الموضوع: هل هي بالفعل حمله أما أنها هيصة مع الكساد الطبيعي في كل السلع

اولاً : احب احييك يا باشمهندس ع الموضوع لأنه فعلاً محتاج يتطرح للمناقشة
أنا مش هاقول رأيى لأنى فعلاً مش مكون رأى محدد لحد دلوقتى بس كنت عايز اكد ع الكلام اللى انت قولته

المشاركة الأصلية كتبت بواسطة ahmed1981

* ناس كثيرة تقول أنا مشترك في الحملة
ولكن لما ألاقي واحد بالفعل ناوي يشتري سيارة ألاقيه بيشتري فعلاً وبياخد بالعروض الحالية
لأنه جاد في الشراء
لكن تفتكروا الأعداد الكبيرة التي قالت إنها مشتركة في الحملة كانوا قد حملوا أكياس النقود ورجعوا من منتصف طريقهم لمعرض السيارات ليمتنعوا عن الشراء ويشاركوا في الحملة

* رغم أن السوق واقف في كل المجالات ومنها السيارات الجديدة والمستعملة
برغم ذلك أجد أسعار السيارات المستعملة شبه ثابت مع إنخفاض طفيف ما عدا السيارات التي لها علاقة بإحلال التاكسي مثل بيجو 504 ومرسيدس 200 القديمة (أسعارهم نزلت جامد)
لكن فيما عدا ذلك أجد الأسعار ثابته
وفي سوق الجمعة الكل ينتظر ويعرض سيارته بالسعر الطبيعي ولا يوجد بيع أو شراء
وكل من يسأل يحاول جس النبض فقط

*] ملاحظة لي في سوق سيارات المستعمل من محاولات البعض بخس السيارات بالفهلوة
وفي بعض مواقع البيع بالمنتديات
تجد سيارة مطلوب فيها مثلا 30 ألف
وتجد أحدهم يدخل ويقول أنا مستعد أشتري على 15 ألف
أو يدخل يستهزيء ويقول لصاحبها 30 ألف إيه دا أنا ما أخدهاش بعشرة

وكأنه بيحاول أن يخلق جو من إنخفاض الأسعار عن طريق بخس الأسعار

* بالنسبة للسيارات الزيرو التي إنخفضت أسعارها
بعضها مثل الأوروبي كان بسبب إنخفاض سعر اليورو
وبعضها تصفيات لموديل 2008
والغريب أن هناك سيارات مثل الياباتي زاد سعرها

أنا شايف ان ناس كتير من اللى مع الحملة ماكنوش هيشتروا دلوقتى او ع الأقل مش فى احتياج شديد للعربية وفى البعض اللى مش هيشترى اساساً لأنه لسه شارى جديد من فترة قريبة سنة او سنتين مثلاً و ده طبعا مايمنعش انه يشارك و يتضامن مع الحملة..لأن ده موضوع يخص المجتمع ككل و تأثيره مش قاصر ع واحد فقط...لكن لو جينا للجانب العملى ..هنلاقى ان مشاركته ديه بالرأى فقط هتفتفد دورها العملى فى التنفيذ لأنه كده كده مش هيشترى.
بالنسبة للناس اللى بتقعد تقول الاسعار نزلت ...الناس بتروج لكلام و بتنقله من غير وعى...يعنى لما واحد ما يكنش عنده عربية او ع الاقل ما بيفهمش فى العربيات و بالتالى تقييمها..يسمع او يشوف حتى بعينه ان س من العربيات اللى ليها موديل و مواصفات معينة اتباع بمبلغ معين ..بدون ادنى ادراك لحالة العربية لأنه مش فاهم تلاقيه عامل زفة و يقول لكل حد يقابله العربيات نزلت ...ده انا شوفت عربية كذا اتباعت بكذا الف .. اللى طبعاً بيكون رقم بخس...و تستمر الحلقة فى انتشار الخبر العظيم
مع ان العربية اللى اتبعات ديه زى الزفت و كانت اساساً بتتباع بالتمن ده او اكتر منه شوية....ما اى حد فاهم عارف انه ممكن يلاقى عربيتين زى بعض بالظبط و نفس الموديل بس واحدة منهم بضعف تمن التانية عشان فرق الحالة.
و تعقيباً عل كلامك فى موضوع ان الناس فى السوق بتبيع بنفس الاسعار...فانا شايف ان ده الواقع ...خاصة اللى عربيته سليمة و و حالتها كويسة حتى لو كانت موديل 80 ما يبقاش عنده استعداد يتنازل فى السعر الا فى حدود و كل الناس اللى بسألهم بلاقيهم معندهمش اى استعداد للبيع بالاسعار البخس ديه.
فيه نقطة تانية بتخلى الناس تفتكر ان الاسعار نزلت ..و هى اعلانات بعض المعارض فى الجرايد بالكذب و النصب و اللى كانت بتنتهى بمكالمة التليفون دلوقتى اتطورت و بقوا يكدبوه عن الناس لحد ما يجيبوا رجليهم للمعرض ...و يا عالم هيوصلوا لفين بعد كده....وده طبعا كان واضح فى مواضبع كتير فى المنتدى.
فى النهاية ان شايف انه فى حالة ركود لكن مش شايف انخاض واضح و قوى فى الاسعارو عشان محد يفتكر انى ضد الحملة او ضد نزول الاسعار ...انا اذا كان عليه نفسى عربيتى تبقى بكرة بالف جنيه ...الف ايه لأ 500 بس ...لانى ساعتها هاقدر اجيب العربية اللى انا عايزها بسهولة...و اللى هاخسره فى تمنها هاوفر اكتر من ضعفه فى الفرق اللى كنت هادفعه عشان اغير...بس تكون فعلا الاسعار نزلت ...مش الناس تبيع بالبخس و تيجى تشترى تلاقى الاسعار حريقة.

