-
عايز افهم و اعرف
السلام عليكم
امبارح وانا راجع البيت بالليل على الدائرى بدوس فرامل لقيت العربية بتفرمل بس مش زى كل مرة حسيت ان بدال الفرامل راح لغاية اخره - المهم بعدها بشوية حبيت اجربها تانى لقيت نفس الموضوع ومش بتمسك كويس معى - مع العلم انى من شهرين غيرت التيل الخلفى والماستر الخلفى فى العجلتين و الماستر الرئيسى - المهم راحت النهاردة للميكانيكى اللى غيرت عنده الحاجات ديه فقالى مفيش مشكله ده الفرامل عايزة تترجلش - انا مش فاهم هو عمل ايه بالظبط و خاصة انى لما ركبت العربية لقيت الدواسة بقيت بتمسك اول لما تدوس عليها و كمان حاسس ان العربية بتفرمل بس مش كل العجل مع بعضه + فى صوت صفارة بسيط لما ادوس فرامل جامد مرة واحدة - العربية نوعها بيجو 104 موديل 78 .
وشكرا على مجهودكم فى المنتدى
-
سيدى الفاضل
اللى انت بتتكلم عليه ده اعراض حاجة من 2
1- ان الفرامل تكون واخدة هواء
2- ان الماستر العمومى يكون بايظ
اما الصوت فغالبا معناه ان التيل اللى انت مغيرتوش يا إما مترب يا إما متاكل
اقترح عليك تاخد هواء من الفرامل من اكتر من نقطة، فإذا انصلح حالها فبها ونعمت، لو حالها ما انصلحش بيقى الماتسر العمومى تالف
-
اولا: شكرا ياسبعاوى باشا على ردك الجميل - بس يمكن انا معرفتش اوضح .
اناغيرت 2 تيل خلفى ( العجلتين ) +2 ماسترز خلفى ( للعجلتين ) + الماستر العمومى اورئيسى و كنت جايبهم نوع نظيف فرنساوى اصلى ( كل ده من شهرين فقط ) .
ثانيا : ان عايز اعرف هو ممكن الفرامل تاخذ هواء من غير سبب او حتى الزيت يكون بينقص ؟
ثالثا : بعدين هو الميكانيكى فك العجلتين اللى وراء بس وقاعد يغير فى حاجة كدة مش عارفها بعد ما فتح الطنبورة ( معلش اصلى ماليش فى الميكانيكا قوى يدوبك على قدى )
Content Relevant URLs by
vBSEO 3.6.0 PL2