بوش فى عصاية الفتيس

**belal rashed** · 25-01-2009 05:57 PM

يا جماعه انا حاسس إن فيه بوش فى عصاية الفتيس مع معظم الغيارات مع العلم إنها ساعات بتعاكس وأنا بديها التانى.
الميكانيكى بتاع الفندق هنا قاللى ده بوش صغير وعادى ونصحنى إنى أغير زيت الفتيس (لإنى كنت زودته مرتين فى مكانين مختلفين قبل كده)
بصراحه أنا محتار خايف يكون العربيه فيها حلجه وهوه مكبر دماغه؟؟؟

**HATEMHANY** · 25-01-2009 09:07 PM

طيب الاول نوع العربيه ايه

**Masaaz** · 25-01-2009 09:30 PM

ممكن ملعقة الفتيس حسب نوع عربيتك

**max_ziro** · 26-01-2009 12:19 AM

لو عربيتك من العربيات الحديثة بتكون فيها حاجة اسمها فبرة العصاية و دى بتتباع انا عن نفسى كنت بعلم ولدتى و شكرا ... مش محتاج اوضح اكيد كلكوا عارفين و يارب يخليهالى و يخليلنا كلنا امهاتنا المهم لقيت العصاية بقت مايعة كدة و اماكن الغيارات اتغيرت بقت بجمب و المارشدير بييجى بصعوبة افتكرت القاعدة بتاعت الفتيس اتعوجت و عند العفشجى ب الصدفة بربط و اشيك على كل حاجة اكتشف الموضوع دة و غيرتها و مكلفتش 20 جنية و الحمد لله دلوقتى فبريكة ..
ربنا معاك ..

**dark_angel_02478** · 27-01-2009 03:03 PM

هيا شوية فيبر بتتغير والعصاية تتظبط فى اللى ماسك المحور بتاعة المعلقة والمنطقة دى انا مجربها
بس الفيابر دى مش موجودة بتتخرط

**wael6** · 16-04-2011 10:29 PM

السلام عليكم
عربيتي اكسيل 1500 مو 95
بالصدفه البحته
كنت رايح اعرض الفتيس على عفشجي اخير غير العشره اللى شافوه وقالولى لازم يتغير
لقيت ده بيقولى هغيرلك البلي وباذن الله مش هيرجع تانى واخليهولك حرير
ولقيتني بقوله اعمله بس طبعا ما كررت عليه
ان مصنعيتك محفوظه ونغيره وخلاص افضل وأأمن
قالى لا
وهتتكلف 250 بالمصنعيه
وقد كان
....*والحمد لله عمله والاصوات والخشونه راحت ويبقي صوت فوووووو خفيف جدا جدا لما العربيه بتهدا اوى
قالى ده طبيعي ( وده كنة الفتيس مع المكنه ) هل هذا حقيقي ؟؟؟؟؟؟
وكشفلى ع الديسك والاسطوانه والبليه وقالى كويسين الحمد لله وجداد متغيرين قريب
وغيرت سلك الدبرياج والدبرياج الحمد لله بقا خفيف
بالنسبة لتقل العصايا بقا
فك القنصله وزيتها وزيت السست اللى فى الفتيس من بره والعصايا ار تاحت شويه
وقولتله الوايرات اللى راحه للفتيس من العصايا متتغيرش عشان تخف شويه
قالى ب 150 ج ومش هتحس بفرق برده وصوت العصايا ده طبيعي صوت الترابيس والصواميل ان تحس بتعشيقة النقله تحت ايدك
ايه رايكم
ولكم جزيل الشكر

**maroguidehouse** · 17-04-2011 09:37 PM

عندي نفس الحكايه من مده طويله عصايه الفتيس سايبه خالص و اخر ميكانيكي قال نفس الكلام و نصحني مفكش الفتيس مخصوص عشنها و قال برحتك خالص لما تكوني بتعملى حاجه في العربيه و هتحلي الفتيس اعمليها بالمره لان الموضوع عادي و ملوش تأسير على حاجه تانيه
مع الوقت اتعودت على اماكن النقلات

**wael6** · 17-04-2011 11:15 PM

السلام عليكم
واحد عنده اكسيل برده وعامل كده بيقولى حط لتر زيت تقيل 140 من الطبه اللى فوق اللى فى نص الفتيس هتلاقي العصايا نعمت والونه الخفيفه اللى شبه صوت العربيه وهى راجعه لورا راحت

هو عاوزنى احط لتر 140 فوق 90 اللى موجود بس من الطبه اللى فوق
ولا بلاش
وفى واحد بيقولى دور على زيت اقل من 90 كمان
وشكرا جزيلا