ممكن مكان افحص فيه سيارة هيونداى اكسيل قبل شراؤها ؟

**أشرف فتحى** · 05-02-2009 05:40 PM

المشاركة الأصلية كتبت بواسطة emadibrahim78

أولا شكرا جدا على الاهتمام و الرد

بس انا روحت توكيل هيونداى اللى ف طريق قليوب بس انا فوجئت ان الكشف كان بالخبرة و الفهلوة يعنى مفيش جهاز قياس الموتور و لا جهاز كشف الشاسيه لكن بردوه الحق يقال انهم كانوا ممتازين ف الكشف على التكييف بالجهاز ولما سألت اللى بيشوف الشاسية بانظر كدة قالى احنا ماعندناش جهاز قياس الموتور و كذلك الشاسية و اللى عرفتوه بعد كدة ان فيه محطات بنزين عندها كل الاجهزة دى و كمان جهاز الكشف على الدهان تعرف ان كانت العربية رشت قبل كدة و لا لأ و البنزينة دى ف شبرا و بنص الثمن بتاع التوكيل

مبروك مقدما على السياره وربنا يباركلك فيها وياريت تعرفنا كشفت بكام وفين بنزينه شبرا وبكام

**وائل عطية** · 05-02-2009 05:44 PM

ألف مبروك على العربية
نصيحة لأي حد عايز يكشف على عربية يبقى التوكيل أولاً
لو محطات بنزين يبقى بنزينة شل اللي قبل نادي السكة ..ناس فاهمين جداً وأجهزة حديثة وفحص شامل ودقيق جداً للعربية والتكلفة 100 جنيه

**emadibrahim78** · 08-02-2009 09:16 AM

المشاركة الأصلية كتبت بواسطة ashraf_fathy0

مبروك مقدما على السياره وربنا يباركلك فيها وياريت تعرفنا كشفت بكام وفين بنزينه شبرا وبكام

الله يبارك فيك ... مقدما لأنى لسة مالاقيتشى عربية لحد دلوقتى
أما بانسبة للكشف على العربية نصيحة أوعى تروح تكشف فى غبور لانه مركز عادى جداو الكشف ب 110 جنيه و كله يعتمد على خبرة الفنى لا اجهزة كشف ع الموتور و لا الدهان و لا الشاسيه أما بانسبة للبنزينة اللى ف شبرا هى اللى بجوار سينيما دوللى و ب 60 جنيه و ربنا يوفقك و مبروك مقدما و ابقى قولى عملت ايه :k38: