ليه دايما الحاره اليمين هيه اللي فاضيه ؟!!

**tamohsen** · 26-01-2009 12:59 PM

ليه دايما لما بمشي عالدائري أو الأوتوستراد بلاقي أمه لا إله إلا الله ماشيين علي الشمال ومزنقين علي بعض و الحاره اليمين هيه اللي فاضيه
يتساوي في ذلك عربيات ملاكي ماشيه بسرعه وملاكي بيقضي وقت فراغه عالطريق
وتاكسيات وميكروباصات ونقل بمقطوره وبغير وعجل وموتسيكلات وحمير وإلخ

لدرجه اني لما ببقي مستعجل فعلا ببقي مرغم اني اخد اقصي اليمين علشان اأزح:k26:

ياتري ايه رد فعلكوا:

1- بتمشي في الحاره الصح حسب سرعتك
2- بتقضيها غرز يمين وشمال
3- بتاخد الحاره الشمال وتمشي مهما كان , اللي عايز يعدي مني يتصرف

**MohaMed_Refaat** · 26-01-2009 01:21 PM

فى اعتقادى ان الحارة اليمين دايما فاضية لسببين
- ان الشعب المصرى بيحب يجرى بالعربيات دة غير ان طبعا فى فئة بتوع الميكروباص والنقل والاجرة بيحبوا يطيروا ويقولك( النقل التقيل يلزم اليمين) والله انا اخر مرة كنت فى ألكس وانا راجع والله مشوفت ولا مقطورة ماشية يمين كولة شمال والله خسارة الفلوس اللى ادفعت فى اللوح دية

- التلقائية حيث ان الشعب عندة تعود وتلقائية جرت العادة انة يمشى فى الشمال خلاص واحيانا فى طريق مصر اسكندرية الزراعى تلاقى اليمين سليم والشمال مكسر ومع ذلك كولة ماشى شمال لية موش عارف

انا عن نفسى بمشى برضوة فى الحارة الشمال لو شادد فى السرعة لكن لو اليمين فاضية بمسك اليمين يعنى حسب سرعتى وحالة الطريق .

**tamohsen** · 26-01-2009 01:29 PM

كوييس أوي اللي بتعمله

**tutankhamoun** · 26-01-2009 01:34 PM

يمين لو شايف مفيش نقل و ميكروباصات شاغله اليمين
بأمشي في النص لو الدنيا رايقة
بأمشي شمال علشان أتقي بتوع الغرز اللي بالاقيهم بيبعملوا غرز من اليمين و الشمال لو مشيت في النص .

المصيبة أن احنا في مصر بنمشي بمزاجنا
يعني واحد عايز يجري ........بيجري
واحد عايز يمشي يتمخطر ......... بيمشي يتمخطر

كل واحد فاكر ان الشارع بتاعه لوحده و بيعمل اللي هو عايزه
هي حاجة تقرف اساسا و كله عامل فيها شوماخر و مستعجل
ربنا يستر طريقنا

**Adham** · 26-01-2009 01:37 PM

دايما تلاقي الناس اللي مابتعرفش تسوق خالص ماشية ماسكة شمالها وسايقة بالراحة و مش بتعدي حد
هوة ضابط عربيتة و باصص عالرصيف الشمال و السكة قدامة فاضية و مالوش دعوه, تقلب ..... تكلكس ...... تتفلق هوة كدة
اصل لو مسك يمين حايلبس في اي حد طالع من الشوارع الفرعيه او اي حد طالع من ركنة او اي حد جنب الرصيف

علشان كدة ماسكين الشمال و شكراً

**CryptonX** · 26-01-2009 01:42 PM

المشاركة الأصلية كتبت بواسطة Adham

دايما تلاقي الناس اللي مابتعرفش تسوق خالص ماشية ماسكة شمالها وسايقة بالراحة و مش بتعدي حد
هوة ضابط عربيتة و باصص عالرصيف الشمال و السكة قدامة فاضية و مالوش دعوه, تقلب ..... تكلكس ...... تتفلق هوة كدة
اصل لو مسك يمين حايلبس في اي حد طالع من الشوارع الفرعيه او اي حد طالع من ركنة او اي حد جنب الرصيف

علشان كدة ماسكين الشمال و شكراً

ROFL !
طب وليه الغلط بقى ! :)

انا بمسك الشمال فعلا علشان اسهل و موضوع الرصيف LOL

بس بعدي الناس والله .. ده غير اني غالبا ببقى ازيد من سرعة الطريق :)

