الموضوع: اللى محضرش المعرض وفاته العربيات الكلاسيك ميتخنقش ويدخل هنا بسرعه

بعد السلامات يارجاله
بصراحه هيا هيا -بكسر الهاء- نفس العربيات بتاعت كل سنه
عربيات ماشاء الله عليها من 3000 سىسى وانت طالع ماعدا قله -بكسر القاف برضه- منهم
الصور مضغوطه علشان الصفحه تفتح بسرعه
بدل الرغى على الفاضى اتفضلوا الصور

فورد موستانج






العربيه دى فكرتنى بفيلم لسهير رمزى ومحمود عبد العزيز لما كانت شغاله فى nec الله يرحمها -nec مش سهير رمزى- كانت الشوارع فاضيه على الاخر


ندخل بقى على العربيات اللى تتحسر عليها لما تشوفها شغاله عندنا فى الارياف


بويك القديم كان شعار غريب شويه




الشيفورليه لما كانت علامتها لسه حمرا






بتفكرنى الشيفورليه دى بالعصابه اللى كانت بتطلع مع الدقن والمليجى وفريد شوقى كانت دايما بتمشى فى الصحرا على الوكر بتاعهم


رشدى اباظه على طول وشاديه على عش الحب وطير ياحمام لما كان ملهوف قوى :k48:




طبعا اى حد بيلف ومن الشرقيه هيعرف دى على طول شغاله على سبيل المثال لا الحصر بين الاشراف -كفر اللصوص سابقا- والقنايات بلدى الحبيبه باريس مصر وعاصمه النور
طبعا كانت زمان 2 قدام و4 ورا ب15 قرش (اللى وعيت عليه ) وبعد كده بقى واحد قدام و3 ورا بربع جنيه لما الجاز غلى ودلوقتى بقى 2 قدام و4 ورا بربع جنيه برضه(ليس فى الامكان احسن مما كان) طبعا العربيه جاز



جاجوار تاريخ برضه




تعبت من كتر التصوير فبقيت باخد عربيتين فى صوره واحده بلا دوشه





الفيات دى اللى شدتنى جدا






العداد بتاعها كان اخره 120





الفاروميو




بس الموضوع خلص سلام ياجدعان وياريت تتحفونا باى ردود