ازاى اروح الحصرى اللى فى اكتوبر من شارع فيصل يا ريت يا جماعه اللى يوصفلى يوصفلى من شارع فيصل امشى ازاى تفصيليا شارع شارع عشان انا اول مره اروح اكتوبر من فيصل واول مره اروح اكتوبر بالعربيه اصلا
عرض للطباعة
ازاى اروح الحصرى اللى فى اكتوبر من شارع فيصل يا ريت يا جماعه اللى يوصفلى يوصفلى من شارع فيصل امشى ازاى تفصيليا شارع شارع عشان انا اول مره اروح اكتوبر من فيصل واول مره اروح اكتوبر بالعربيه اصلا
بص يا سيدي تمشي في شارع فيصل لحد ما توصل ميدان الرماية:Copy of majd(4):بس اعمل حسابك في الوقت علشان ميدان الرماية بيبقي واقف.وبعدين عندك طريق من اتنين:
1-من ميدان الرماية تخش يمين علي الصحراوي وتمشي علي طول لحد ما تلاقي المحور معدي من اعلي فتعمل u تيرن من اول فتحة وتمشي كأنك راجع تاني وبعدين تخش اول دخلة يمين(الي هيا بعد كافية solidaire) كده انت بقيت في اتجاه اكتوبر تمشي طوالي هتلاقي هايبر وان علي اليمين خليك ماشي علي طول هتلاقي ميدان اسمه ميدان جهينة خليك علي طول هتلاقي بعد شوية نادي 6 اكتوبر علي يمينك وهتلاقي شارع يمين سيبه وخش اليمين الي بعده تمشي علي طول هتلاقي جامعة اكتوبر علي يمينك وميدان الحصري امامك ومسجد الحصري يمين الميدان.
2-من ميدان الرماية تمشي علي طول في طريق الفيوم وتخلي نادي الرماية علي يمينك تمشي علي طول و بعد بوابة حدائق الاهرام التالتة(بوابة منقرع) تخش اول يمين هتبقي في طريق الواحات تمشي طوالي هتلاقي دريم لاند علي يمينك تفضل طوالي لحد ما تلاقي فتحة عندها يافطة (جهاز مدينة 6 اكتوبر )تخش فيها يمين وتمشي علي طول لحد ما تلاقي شارع شمال عمودي عليك تخش شمال و تمشي علي طول هتلاقي جامعة اكتوبر علي يمينك وميدان الحصري امامك ومسجد الحصري يمين الميدان.اي خدمة وتوصل بالسلامة
نصيحة أخوية لو رايح أكتوبر أول مرة بالعربية وقلقان ..
خليك في طريق المحور أحسن .. طريق الواحات مليان نقل تقيل وحركات بهلوانية شديدة ..
ولو قلقان أكتر امشى في المحور على الطريق البطيء وده هتلاقيه يمين الطريق .. مشكلته الوحيدة إنه في مطبات كل 500 متر ، لكن المشي عليه آمن تماما ..
من فيصل لميدان الرماية
تمشى فى فيصل لحد اخره
تاخد يمين
ثم شمال
انت كدة فى قصادك ميدان الرماية
فى هروبة من زحمة ميدان الرماية توصلك على الصحراوى لو هتعمل اول طريقة
بتاخد قبل ميدان الرماية شارع يمين بس خد بالك من الاتجاهات
تمشى شوية وبعدين تكسر شمال هتلاقى نفسك على الصحراوى
كدة انت مشيت موازى للصحراوى بس بعدت عن زحمة ميدان الرماية