استشاره فى غسيل دورة التبريد

**mmedali1978** · 26-01-2009 06:56 PM

النهارده رحت انظف الريدياتير علشان الميه كانت مصديه ومهببه المهم الراجل قاللى عايز تسلك قولتله ماشى فكه وسلكه وركب وبعدين فضل يزود مياه من الحنفيه علشان بيقولى نغسل الموتور وكان بيزود بنزين جامد جدا لدرجه ان وراء الفتيس كان سخن مولع وحاسس بيه فهل ده غلط ولا ايه ارجوكم الرد وبعدين حط مياه خضراء مصرى وزودها كمان بمياه عاديه وقاللى احنا بنخففها فهل ده عادى برده واستحملونى يا لانسويه واسف للاطاله

نسيت اقول انه خد 65 جنيه كده كتير ولا ايه

يرجى من العضو اختيار عنوان مناسب لموضوعة

مشرف القسم

**samirayad** · 26-01-2009 07:12 PM

المشاركة الأصلية كتبت بواسطة mmedali1978

نسيت اقول انه خد 65 جنيه كده كتير ولا ايه

هو بيزود سرعه العربيه علشان يسرع من عمل طلمبة المياة لكنس جميع الرواسب الموجوده فى الدوره00000..فده عادى وكويس......وموضوع الميه الخضراء ده (كان مفروض تحط ماء مقطر فقط وبلاش مياه خضراء...ولا مياه من الحنفيه)

**mmedali1978** · 26-01-2009 07:24 PM

طيب اعمل ايه دلزقتى افضى الميا تانى ولا ايه وكل الاخوه هنا بيقولو مياه خضراء

**samirayad** · 26-01-2009 07:31 PM

المشاركة الأصلية كتبت بواسطة mmedali1978

طيب اعمل ايه دلزقتى افضى الميا تانى ولا ايه وكل الاخوه هنا بيقولو مياه خضراء

مااحنا قولنا الكلام ده قبل كده....وتقريبا كنت حضرتك معانا فى الموضوع.....علشان الميه الخضراء ممكن تتلف الردياتير دلوقتى لأن أكيد فيه نسبة أملاح من الاستعمال القديم للمياه بتاعة الحنفيه.......عموما سيبها على الله....ومتحاولش تحط ميه خضراء تانى وكل ماتعوذ تزود مياه زود ميه مقطره فقط ومش مية حنفيه......وممكن يكون مش حيحصل مشاكل وخلافه للردياتير على أساس ممكن تكون كميه الأملاح قليله.........أما لو كنت موسوس زى حلاتى......فضى الميه الخضراء وحط ميه مقطره

**mmedali1978** · 26-01-2009 07:58 PM

اوكى يا باشا والف شكر

**samirayad** · 26-01-2009 08:18 PM

المشاركة الأصلية كتبت بواسطة mmedali1978

اوكى يا باشا والف شكر

ربنا يخليك ياباشا ....ويسترها معانا ومعاك

**ahmedezzat78** · 26-01-2009 08:27 PM

الميه المقطره تؤدى الى زياده التأكل و الصدأ
المياه الخضراء بها ماده اثيلين جليكول لرفع درجه الغليان و منع الأكسده و بالتالى الحفاظ على دوره التبريد من التاكل

اكبر دليل على كده ان العربيه الزيرو مش بتنزل بميه مقطره ابدا و لازم تكون خضراء او حمراء

**samirayad** · 26-01-2009 08:30 PM

المشاركة الأصلية كتبت بواسطة ahmedezzat78

الميه النقطره تؤدى الى زياده التأكل و الصدأ
المياه الخضراء بها ماده اثيلين جليكول لرفع درجه الغليتن و منع الأكسده و بالتالى الحفاظ على دوره التبريد من التاكل

اكبر دليل على كده ان العربيه الزيرو مش بتنزل بميه مقطره ابدا و لازم تكون خضراء او حمراء

أنا أقصد مياه مقطره خاليه من أى اضافات أو أملاح.......ياريت تبين وجهة نظرك يابشمهندس /أحمد

**ENG\AHMED** · 26-01-2009 08:52 PM

المشاركة الأصلية كتبت بواسطة ahmedezzat78

الميه المقطره تؤدى الى زياده التأكل و الصدأ
المياه الخضراء بها ماده اثيلين جليكول لرفع درجه الغليان و منع الأكسده و بالتالى الحفاظ على دوره التبريد من التاكل

اكبر دليل على كده ان العربيه الزيرو مش بتنزل بميه مقطره ابدا و لازم تكون خضراء او حمراء

المية الخضرا عبارة عن مية مقطرة + اثيلين جليكول
فايدة الاثيلين جليكول انة بيرفع من درجة غليان المية وباتالى بيمنع زيادة الضغط جوة دايرة التبريد كمان بيبقى فية اضافات لمنع الصدا والمحافظة على طلمبة المية
والمية المقطرة نسبة الاملاح والشوائب اقل من مية الحنفية

**Strong** · 27-01-2009 01:06 AM

1- أنا اعرف إن الميه الخضراء تمنع الصدأ مش بتزيله فهل ده صحيح ؟
2- المياه المقطرة اللي بتتباع بتكون فيها شوائب (زي تفل شاي ) فهل هتأثر على جودة الميه وتعمل رواسب ؟