتر +انزار يابانى اصلى + زجاج كهربائى امامى+مفتاح ريموت
اللون: ابيض
الفرش الداخلي: جلي اسود.
حالة السيارة :
- موتور معمول له عمره من حوالي8 شهور. حاله ممتازة
- شكمتان جديد من حوالي 4 شهور + ديفيل نيكل موضح بالصورة.
- طقم جنوط 14" - 5ريشة نجمة. 8/2006 تاريخ الصنع.
- 2 كاوتش امامي 185/70 Maxis جديد.
- 2 كاوتش خلفي 185/70 سرعات.
- طقم سماعات بيونير ( 4 سماعة + SUB ) + كاسيت تويوتا ياباني الاصلي.
http://www.up-images.com/uploads/ima...139df680e2.jpg
0107831900 / 0161384565
opetan2006@yahoo.com[/
ياجماعة تم تخفيض سعر العربية الى 16000 الف نهائى
مع احترامى لكلام سيادتك مينفعش عربيه 132 2000 وكمان موديل التمنينات وتبقى بالمبلغ ده اصلنا مش هنبيع لب هههههههه ولو فى حد عرض عليا السعر ده انا مش هبعها اساسا وخليها معايا لمزاجى الشخصى وبعدين انا شايفك بتتكلم عليها وحش انت معرفتش العربيه ديه او نظامها ايه اللى كانت معالك ديه حاجه تانيه وربنا يكرمك ويخليك تركب احسن من الفيرنا بس اسف الفيرنا ديه متتقرنش ب 132 اصلا ده فى نظرى وعن تجربه .
السلام عليكم جميعا وصباح الخير
الاخ هيما اف 16
يا اخ ابراهيم خليك واقعى شوية انا مش ضد ال 32 لا بالعكس انا كنت فى يوم من الايام راكبها وبكن ليها حب واحترام كبير ولهذا السبب حبيت ازور رابطتكم المحترمة عشان اشوف اخبارها اية بس الاسعار مستفزة اوى ودة اللى خلانى اتكلم .. ال32 ومثيلتها زى الجماعة الخواجات مابيقولو اصبحت شى من الماضى العربيات اللى بيعدى عليها خمس او ست سنين بتتحط فى المتحف والاهى واوعى تفتكرنى بهزر . وتعالى كدة معايا ونبص على انواع العربيات الجديدة الللى عمرنا ما كنا نتخيل هذا الكم من العربيات اللى مانعرفلهاش ملة بقت كتير اوى . لو انا تاجر قطع غيار وهشترى على سبيل المثال كبوت ال 32 ب 2000 وكبوت الحديث ب 200 والطلب على الحديث اكبر ابئة راجل اهبل لو اشتريت كبوت ال 32 صح ولا انا غلطان . انا مش ضد العربية عشان اتكلم عليها وحش انا ضد اسعاركو الغريبة جداااااااااا . وانا مش تاجر ولا احب اتاجر فى العربيات بس اللى انا شايفوا اودامى دلوفتى
الى الاخ اسلام
السلام عليكو ورحمته وبركاته
انا مش تاجر بس جنبى معرض بقعد مع اصحابه امبارح بس عربية 32 2000 متباعة اودامى ب 8 الف جنية فيها بارومة اى نعم كتير بس لو اتصرف عليها الف ونص او الفين بقت عربية .. لو تحب يا باشا ااومر وانا هساعدك لوجة الله وبكرر انا ما ليش مصلحه .. انته عاوز تعرف اية عن العربية وانا اقولك ولو كدة اكتبلك رقم الموبيل وتحياتى للجميع
السلام عليكم
اد اية انا مبسوط لانى وجدت حد بيقدر وبيعشق مرسيدس الفيات 132 . انا لسة شارى سيارتى ال32 2000 سى سى قريب من حوالى 12 يوم تقريبا ب 9 . انا شايف نقاشات حول الاسعار الاسعار فعلا فى الارض وماكنتش فى يوم من الايام اتخيل ان انا ممكن اشنرى العربية دى بالسعر دة بس عربيتى محتاجة مصاريف والى انا بعملها دلوقتى بحوالى الفين جنية بس هتصبح مية مية فانا بصراحة شايف كلام الاخ اسف اسمك غريب مش عارف الصباع ولا الصباح انا مش شايف كلاك غريب بالعكس كلامك منطقى جدا . وعلى العموم انا فعلا مبسوط بالمنتدى دة جدا يارب يبارك فى اللى عملوا والسلام عليكو
السلام عليكم و رحمة الله و بركاته
اخوتي الكرام ....
