رابطة ومالكي عشاق الفيات 132

**sir_servizio** · 06-02-2009 07:16 PM

ياريت ولله تجيب لينا الاسعار هتبقي حاجه كويسه للربطه بتعتنا

**Egypt200x** · 06-02-2009 08:22 PM

بسم الله نبدأ
أولا من ناحية الميكانيكا انا الحمد لله خلصتها خلاص وبصراحة الموتور بتاع العربيه دي طلع أحسن من ما كنت متخيل بكتييييييييييييير يعني فعلا العربيه دي وحش فعلا زي ما كل اللي جربها قاللي فعلا 132 دي سابقه وقتها
قطع الغيار اللي جبتها للعربيه علشان العمره (عمره كامله) كانت ب930 جنيه
والمخرطة خدت260 جنيه والميكانيكي خد 450جنيه يعني العمره كلها 1590 جنيه
والله العظيم كل قرش في العربيه دي مش خساره أبدا
وعلى فكره انا عملت العمره في طنطا يمكن الاسعار تفرق عن القاهرة أو المنصورة بس أعتقد انها حتبقى فروق بسيطه

وعلى فكره انا خلصت العفشه برضه وحبقى اكتب لكم تفاصيلها

**Egypt200x** · 06-02-2009 08:33 PM

على فكره كشف أسعار قطع الغيار معايا بس الخط في زباله قوي ومش عارف اقرا حاجه خاصة اني على قدي من ناحية المياكنيكا دي يعني

**sir_servizio** · 06-02-2009 10:20 PM

مبروك عليك العمرة الجديده يا باشا وحاول مع كشف الاسعار كده

**Egypt200x** · 06-02-2009 10:30 PM

انا ممكن أرفعه عن طريق السكانر هو ده الحل الوحيد ان شاء الله أرفعه دلوقت حالا

**Egypt200x** · 06-02-2009 10:52 PM

ده كشف قطع الغيار اللي المحل اداه لي

على فكره دي أول صوره أرفعها لمنتدى يارب أكون رفعتها صح

**omdaz_5538** · 07-02-2009 03:39 AM

حلوا اوى الكلام دة لغايت دلوقتى
بس انا مش لاقى 2000سىسى هنا فى المنتدى غير استاذ مودى و انا بس
على العموم انا عايز اسأل على اسعار الحاجات دى:-
1-علبة ديركسيون 132 2000سىسى
2-ماكينة بور
3-اربع مساعدين مونرو غاز ذى بتوع الاستاذ مودى
متنسوماش يا رجالة 132

**Egypt200x** · 07-02-2009 04:38 AM

ماتقلقش يا أستاذ omdaz_5538 أكيد حيطلع ناس تانيه معاهم 2000 أنا كنت اتمنى ابفى واحد منهم (علشان الباور بالذات)
بس ال1600 ميزتها في الترخيص والبنزين (اقتصاديه يعني)

نيجي بقى للعفشه اللي عملته في عربيتي
انا رحت لواحد عندنا في البلد بعد ما لقيت كل الناس بتشكر فيه قوي قاللي دي ماشاء الله محتاجه عفشه كامله من أول وجديد بالعربي كده مافيهاش حاجه سليمه
طبعا انا اتصدمت من الكلام ده
ورحت معاه نجيب الحاجه المطلوبه ودي فاتورة الاسعار
1069 جنيه اجمالي الحاجات اللي أنا جبتها والعفشجي خد 140 جنيه مصنعيه بس بجد الغالي تمنه فيه خاصتا في الحاجات دي يعني العفشجي قاللي هات القطع الالماني مش حتندم وفعلا العفشه بقت زي الفل وعشره على عشره سواء في المطبات أو في الجري والسرعات العاليه

**Egypt200x** · 07-02-2009 04:44 AM

الغريب يا جماعه ان كل اللي يعرف اني صرفت على العفشه المبلغ ده يقوللي ليه كل ده دي اتكلفت كتييييييييييييير قوي ياريت اسمع تعليقاتكم لو كان حد عمل عفشت عربيته قريب

**MohaMed_Refaat** · 07-02-2009 05:38 AM

ازيكوا يا شباب وحشتونى والله بقالى كتير موش برد فى الرابطة معلش كنت مزنوق فى الشغل شوية وكمان شغل العربية بياخد بقية الوقت

بالنسبة للاخ omdaz_5538 فانا موش عارف اسعار غير المساعدين المونرو الغاز هو سعر المساعد الواحد ب 120 جم يعنى الطقم ال 4 مساعدين ب 480 جم بس انت فاصل لانة كان حيدينى الواحد ب 140جم وكود المساعدين امامى PIN 23264 خلفى PIN23265 جبتهم من توكيل مونرو اللى فى طنطا شارع الشيتى المتفرع من شارع البحر بجوار بنك CIB بس بصراحة فرقوا جامد فى اداء العربية واتزانها ..
بالنسبة لباقى الاسعار حبقى ارد عليك فيها

بالنسبة للاخ Egypt200x مبروك الشغل اللى فى العربية وياريت نبقى نتقابل قريب علشان نتبادل الافكار فى العربيات واشوف شغل عربيتك وتشوف شغل عربيتى طالما احنا طنطاوية الخط اللى فى الفاتورة دة بتاع اورجينال صح يا معلم (:(: