الموضوع: للبيع سيارة دوجان موديل 95 فابريقة بالكامل

المشاركة الأصلية كتبت بواسطة MohabSaeed

ماشاء الله العربيه جميله جدا و حالتها ممتازه

ممكن يا استاذ ايمن توضح النقط التاليه

- العربيه ماشيه كام الف كيلو
- الموتور هل هو موتور التمبرا المحدث ولا الموتور القديم
- حاله التكيف

انا بسأل عليها علاشان صديق .. مش ليا انا . هو كان بيدور على لانوس بس لفت نظرى عربيت حضرتك و حالتها الممتازه .

* نصيحه يا استاذ ايمن ماتسمحش لحد انه يفخس بتمن العربيه لان فى ناس نفوسها ضعيفه و بتستغل احتياج البائع للفلوس و تقول ارقام غريبه و غير منطقيه .
* حط على العربيه اعلان للبيع و رقم التلفون و احرص دائما ان العربيه تكون نظيفه و بتلمع علاشان تجذب الناس .
* اعمل اعلان فى كل المواقع السيارات .

ربنا يسهلك بيعها , و يبارك لى الى حيشتريها

ياريت توضح يا استاذ ايمن الكيلو متر قد ايه و حاله التكيف " يعمل _ ولا محتاج اصلاح " .

الكيلو متر 83000الف كيلو
التكييف محتاج شحن ومراجعة فقط لكن المفاتيح بالكامل داخل السيارة تعمل بشكل جيد

السيارة الادا 2105 موديل 1995 بدون اي كماليات وهي اقل من
الدوجان بيطلب فيها 28 و29

اذا اردت ان تطاع فامر بما يستطاع

الراجل ليه حق يطلب اللى هو عايزه بس مش ييجى واحد يسانده يقول الادا بتطلب فيها 28 و 29 بقى ده كلام برضه موديل 95 اخرها 22 الف لو كانت ممتازه
وبعدين الايام الجايه شكلها ان كل حاجه هتقع فيها جامد قوى
مش العربيات بس وبكره نشوف

السلام عليكم ورحمة الله وبركاتة
اولا انا باشكر كل من ساهم برد كويس على موضوعى
ثانيا والحمد للة العربية اتباعت لراجل محترم شاف العربية وعينها وكان معاة ميكانيكى وسمكرى والحمد لله مطلعش غلطة فى العربية
ولما حاولو يتكلمو فى السعر رفض كلامهم وقالى حاجة واحدة حضرتك طالب كام بما يرضى الله وبسماحة
قولتلو انا كنت طالب 35000 ونظرا لحالة السوق انا محتاج فيها 33000 وحضرتك تسجل
قالى هات عقد وبالفعل تم البيع وتبقى 1000 جنية عند التسجيل غدا الخميس ان شاء الله
ونصيحة منى لكل الناس ما زال فى ناس بتقدر حالة العربية الكويسة
وفى ناس تانية والعياز بالله بتستغل ظروف الناس
ولا تبخسوا الناس أشيائهم

ونصيحة منى لكل الناس ما زال فى ناس بتقدر حالة العربية الكويسة
وفى ناس تانية والعياز بالله بتستغل ظروف الناس
ولا تبخسوا الناس أشيائهم
الحمد لله ان ربنا اعطاك اللي كنت عايزه وثبت في اخر المشوار انك كنت علي حق في تقديرك لعربيتك........وربنا يبارك لك في فلوسها ويخلف عليك بالاحسن منها