من المؤسف ان اقرأ هذا الجدال في الرابطة يصدر عن اشخاص اعتقد انهم على مستوى معين من الوعي ... و لعن الله الفتنة و من ايقظها ........ المفروض و المتعارف عليه في ديننا... اولا..... ان لا تبخسو الناس اشيائهم ..... و معروف عندكم في مصر مثل يقول بين البايع و الشاري يفتح الله...... فلا نقول لصاحب الفيرنا ان عايز اشتري سيارتك بنصف القيمة و لا لصاحب 132 ايضا انا اريد ان اشتري بنصف او ربع القيمة ....... السوق مفتوح للجميع...
الرجاء ثم الرجاء منكم يا اخوتنا .....الرابطة وجدت لمساعدة و نصح الجميع و ارشادهم على اساس من الاخوة في الدين و عدم الدخول بمهاترات ليس لها طائل.... و تترك في قلوبنا اثرا....
سامحوني على الاطالة ... ووفقنا الله لما يحبه و يرضاه.....
السلام عليكم جميعااااااااااااااااااااا ااااا
بركولى خلاص بقيت واحد منكم
اشترتها اول امبارح . الراجل اجيبو كدة اجيبو كدة المهم خلصتها على 11250 وهتصرف بتاع الف كمان سمكرة على البارد ودوكو بس مش عارف المرور . عموما انا مبسوط بالعربية الحمد لله .
الله يبارك فيكم جميعا
1800 سى سى موديل 74 بس جمدة انا سيبها عند السمكرى .. وبعدها الدوكو وثم ياتى دوركم (( الميكانيكا )) ربنا يباركلنا فيكم
منقول للافادة
بص يا سيدي انا حشرحلك ال132 كويس و حشرحلك تشتريها ازاي و حشرحلك التظبيطات اللي تعملها بس واحده واحده
اولا ال132 نزل منها تلات موديلات الs من موديل 72 الي 74 و دي كانت 1800 بس كان فيها مشاكل في الزوايا و غير قده قديمه اوي و شكلها مش حلوو بعدين gls من 74 الي 77 و دي نزل منها 1600 و 1800 و بتعرفهم من بعض ان ال1600 كانت نازله التابلوه بتاعها 3 دواير بس فيهم العدادات و الفتيس بتاعها 4 غيار و ال1800 كان العدادات بتاعها 5 دواير و الفتيس بتاعها 5 غيار. و ال132 اللي نزلت بعد كده اتعرفت في مصر باسم 2000 و دي من سنه 77 الي 81 و دي كانت عربيه وهم اياميها زي ما انا شارح فوق بالضبط علشان لو مش بالسقف و الفرش و العدادات المربيع دي تبقي مش 2000 علشان محدش يغشك و نزل منها موتورين برضه 1600(بيسموها في مصر 2000 كداب علشان شكل ال 2000 من بره و مافيهاش كماليات خالص) و الموتور التاني ال2000 و دي كانت نازله بالباور و الزجاج الكهرباء اساسي و ال1600 لاء و كان التكييف كماليات ممكن تلاقيه و ممكن لاء
اقولك بقي تشتريها ازاي : لازم اول ما تشوف العربيه ترتاح لها يعني تحس انها كده واحد صاحبك او كده لو جالك الاحساس دا تعرف انها عربيه صح !!بتكلم بجد مش بهزر يعني تبص عليها كويس و ال132 عموما شكلها من بره بيدل عليها من جوه اول حاجه تشوف الجوانب بتاعها لازم تكون كلها ميه واحده مافيهاش تعريجات و السوك بتاع الابواب مضبوطه و حاده و تحس فلا انها قاسمه الياب و الرفرف نصين مش تلاقيها ضايعه .و تاني حاجه من بره تبص علي نواكل الابواب لازم تكون كامله كلها علشان لو نيكل من اللي تحت الزجاج علي طول مش موجود يبقي مش حتعرف تجيبه و لو العربيه دي نضيفه بجد حتلاقي الضوافر البلاستيك السوده بتاع الفابريكه علي نوتاكل الابواب دي و بعدين افتح الباب بتاعها و اقفله و اسمع صوت الفتح و القفل يا تري بترزع ولا الباب مشخشخ ولا ايه بالضبط؟؟انا بفضل انك تجيب ال132 ال2000 او ال1600 اللي بيسموها ال2000 كداب دي(موديلها من 77 الي 81) اعلي و اشيك موديل فيهم