**tutankhamoun** · 26-01-2009 01:55 PM

المشاركة الأصلية كتبت بواسطة tamohsen

فعلا واحده زميلتي كانت بتتعلم سواقه
قالتلي أن الباشا اللي علمها قالها امسكي شمال الطريق وامشي علي مهلك وملكيش دعوه
الكارثه ان طريقها اليومي كوبري اكتوبر

قانونا
الكباري و الأنفاق السرعة فيهم واحدة لا تتغير و ممنوع التخطي تحت اي ظرف على الكباري و في الأنفاق
و لكن في مصر ............ أهلا بك .... أعمل اللي أنت عايزه

دي الناس بتمشي على الكباري في مصر بسرعات و لا كأنه على طريق سفر !!! :k26: و يا سلام بقى على الغرز اللي بتتأخد على الكباري
ممكن تلاقي نفسك ......... طاير من على الكوبري بسبب بني آدم معندوش دم عامل فيها مستعجل و مش عايز يتلزم بالقانون ( أغلب السواقين في مصر )

**ZAKI32** · 26-01-2009 01:57 PM

خلينا نكون منصفين فى ناس تخصص غباء ميرداش يمشى يمين ويدنوا ماشى شمال بالراحة بطريقة تنرفز بجد. تقلب نور ولا تكلكس مفيش فايدة تضطر تعدى من اليمين .

سعات بقة يكون اتوبيس ماشى يمين بالراحة . يقوم اية المقطورة عايزة تعدى تروح معدية من الشمال وبسلامتهم يقفلوا الطريق لمدة 3 او 4 دقائق على هذا المنوال ويبقى ام لا اله الا الله عايزة تعدى ومضطرين يمشى وراهم وميغامرش عشان مايتعورش.

- لا زم نقول الحق فى ناس عندها وعى من بتوع المكروباص او التاكس وبيجنح يمين ويسيبلك شمال.

- انا لما يكون فى عربية جاية بسرعة من الخلف وعايزة تعدى وانا ماشى شمال وبجانبى اتوبيس ماشة بسرعة نوعا ما عالية بروح شادد وطالع امام الاتوبيس وسايب اللى جاى من الخلف بيعدى.

والكلام بيحصل معايا بالعكس لما اكون انا شادد وعربية نص نقل فى نفس الموقف.بيروح موسعلى وطالع يمين ويسيب شمال للجاى بسرعة من الخلف.

------- موسعش بقة فى حالة واحدة.

لو واحد من الشباب الغبى اللى فرحان بالزينون وجاى ضارب ام الزينون وقارفنى فى المرايات. ومش عارف اركز فى الطريق بسببه.

والله لو عمل اللللى منا موسعلة عشان يحترم الغير مش فاكر ان الزينون دة هيخوفنى بيه.

**Adham** · 26-01-2009 02:30 PM

هية الفكرة ان الناس دي لو مشيت يمين و هي مابتعرفش تسوق اصلا ممكن مايعرفش يقدر المسافة من العربية للرصيف فايقوم طالع فوق الرصيف او خابط عربية راكنة (علشان طبعا الجنب اليمين بعيد عنة عرض العربية) انما الجنب الشمال هوة تحت منة على طول فايبقى ماشي ماسك الشمال علشان يبقى موازي للرصيف و شايف الرصيف تحت منة ههههههههههههههههه
ولو مسك يمين الطريق يبقى حاتلاقي مطرح مامشي كا العربيات اللي راكنة محكوكة في الجنب الشمال هههه
ولو طلعت اي عربية من ركنة او من شارع جانبي حايلبس فيها

يبقى الأسلم انة يمسك شمال الطريق اسهللة
زي ماللي علموة السواقة قالولوة

و قالولوة دي اعتقد كلمة قبيحه يمكن إدارة المنتدى تحذفها
ههههههههه

مشاهدة نتائج الإستطلاع: يا تري بتتصرفوا إزاي عالطريق

الموضوع: ليه دايما الحاره اليمين هيه اللي فاضيه ؟!!

LinkBack

أدوات الموضوع

عرض

-

-

-

المواضيع المتشابهه

لييه الطيب دايما بييجي على الطيب اللي زيه ؟؟!!!!!

تكييف الفورد والموجات الحاره

دايما اللوجان مخبوطة من عند الشنطة فى الجانب اليمين او الشمال

العلبة السودا اللي تحت الفانوس اليمين

رسالة تحية وشوق .... الى منتدانا اللي دايما فوق

الكلمات الدلالية لهذا الموضوع

المفضلات

المفضلات

ضوابط المشاركة