المشاركة الأصلية كتبت بواسطة ahmed1981

*

*
*

*
*
*
* أحسست أن الصناع المحليين يحاولون إستغلال الحملة للحصول على مكاسب وامتيازات من الدولة رغم أنهم أكثر الناس إستفادة وأعلاهم ربحاً في سوق السيارات المصري


هل هي حقاً حملة ذات جدوى وهدف وستظل حتى تحقق هدفها
الصيف)

أولاً أنا أحييك على هذا الموضوع لإن كان نفسى أعمل موضوع زى ده - وفى نفس الوقت أصيغه بطريقه تساند الحمله

( التجار او الوكلاء الكبار كسبو كتير من هذه الحمله بالقرارات التى اتخذتها الحكومه فى صالحهم تماماً ) هذا خطأ

نعم الحمله ذات جدوى حتى وإن كان معظم المشاركين فيها بيتكلمو وبس أيوه لأنهم بكده بيحفزو اللى عايز يشترو فعلاً انهم مايشتروش حتى لو كانو قله بس مع استمرار الحمله وكثرة اعضائها هايزيدو كتير

احب اقول ان احنا الان فى موقف حاسم واحنا اللى كسبانين مش همه لإن قرارات الحكومه فى صالحنا مش فى صالحهم
همه احتكرو السوء دى اجمل حاجه سمعتها عارفين ليه لأن هانشوف خسارتهم همه بس قصاد عينينا لأانهم بكده احتكرو الخساره وهمه بس اللى هايخسرو مش حد تانى
يعنى من الاخر سيبنالهم عربياتهم عندهم يشربوها لوحدهم مفيش حد معاهم تانى يتحمل الخساره


ولعلمك احنا لسه فى بداية الحمله وشوف جمعت حوليها قد ايه مبالك بأه لو استمرينا هاتكون ازاى
الحمله ناجه من بدايتها وده خير دليل

بصراحة كلامك مظبوط 100% و انا كنت مستغرب زيك بالظبط

بس في الحقيقة .. السبب الحقيقي لهذا الكساد في الشراء هو قلة القروض البنكية , لأن معظم الشعب المصري بيشتري السيارات عن طريق التقسيط و بسبب قلة السيولة القروض البنكية للسيارات قلت

فالموضوع مش بسبب شعارات او غيره

و الله موضوع مهم و منطقي

أنا معاك فى إن الكساد كده كده موجود و لسة هيزيد ......بس ده مش معناه إن الحمله لم تنجح أو لم تؤثر........بالعكس الحمله عاملة توعية كبرى جدا بين المشترين المحتملين .......توعية بأن:
- السيارات فى مصر سعرها مش منطقي مع الأزمة العالمية .....
- التجار كلهم جشع......و ده مكانش محتاج حمله عشان الناس تعرفه...و مش بس تجار السيارات هما إلي عندهم جشع و إحتكار .....دي سمه من سمات مصر ف العشرين سنة إلي فاتو
- لازم نأجل قرار الشراء....مش بس عشان نعذب التجار و العربية ‎ترخص ...لا كمان عشان نحمي نفسنا كا مشترين من تعرضنا لأزمة سيولة على المستوى ‎الشخصي و العائلي إذا أثر الكساد على ‎دخلنا.........و ده متوقع طبعا لنسبة كبرى من الناس

يعني ب‎إختصار....حتى لو التجار قاوموا مقاومة ماحصلتش لفترة طويلة فى الكساد و استطاعو إنهم ‎يتغلبوا على الأزمة بنفس الأسعار نتيجة لدعم الحكومة ليهم - و ده صعب ‎جدا- هتكون الحمله أفادت الناس إنهم لم يندفع فى شراء سياره بحوالي 80 % من ‎دخلهم و كمان تقسيط - زي ما ‎أغلب المصريين بيعمل - و فى النهاية يبيعها بخساره عشان مش قادرين على أعباء الحياه إذا تأثرت ‎دخولهم

و من هنا أنا شايف إن الكساد مبرر قوي جدا لأي حد إنه ينضم للحمله و مبرر أقوى إننا نؤمن بإن التجار المفروض ‎يخفض الأسعار ‎- ده إذا كان مسموح لهم كدة من الحكومة و د نقطة مهمة جدا -

أما إن تكتيك الحمله مش ‎واضح....فا أنا شايف إن المفروض ميكنش واضح...حتى لا ‎تختلق ‎خلافات ‎داخل الحمله....و المفروض إن الكره في ملعب التجار و زي ما يلعبو الحمله تقرر ماذا تفعل......

أما جزئية إن مش كل منضم للحمله هو مشتري محتمل.....فا أنا ‎شايف ده شيء كويس...و بعمل توعية أكتر و ينشر الفكره أكتر.....و في النهاية الرساله بتوصل لناس ممكن تشتري حتى لو برة المنتدى...و ده مهم إن يحصل....

و شكرا على الموضوع المهم و آسف للتطويل