شكراأخى الكريم على الرد
طيب سؤال تانى ، ازاى نفرق بين النور العادى و الزينون؟
عرض للطباعة
تفرق بينه و بين العادى بمجرد النظر :غالبا الزينون لونه ازرق (درجات فى منه غامق و فى فاتح ...)وممكن تعرفه ساعة ما ينور لانه هتحس انه زى الفلاش كده و هو بينور ....
تفرق بينه و بين العادى باكشف على العربيه لما تفتح الكبوت هتلاقى مكنه الزينون متثبته فيه فى اى حته جمب الموتور ....مكنه الزينون دى مربعه كده و طالع منها كابلين ...
انا اكترواحد كنت معارض حكاية ان الزينون يترخص ..
بس لما شفت بعينى واحدة اتخبطت وهى بتعدى الكورنيش فى اسكندرية بسبب حيــــوان واكررها حيوان كان فاتح الزينون على العالى والست كانت بتبص يمين وهى بتعدى والنور ضرب فى عينها فراحت واقفة لانها ماكنتش شايفة العربيات كويس فراح الحيوان تفاداها واللى جمبه خبطها ...
اى نعم الست كان المفروض تمشي لغاية نفق عبور المشاة بس كان بعيد جدا عليها .
من ساعتها وانا ادركت ان الشيء ده مازى بكل الطرق ...
خصوصا لو كان قوى او عالى .. تلاقى واحد غبي عايز يطير فى وسط الزحمة والاشارة واقفة مثلا ويقعد يقلب لك نور كانك انت عسكرى المرور لحد ما تتعمى من المرايا وتنزل تضربه ...
احنا ماخدناش على التزام القوانين لان ماكنش فى قوانين اساسا فى البلد علشان كده لازم الناس تاخد بال (***) ..
شكرا لابداء ارائكم
اهم سؤال نفسى حد يجاوبنى علية فى الموضوع دة
لما الزينون ممنوع لية بيسمحوا بدخولة وتداولة وانة يكون لة توكيل
وكمان فى توكيلات زى غبور بيعلن عنة فى كل حتة ولا هو استعباط وخلاص وتجيلهم الفوقة لما يلاقوا واحد مركبة وموش الزينون بس كمان الفامية والديفندرات والستائر والاستكرات وعلب الديفل والاسوبيلر العالى
بلد حعيش واموت ولم افهم هى ماشية ازاى واية قوانينها :(
مهو ده الى هيجننى يعنى مثلا انا مركب زينون كورى ....كوريا دى مش فى مصر يعنى الزينون ده جه استيراد ؟؟و دخل جمارك و اتدفع عليه جمرك ؟؟؟على اساس ايه بقى انه علب مربى ؟؟؟مهو زينون يا جدعان و انتو(الحكومه) دخلتوه مصر ...لما اركبه تعملولى مخالفه ليه ؟؟؟
يعنى مثلا اجيب مخدرات من اى دوله و ادخلها و ادفع عليها جمرك و لما يمسكونى بيها فى الشارع يحبسونى ......؟؟؟؟؟؟؟؟؟
مصر هى امى .
فى عضو هنا عامل توقيع جامد و هو لو لم اكن مصريا لارتحت نفسيا .(انا بحييه عن التوقيع الى بيعبر عن حال كل المصريين .)
انا نفسي الزينون دة يتلغي من الوجود ببقي ماشي اللي قصادي في المقابل واللي ورايا كله زينون وعامييني مخلييني مش شايف قصادي ببقي هتجنن ومش عارف لية بيستخدموه يعني اكنهم عمي ومش شايفين الطريق ومش حاسسين انهم مسببينلي انا كدة عمي وممكن اعمل حادثة بسببهم نفسي يتلغي الزينون دة ويبقي في سجن للي يستخدمه مش غرامة وسحب رخصة بس
للآسف السواقين المصريين بيحبوا السرعات العالية
و علشان كدا بيركب زينون علشان يجري بالليل من غير ما يهدي العربية و بعضهم أصلا معندوش زينون و الطريق ضلمة كحل و برضه بيجري
حكومة غريبة بتسمح بدخول الزينون زي ما الأخوة ناقشوا النقطة دي قبلي
و شعب أغرب بينتحر و بيعمل حركات غريبة على الطريق
و فعلا ......... مصر بلد العجائب
المشكلة مش فى الزينون نفسة المشكلة هى سوء استخدام الناس لة