<<<< اتصل على 122 هاتلاقيهم نايمين >>>> <<<< صوره و تعليق >>>>

**mo7a_mo7a** · 28-01-2009 02:39 AM

المشاركة الأصلية كتبت بواسطة tutankhamoun

الأستاذ موحا موحا ...........كلامك مظبوط و 100 %

العساكر ملهاش أي ذنب
و بعدين معلش .......الأخ كيموا بيقول أن الظباط بيديله 50 جنيه أخر الشهر ( للعسكري يعني )
أولا النظام كله بطيخ في بطيخ
العسكري مش شغال عمد الظابط ........اللي بشوفه بأم عيني
العسكري شغال خدام عند الظابط و المدام بتاعة الظابط و عيال الظابط كمان
و عربية الداخلية تحت أمر الظابط و مدام الظابط وأولاد الظابط و أم الظابط و كافة أفراد عائلته و قرايب الظابط
القسم نفسه موجود لنفس الغرض

طيب أنا مرة رحت القسم علشان أعمل بلاغ
لقيت الظابط و الله العظيم ثلاثة ......... قاعد بيلعب أتاري و بلاأستاشين مع الظباط البهوات أصحابه و الغرفة اللي قاعدين فيها و لا غرفة أمير في قصر

طبعا بقى المكان اللي حاجزين فيه الناس لا يسر عدو و لا حبيب
و المعاملة ..........لوز لوز لوز ..........أكيد فهمتوني !!!

و العساكر برة واقفة شغالة مرماطونات للظباط
أجري ياض هات مياة للباشا ......... و الواد العسكري يجري يا عيني زي الخدام مزعور علشان يرضي البيه الباشا

المفروض أن العسكري له وظيفة و الظابط له وظيفة
و كل بيشتغل عند الشعب علشان تحقيق الأمن ....
إنما اللي حاصل في مصر ده ......... بطيخ في بطيخ

و لنا و لمصر الله عز و جل فقط لا غير دائما و أبدا
و لا حول و لا قوة إلا بالله العلي العظيم

شكرا جزيلا علي تاييدك
واحب اضيف شئ اخر
المسؤولية الرقابية المنوط بها النيابة العامة بالتفتيش علي الاقسام غائبة تماما وكثيرا ما تكون معطلة بالامر طوعا احيانا وكرها احيان اخري

ولك الله يا مصر

**mo7a_mo7a** · 28-01-2009 02:40 AM

المشاركة الأصلية كتبت بواسطة mahmoud_nov1985

دى حاجة غريبة قوى

لا غريب الا الشطان يا استاذ محمود

**mo7a_mo7a** · 28-01-2009 02:43 AM

المشاركة الأصلية كتبت بواسطة fakoussa

ما تنسوش اننا فى مصر . ماذا تتوقع اكتر من ذلك؟؟

و كل سنة و انت طيب يا باشا

بلاش اللهجة اليائسة دي يا اخونا الله يخليكوا

هي مصر دي دولة دون الدول؟؟
ولا الدول التانية عندها ناس واحنا كائنات اقل؟؟

يا اخونا الامارات والسعودية وقطر والكويت وكل الخليج كان معندهاش عربيات من اصله في الوقت اللي كانت مصر شبه اوروبا
انما دلوقتي سبحان الله مغير الاحوال

احنا ناقصنا سيادة القانون والنظاااااااااااااااااااا اااااااام فقط

**mo7a_mo7a** · 28-01-2009 02:44 AM

المشاركة الأصلية كتبت بواسطة karimone

طب ماهي البلد كلها بتلعب بلاي ستيشن ولا يعني عشان هما ظباط و مفروض يحموا البلد و يقبضوا علي الحراميه ما يلعبوش... طب ما هو الحراميه برده لازم يسرقوا عشان ياكلوا عيش ولا عايزهم يموتوا من الجوع

:k30::k30::k30::k30::k30:

انا بقترح انك تشوف حرامي محترم وابن ناس ويكون شريف بالمرة تديلوا مفاتيح عربيتك مساهمة منك في رفع المعاناة عنه