<<<< اتصل على 122 هاتلاقيهم نايمين >>>> <<<< صوره و تعليق >>>>

**hossaam** · 26-01-2009 10:58 AM

معلش سؤال خارج الموضوع نوعا ما..
هو شكل ولون كل من سيارات
شرطة المرور والنجدة في مصر ايه؟!!
علشان بس اميزهم وانا في الشارع
ويا ريت لو فيه صور ليهم اكون ممتن جدا
وشكرا

**tutankhamoun** · 26-01-2009 11:15 AM

الأستاذ موحا موحا ...........كلامك مظبوط و 100 %

العساكر ملهاش أي ذنب
و بعدين معلش .......الأخ كيموا بيقول أن الظباط بيديله 50 جنيه أخر الشهر ( للعسكري يعني )
أولا النظام كله بطيخ في بطيخ
العسكري مش شغال عمد الظابط ........اللي بشوفه بأم عيني
العسكري شغال خدام عند الظابط و المدام بتاعة الظابط و عيال الظابط كمان
و عربية الداخلية تحت أمر الظابط و مدام الظابط وأولاد الظابط و أم الظابط و كافة أفراد عائلته و قرايب الظابط
القسم نفسه موجود لنفس الغرض

طيب أنا مرة رحت القسم علشان أعمل بلاغ
لقيت الظابط و الله العظيم ثلاثة ......... قاعد بيلعب أتاري و بلاأستاشين مع الظباط البهوات أصحابه و الغرفة اللي قاعدين فيها و لا غرفة أمير في قصر

طبعا بقى المكان اللي حاجزين فيه الناس لا يسر عدو و لا حبيب
و المعاملة ..........لوز لوز لوز ..........أكيد فهمتوني !!!

و العساكر برة واقفة شغالة مرماطونات للظباط
أجري ياض هات مياة للباشا ......... و الواد العسكري يجري يا عيني زي الخدام مزعور علشان يرضي البيه الباشا

المفروض أن العسكري له وظيفة و الظابط له وظيفة
و كل بيشتغل عند الشعب علشان تحقيق الأمن ....
إنما اللي حاصل في مصر ده ......... بطيخ في بطيخ

و لنا و لمصر الله عز و جل فقط لا غير دائما و أبدا
و لا حول و لا قوة إلا بالله العلي العظيم

**fakoussa** · 26-01-2009 11:35 AM

ما تنسوش اننا فى مصر . ماذا تتوقع اكتر من ذلك؟؟

و كل سنة و انت طيب يا باشا

**M_55** · 26-01-2009 11:39 AM

مصر بلد الامن والامان

**mahmoud_nov1985** · 26-01-2009 11:41 AM

دى حاجة غريبة قوى

**bee** · 26-01-2009 12:13 PM

المشاركة الأصلية كتبت بواسطة kimo-nubira

مهو الجيش ده اساس النظام واللي دخل الجيش عارف كده النوم ليه وقت والشغل ليه وقت وكله بالدقيقه مش كده ولا ايه ؟؟

+10000000000000000000

**karimone** · 26-01-2009 03:09 PM

المشاركة الأصلية كتبت بواسطة tutankhamoun

قاعد بيلعب أتاري و بلاأستاشين مع الظباط البهوات أصحابه و الغرفة اللي قاعدين فيها و لا غرفة أمير في قصر

طب ماهي البلد كلها بتلعب بلاي ستيشن ولا يعني عشان هما ظباط و مفروض يحموا البلد و يقبضوا علي الحراميه ما يلعبوش... طب ما هو الحراميه برده لازم يسرقوا عشان ياكلوا عيش ولا عايزهم يموتوا من الجوع

:k30::k30::k30::k30::k30:

**Bossy_Fadl** · 28-01-2009 01:43 AM

المشاركة الأصلية كتبت بواسطة kimo-nubira

[/CENTER]

ايوه ايوه انا افتكرت كان عندهم مهمه صعبه اوووي بس كان مشورها بعيد فقالو يعملو رست في نص الطريق وينامو شويه :k48:

يابوسي انا عايز افهمك بس حاجه بسيطه دول مش بيطلعو غير لما المصيبه تحصل فعلا انما كلمه انقاذ ديه احنا نسينها من زمان للاسف يعني

الله اعلم بيهم بقي يا كيمو

انا بتوقع اللي المفروض يكون حصل و وصلهم للحالة دي

ان بعض الظن اثم

مش عاوزة افترض حاجة تكون محصلتش و ابقي اخدت ذنب و هما مظلومين

عموما ربنا يهديهم لو كانوا زي ما بتقول كده

عشان التقصير في اداء الواجب ده اكيد ربنا هيحاسبهم عليه

**mo7a_mo7a** · 28-01-2009 02:31 AM

المشاركة الأصلية كتبت بواسطة karimone

انا لسه شايف علي المنتدي النهارده ان في تاكسي اتسرق و صاحبه بيرخصه في المرور...

التاكسي كله اتاخد من قلب إدارة المرور...

ادارة المرور دي عاملة زي الملاهي

**mo7a_mo7a** · 28-01-2009 02:37 AM

المشاركة الأصلية كتبت بواسطة hossaam

معلش سؤال خارج الموضوع نوعا ما..
هو شكل ولون كل من سيارات
شرطة المرور والنجدة في مصر ايه؟!!
علشان بس اميزهم وانا في الشارع
ويا ريت لو فيه صور ليهم اكون ممتن جدا
وشكرا

هو الاجابة مش حتريحك
لان مفيش حاجة عامة
انما 70% من سيارات الشرطة لونها ابيض وحوالي 25% ازرق كحلي 5% متنوع اسود ورمادي .... الخ وفي احمر كمان بس ونش بس

سيارات الشرطة ليها استخدامات كتيييييير سواء خدمة الضباط او نقل افراد الامن او نقل المتهمين او عمل كمائن او تنظيم المرور ...... الخ

سيارة الشرطة الواحدة في الغالب متعددة الاستخدام ممكن سيارة واحدة تشتغل النهاردة نجدة وبكرة دورية وبعده كمين مرور .... الخ
انما في سيرات زي اللي في الصورة دي مكتوب عليها نجدة ومخصصة للنجدة فقط لحسن الحظ
سيارات الشرطة التابعة لادارات المرور بيكون مكتوب علي نمرها مرور
وفي مكتوب عليهم محافظة
وكله شرطة طبعاً
ارجوا اني اكون ساعدتك وجاوبت علي سؤالك
تحياتي

الموضوع: <<<< اتصل على 122 هاتلاقيهم نايمين >>>> <<<< صوره و تعليق >>>>

LinkBack

أدوات الموضوع

عرض

-

-

-

-

-

-

-

المواضيع المتشابهه

كل الاقسام فى تطور واحنا نايمين فى العسل

الشقه اتسرقت واحنا نايمين (قدر الله وما شاء فعل)

يا ناس اتقو الله إحنا في الأشهر الحرم ....هما المسلمين ناسيين ولا نايمين ولا مخدرين؟

صوره تحتاج تعليق

صوره و تعليق لدايو نوبيرا!!!!!!

الكلمات الدلالية لهذا الموضوع

المفضلات

المفضلات

ضوابط المشاركة