المهم تفتح الباب و اتفرج علي فرش الابواب بتاعها عامل ازاي لازم يكون لونه بني و مايكونش المقابض بتاعه ضايعه او الفرش متبهدل او مصري علشان الفرش دا ما بيتعدلش و غالي جدا لو اشتريته (انا سمعت ان طقم الابواب كامل ب 2500 جنيه!!!)و بعدين تبص علي التابلوه بتاعها تشوفه ولو عليه غطاء ولا حاجه شيل الغطا علشان ممكن يكون بايظ و التابلوه بتاعها غالي و تشوف الامبيرات بتاعها سليمه ولا لاء و الفتيس تشوف نقلاته كلها و الدبرايج بتاعها مريح ولا لاء و الباور تجربه و الفرامل و وصوت الموتور ناعم ولا لاء؟؟؟علشان صوت ال2 كامه و ال132 خصوصا ناعم جدا و بعدين افتح الكبود و سيبك من فكره دي رشه دواخل و دي مش راشه علشان طالما نزلت الرفارف بتاعها يبقي كده رشت دواخل اهم حاجه تبص عليها او تخلي حد يبصلك عليها الحته اللي حوالين المساعدين الاماميه علشان دايما بتتملي بارومه فخلي بالك منها كويس و كمان الشاسيهات بتاعها خلي حد يكشف عليها و علي ركب الموتور علشان دي البارومه مشهوره اوي فيها و فرده الشاسيه بتاعها بتبقي ورا العجله الاماميه و بيبقا فيها تلات دواير كده كبار لو لقيت الدواير دي عليها كاوتش او حاجه تعرف ان العربيه دي فابريكه و اشتريها و انت مغمض و تبص علي الوش بتاعها و شوفه راكب علي بعضه ولا مخاصم بعضه و العربيه لازم تكون كلها ارتفاع واحد مش عاليه اوي عن الارض و فرش الشنطه لازمم تتاكد انه بتاع بلادها (صوف بني في ال2000 و مشمع في الglsو مكتوب عليه 132 gls)و لازم موتورها ما يكونش طالع منه اي صوت غريب لا تخبيط ولا ترزيع ولا اي حاجه من دي و اهم حاجه ان العربيه النضيفه الواحد بيرتاح لها علي طول و الكلام دا حيفيدك
بالنسبه لتظبيطها ال132 و خصوصا ال2000 اللي برشحها ليك مش محتاجه اي تبيط العربيه لما بتبقي نضيفه بتلاقيها ماشيه كده و بتدلع و عموما في شويه حاجات ممكن تعملها يعني هيا بتنزل اصلا بجنوط اسمها جنوط مروحه و دي الجنوط الوحيده اللي بتليق عليها و الاحسن تسيبها بس تجيب لها طقم اطواق نيكل بيخلي شكلها تحفه و الفوانيس الاماميه تخليها لونها اصفر زي الشبوره برضه بتديها منظر و تجيب لها سبويلر رقيق و خفيف و بسيط جدا تحطه علي الشنطه و النواكل بتاع الدواير الرفارف كلها تركبها و ما تركبش البلاستيك ابدا ال132 ما تبقاش 132 غير بالنواكل دي لو مالقيتهاش في العربيه ما تشتريهاش و ممكن تركب لها قاطره ورا الاكصدام الخلفي بتيجي استعمال برضه و بتقولهم في الوكاله او بورسعيد عاوز قطره بتاع 132 بتيجي جاهزه علي مقاس العربيه و الف رش بتاعها لو موجود سيبه ولو مش موجود هات خامه قريبه منه و روح لسروجي نضيف يعملهولك نفس الرسمه و نفس اللون بيبقي تحفه برضه و ول ما انت ماشي ابقي نزل الشماسات بتاعها كلها (شماستها فيميه و شكلها حلو و بتدي العربيه منظر) بس انا طولت عليك اوي بس انا فعلا بموووت في العربيه دي و لو انت ساكن قريب من المحله و لقيت عربيه ممكن اجي ابصلك عليها مفيش مشاكل
اخي speedd25
مبروك على السيارة مرة ثانية ممكن تخبرني
11250 يطلعو اد ايه بالدولار ( معدل صرف الدولار على الجينيه المصري؟؟؟)....
مبارك... الوحش 132 ..... و هناك فارس جديد في الرابطة انظم لنا ..... مبارك..........................
