نصيحة خليك فى ال 2000 لانها عربية جميلة فعلا واحسن بكتيييييييير من الباقى ال 1600 وال 1800 حتى لو بتاخد بنزين اكتر لكنها عربية كمالياتها وابشنها وحتى تقفيلها احسن بكتير من الباقى .
عرض للطباعة
نصيحة خليك فى ال 2000 لانها عربية جميلة فعلا واحسن بكتيييييييير من الباقى ال 1600 وال 1800 حتى لو بتاخد بنزين اكتر لكنها عربية كمالياتها وابشنها وحتى تقفيلها احسن بكتير من الباقى .
باختلف معاك يا مودي.اقتباس:
نصيحة خليك فى ال 2000 لانها عربية جميلة فعلا واحسن بكتيييييييير من الباقى ال 1600 وال 1800 حتى لو بتاخد بنزين اكتر لكنها عربية كمالياتها وابشنها وحتى تقفيلها احسن بكتير من الباقى .
مش مختلفين ان ال 2000 سحبها جبار. وكمالياتها افضل من ال 1600 و 1800
بس ناخد بالنا من نقطتين :
1- سعر اعادة البيع قليل بالمقارنة بال 1800 وال 1800 قليل بالنسبة لل 1600
يعني ال 1600 افضل سعر اعادة بيع.
2- 1800 و 2000 نفس شريحة الضريبه. ولكن ال 1600 شريحه أقل.
يعني ال 1600 أقل ضريبه.
3- استهلاك البنزين في ال 2000 اكثر من ال 1800
وال 1800 اكثر من ال 1600
يعني ال 1600 افضل استهلاك بنزين.
ومن هنا طبعآ بنرشح ال 1600
وبالنسبة للاسعار اليومين دول ( اسعار فعليه ).
- من شهراشتريت 2000 لواحد صاحبي كانت عامله 9 الاف جنيه. وكانت محتاجه شوية تظبيط.
سنتر وباور وزجاج كهرباء. لكن مافيش تكييف. وفيها رخصه سنه وفحص 3 سنوات
وصرفت سمكره وبويه ( كان فيها برومه كتير ) 1200 جنيه بعد الاكراميه. (السمكري والبوهيجي اصحابي ).
وشغل في العافشه 800 جنيه.
وضبط الماكينة 300 جنيه (تاكيهات وفواني ووش اسبراتير وسير كاتينة وسير دينامو وتظبيط المارش والدينامو )
وغيار زيت وفلاتر 100 جنيه.
يعني صرفت 2500 ووقفت ب 11500
وامبارح اشترينا عربيه 1600 (للسمكري اللي اشتغل في ال 2000 هو اصلا بيتاجر.) فابريكه من الداخل. وعافشه وماكينة بسم الله ماشاء الله مافيهمش الهواء. وكاوتش جديد . وراشه بره نضافه قريب. وسنتر وانذار. وخلصت 15750
ومش محتاجه اكتر من تيل خلفي وطقم السرفيس.
نصيحه لوجه الله خليك في ال 1600 وماتستعجلش علشان توقع عربيه كويسه.
ماشى يا باشا كل الحجات دية صحيحة بس مش الاسباب القوية اللى تخلى ال 1600 وال 1800 افضل فى الشراء من ال 2000 لان
انا مش حشترى العربية وانا بفكر فى سعر اعادة البيع (دة بالنسباللى )انا اهم حاجة حالة العربية وانها تكون عجبانى وامكنيتها حلوة انما انا مش تاجر حشترى وابيع الا اذا كان حد بيحب يغير كتير ::
وبالنسبة للضريبة فدى عربيات قديمة يعنى ضريبة ال 2000 من ال 1800 وال 1600 مش فارقة كتير ::
واستهلاك البنزين هو كبير بالنسبة لل 2000 بس فى المقابل بتديك اداء عالى وجرى على الطريق جميل جداااااااا ::
بس فى ناس بتفضل ال 1600-1800 عن ال 2000 بس انا من عشاق ال 2000 . وشايفها عربية جامدة وبتستحمل واعطالها مش كتير واى مصاريف عليها مش خسارة بالعكس حارجعللك انك حتلاقى العربية حتتضبط ...
شكرا مودى شكرا درفت لفر انا عاوز ائول انى سعيد بالتعرف عليكوا جدا .. ومعلوماتكو مفيدة جدا .. ورحكو عالية .. بجد ربنا يكرمكو ..
بالنسبة لكلامكوا انا شخصيا بحب حجتى وبتعلق بيها لدرجة الاعتزاز فلو انا اشتريت عربية وحبيتها هئنيها اكيد .. طبعا كون جديد فى عالمكم هذا فكل المعلومات اللى انتوا بتئولوها جديدة ومهمة لية جدا وادينا بنتعلم واكيد هئولكوا تجاربى مع العربية اللى هشتريها وهدلونى اكيد ان شاء الله .. مستر لوفر زكرت ان صحبك اشترى عربية فيها برومة .. هل دة يجوز .. يعنى انا معروض علية 32 \ مو 2000 ب 8500 هل سهل التغلب على البرومة من خلال سمكرى طب هيعمل اية السمكرى فى حاجة زى دى وهل ممكن البرومة ترجع تانى طب ولو حبيت ابيعها تانى هتجيب الفلوس اللى انا دفعتها وزى مائولتلكو انا مترقب الى شهر ستة نص السنة يعنى .. مش عارف لية حاسس ان حد فى الرابطة دى هوة اللى هيشتريلى العربية فعشان كدة لو مافيش مانع نتعرف ونتبادل ارقام التليفونات
ابدا بنفسى انا بئة (( ما اعرفش انتوا اتعرفتوا ببعض ولا لائة لو اتعرفتوا وما اعتقدش لانى قريت جميع صفح الرابطة )) المهم انا ............ الاسم : محمد لطفى (( محمد لطفى اللى يـقـيـد ويـطـفـى زى مابيئولى احد الاصدقاء))المهنة : مدرس لغة انجليزية بمدرسة تجريبيةالسن : مواليد 22\6\76 ( 32 \33 سنة تقريبا ) عجوز يعنىالعنوان : انا شرقاوى من مدينة الزقازيق متزوج وعندى (( حبيبة الرحمن )) سنتين ونص وحفظة اية بى ونص الفتحة وقل هو الله احد كلها
يا اهلا بيك يا باشا عضو و اخ جديد لعائله ال132اقتباس:
ابدا بنفسى انا بئة (( ما اعرفش انتوا اتعرفتوا ببعض ولا لائة لو اتعرفتوا وما اعتقدش لانى قريت جميع صفح الرابطة )) المهم انا ............ الاسم : محمد لطفى (( محمد لطفى اللى يـقـيـد ويـطـفـى زى مابيئولى احد الاصدقاء))المهنة : مدرس لغة انجليزية بمدرسة تجريبيةالسن : مواليد 22\6\76 ( 32 \33 سنة تقريبا ) عجوز يعنىالعنوان : انا شرقاوى من مدينة الزقازيق متزوج وعندى (( حبيبة الرحمن )) سنتين ونص وحفظة اية بى ونص الفتحة وقل هو الله احد كلها
و مشاء الله ربنا يباركلك فى حبيبه يا رب و تشوفها عروسه و تتكتب لها الكتاب ذيى كده إن شاء الله بعزم الرابطه او عائله ال132 كلها على كتب كتاب اختى يوم الجمعه بعد المغرب بجامع سيف بشبين الكوم
انا عارف انها بعيد عليكوا بس اللى مش هيقدر يجى انا بعزوره بس يبعتلى مبروك كفايه