انت شكلك بتكرة العربية دى اوى
من الصور - واضح ان الجنط مش بتاعها - يعنى ممكن يكون سبب الحادثة تركيب جنوط غير ملائمة مع تصميم العفشة.
هو دا اللى انا عايز اقوله ... و على فكرة انا مرة شفت عربية نفس النوع واقفة على طريق سريع عند اليوتيرن ... و العجلتين اللى قدام حاصل فيهم نفس الحوار مع انها مش مخبوطة ولا حاجة !!!
لما شفت التوبيك دا استغربت بصراحة.
حاجة كمان انى دايما بلاقى الكاوتش بتاع العربية دى ( لما تكون عربية من دول ماشية قدامى ) بلاقى العجلتين اللى ورا مش متوايزيين .. دائما كدا .. !!
من شكل العربيه اقدر اقوللك ده سوء استخدام غرز و خمسات و حركات
العربية شكلها كانت متظبطة يعنى فى شباب اكيد بيركبوها وبيفركو وبيجرو وبيلعبو بيها يعنى وعلى فكره انا اول مره اسمع عن الى حصل فى اسبرانزا بجد اول مره وفى عربيات محترمة كتير ممكن يحصل فيها كده مش عشان هى صينى يعنى
العربية فى ناس اشتكت منها وفى ناس مشية معاهم كويس وزى الفل
واكيد انا من رأى ان الى حصل فى العربية دى سوء استخدام
تمااااااااااااااااام كل ممشى جنب عربية اسبرانزا الاقى العجلة اليمين اللى ورا شوية وهتسيب العربية شكلها مايل بطريقة غريبة غين ان فى 2 واحد قدام عينى فى ملف على منزل بعد كبرى طرة على الأوتوستراد العجلة اليمين قدلم بقت تحت العربية وحظة انة كان ماشى هادى وعرف يقف طبعا بعد تدمير الرفرف و الجنت والمقص والكبلن وهكذا و فى حادثة انا سمعت عنها مش قادم عينى بصراحة على طريق مارينا كان فوق ال140 و مطب هوا حاجة كدة المهم ان العجلتين اللى قدام سابوا العربية :) :) :) :)
أيه كل الهجوم ده
كل دى حواديت عن اسبرنزا
يمكن ربنا يسترها
بس انا مش مقتنع بكل الحواديت دى
والله انا واحد صاحبى معاه العربية وبنجيب 140 و150 عادى
ومفيش مشاكل غير حاجات بسيطة اتغيرت فى الضمان
انا مش حاسس بكلام الناس والمشاكل الىل بتواجها فى العربية
ممكن يكون مقاش الحنط فعلا اثر على العفشة
بس مشاكلها اللى حصلت قدامى
1- التكييف ضعيف مقارنة باللانسر
2- تكيفها بيأثر على السحب جدا مش زى اى عربية 1600 تانية
3- زميلى غير مروحة التكيف فى الضمان والعربية 15000 كيلو بس
4- ثبات العربية ضعيف فوق ال 120 بسبب علو العربية والبور الكهربة
5-ال Rpm بيعلق ثوانى مع تغيير النقلة يعنى مش بينزل لا بيبقى على 3 وشوية لحد ماتنقل
6- تغيير تيل فرامل عند 15000 كيلو
كل دى مشاكل بسيط وثمن العربية اصلا 68 الف يعمى مش مطلوب منها اكتر من كدة
العربية بتاعة صاحبى عاملة 25000 كيلو
العربية فيها كمية اوبشنز تحفة واكتر من ثمنها
بجد انا حاسس ان العربية دى لو فيها ضمير شوية فى صناعتها هتعدى مبيعات اللانوس بمراحل
ودا رأيي الشخصى