مساعدة بخصوص الكيا سيفيا

**EyesOnly** · 26-01-2009 03:27 PM

يا شباب الكيا سيفيا عايز مساعدة لان انا خبرتي في العربيات مش اد كدا فكنت عايز اعرف بس هي العربية كويسة والا لا و العفشة بتستحمل والا لا
و طبعا يا ريت لو حد يقولي اسعار قطع غيارها عاملة اية و موجودة فين
و في سؤال مهم معلش هو صحيح العربية دي سحبها بطيء يعني هل فهلا اللانوس سحبها احسن من السيفيا والا اية؟
هي العربية اللي قدامي كيا سيفيا موديل 2000
و جزاكم الله خيرا

**ecybrarian** · 26-01-2009 05:46 PM

المشاركة الأصلية كتبت بواسطة EyesOnly

و في سؤال مهم معلش هو صحيح العربية دي سحبها بطيء يعني هل فهلا اللانوس سحبها احسن من السيفيا والا اية؟
و جزاكم الله خيرا

يا رجل حرام عليك. ده انت كده شحورت السفيا خالص

(مع تقديري للانوس)
العربية إللي قدامك مانيوال ولا اتوماتيك؟؟ عموما المانيول في السحب أحسن من الأتوماتيك. بس مش للدرجة إللي تخليك متضايق. يعني الفرق بيكون بضع ثواني (يعني من 3 إلى 9) :-)
حاجة السفيا الأصلية كلها موجودة عند حلمي سليمان امام سنترال رمسيس..ومتوافرة أكتر من الريو (تخيل!!!)

السفيا دي عربية وحش. موتور 2 كامة علوية DOHC عفشة ممتازة. بس العربية واطية شوية ودي مشكلة لما يكون معاك ناس في العربية مع المطبات العالية، بس في المقابل أوع الثبات مع السرعات. وفي مشكلة تانية كانت موجودة في العربيات موديل 99 وأول 2000 الكوري ان التابلو بيقوس من عند الهويات. مش عارف الموضوع اتحل في المصري ولا لأ.

انا كان معي سفيا 99 اتوماتيك اخدت فيها دكتوراه في الصيانة وبعدين بعتها عروسة والله

وربنا يوفقك في أي قرار هاتخده

**EyesOnly** · 27-01-2009 02:13 PM

والله انا مش عارف اشكرك ازاي انك طمنتني اوي كدا
انا كنت قلقان من حكاية السحب دي بس الحمد لله انها طلعت وحش و علي فكرة انا بحب العربيات الواطية علي الارض يعني كدا مصلحة ان شاء الله و مرة تانية شكرا كتير ليك يا باشا :10D5C8~1107:

**max_ziro** · 28-01-2009 02:30 AM

بقولك اية يا معلم انا معايا ال2000 ماشاء الله جبارة فرامل و ثبات طلعة كل الى تحبة فى عربية قطع غيارها رخيصة و متوفرة و اعتقد انى كنت قايل اسعار حجات كتير ليها فى موضوع اسمة السيفياوية فى المنطقة بتاعت كيا بردو خش عليها و لو قلقان من السحب ف اخوك غاوى شد
(كريستالة .لانوس . .اكسل 1500 مش هتصدق لو قولتلك ولعت .اكسنت .بيجو504.بومة 1300.نيو اكسنت و حتة صغيرة مع فيرنا1500 .ياريس )الحمد لله محدش طلع منى و ليا واحد صاحبى معاة شوما شادد مع دبان وشة يعنى متعدش بقى ...
ربنا يوفقك و تجيبها بس اهتم ب المتور بتاعها و انا معاك يا باشا فى اى حاجة ....