طبعا يا جماعه كل واحد فينا لما بيشوف عربيه معينه بتفكره بحاجه و غالبا بتفكره بحيوان من الحيوانات زى البى ام (دبانه) و فى لانسر مكوه :k48: عشان كده انا جمعت العربيات الى بتفكرنى باشكال تانيه و هقولهالكو بس عايز اعرفكو حاجه ان فى عربيات تشبه حيوانات مش اد كده و انا مش قصدى اقلل منها ولا حاجه
1-الفيكترا الجديده -تمساح
2-الاسترا 2006 سيدان(الى معايا)-كلب بلدى
3-شيروكى 2007-كلب لولو
4-ماتريكس الجديده-باندا(الاستاذ crazylambada ) هو الى قالى على الشكل ده و فعلا كلامه صح .
5-ماهيندرا سكوربيو-من ادام زى الفيل و من ورا زى فانوس رمضان
6-البى ام بكل انواعه-ذبابه بس بتختلف يعنى مثلا x5 ذبابه صايعه شويه و شايفه نفسها الفئه الخامسه ذبابه روشه ورافعه حواجبها لفوق
7-اللانسر مش محتاج اقولكو على اشكالها -بومه و مكواه و قرش و كريستاله .
8-كورولا 2005-حوووووووت
9-شيروكى الجديده-غساله او تلاجه
10-اوكتافيا a5 -من ورا عامله زى البقره الضاحكه
11-ميجان-دبابه مش النص نقل لا اقصد الدبابه الحربيه
12-النترا-ارنب
13-ابيزا و كوردوبا -من ادام زى الصرصار بالظبط
14-فيات 126 -برغوث
15-307-بطه
16-بيكانتو-فار
17-اتوس -كتكوت (و يا سلام لو لونها اصفر)
18-موسو ستافيك(مش معروفه خااااااالص )-بس شبه الخنزير بالظبط
19-اسبيرينزا a213 -بيضه
20-ماروتى-نمله
21-ياريس- دولفين
22-كورولا الجديده-عصفوره
23-دودج تشارجر-عامله زى واحد مضايق و مش طايق نفسه و رافع حواجبه لفوق و فاتح بقه و مطلع سنانه :k26:
طبعا جايز بعض العربيات تحسو انها لا تشبه الى انا قلته بس دى بتختلف من شخص للتانى يا ريت كل واحد يقول على اى عربيه شبه اى حاجه !!!!!!!!!!!!!!!!!!!!
الموضوع هايف شويه انا عارف بس اصلى لسه مخلص امتحانات و زهقان و طالبه شويه هيافه