اخي speedd25
نحن في شوق لرؤية سيارتك اين الصور و الفيديو كليب ؟؟؟
ماهو شكل التابلوه ؟ لون السيارة؟؟؟ العفش ؟؟ الجنوط؟؟؟ تفاصيل المحرك (رقم المحرك ، الكربيرتير،؟) ؟؟؟؟؟ الخ؟؟؟؟
لدينا فضول لمعرغة التفاصيل لا تتاخر علينا.................
http://www.postimage.org/image.php?v=Pqt2At9
اخي العزيز hemaf16
كيفك ما هي اخبار الوحش اليوم ...؟؟؟
يجب ان نعمل باب نسمية اخبار الوحش 132 اليوم و في كل صباح .... و صباح الخير يا ايها الوحش 132 .....
مثلا نقول في الاخبار قا م العضو فلان من رابطة الوحش 132 بتغير زيت سيارته من كاسترول الى موبيل ون بعد ان ورد في الاخبار ان الشحنة الاخيرة الواردة الى البلاد مضروبة و من خلال البحث و لتحقيقات وجد انة الموزع بورش في سيارة العضور فلان بحاجة الى تغير و اقترح العضو فلان..... الخ....
اعضاء الرابطة الكرام لو حد عايز يبيع 132 موديل فوق 1977 1600 او 1800 او 2000 شرط فابريقة دواخل و حالة ممتازة انا جاد جدا فى الشراء .
الأخوة الأعزاء
أنا سعيد جداً بإنشاء مجموعة محبى الفيات 132 لأنى من أكبر عشاق هذه السيارة الرائعة
أرجو أن تقبلونى عضواً جديداً بهذه المجموعة المميزة
وأرجو أيضاً مساعدتى فى الحصول على سيارة 132 أى سعة لأننى أرغب فى اقتنائها مرة أخرى
للاتصال : 0109610631
خالص تحياتى وشكرى
اهلاً و سهلاً باخواننا محبي و عشاق الفيات 132 اهلا بكم جميعاً
بالنسبة لاخونا speedd25
ماهي اخبار سيارتك الوحش لم نعد نسمع او نرى اي خبر عنك ... اين وصلت و عسى المانع ان يكون خيراً................
http://www.postimage.org/image.php?v=Pqt2At9
ازيكو يا أحلى رابطه ان شاء الله أحاول أرجع أدخل تاني على الرابطة الحلوة دي بعد طول غياب بسبب الامتحانات العملي ادعولي بقى علشان خلاص قربت أبدأ في الامتحانات النظري دعواتكم جميعا
انا سعيد قوي قوي بالأعضاء الجدد اللي منورين الرابطة
في موضوع كده ياريت تقوللنا رأيكم فيه لأنه متجرب على عربه 132 برضه
http://www.nilemotors.net/Nile/showthread.php?t=79634
السلام عليكم جميعا
معلش انا بقالى بتاع عشرين يوم متغيب عنكم بس والاهى ليكم وحشة لانك غليين اوى . اولا الى الاخ speedd25 انا بعتزرلك على سوء الفهم مع الاخ hhhggg لسوء الفهم لانة كان يقصدنى انا معلش وحصل خير ومبروك على العربية الجديدة وربنا يباركلك .
ما شاء الله انا شايف ان الرابطة ماشاء الله فيها اخوة جداد والاهى منورين الرابطة وبرحب بيكم جميعا وباكد ليكم ان الرابطة د هتفدكوم جدااااااااا زى ما فدتنى وبكرر ترحيبى بيكم.
ازيك يا دكتور egypt200x بقالك فترة كبيرة اوى ما دخلتيش ربنا يئويك على دراستك وعلى فكرة مشركاتك كانت ومازالت مرجع لينا عن الوحش ال 32 وربنا يعينك وتخلص .
من تصفحى اليوم فى منتدى الاكسسوار وجدت الاخ محمد رفعت عامل مشاركة على عربيتة ال 32 بعد التزبيط هايلةةةةةةةةةةةةة مركب فرش جديد وكراسى ريكارو تحفة فى عربيتو ربنا يباركلو فيها يارب ودة راجل محترم واكيد غيابه عن هنا انه عاملكم مفاجاة بعد تخليص العربيه ادعوله .
ترحيب خاص جدا لاخونا العربى الاردنى نيزار ندى منور الرابطة بمشركاتك واهلا وسهلا بيك . (( معلش يا جماعة على التطويل بس بجد كنت مفتقدكو )) وجعت دماغكو باى . اخوكم محمد لطفى استاذ اللغة الانجليزية \ الزقازيق \ الشرقية
شكرا يا أستاذ محمد على الاطراء الحلو ده على مشاركتي المتواضعه
وياريت بجد يا جماعه حد يحاول يوصل لرأي قاطع في موضوع النفتالين ده لأن نتايجه بجد مذهلة
http://www.nilemotors.net/Nile/showthread.php?p=899839