ضربوه ضربا مبرحا ..

**sendrella** · 26-01-2009 06:58 PM

السلام عليكم
ازيكم عاملين ايه

حاجة غريبة اوى حصلت
النهاردة كنت في مشوار و انا راجعه كانت الاشارة واقفة
و بالتحديد امام مسجد الصباح بالقرب من محطة مشعل في الهرم
كان في خناقة سواقين ميكروباص

شيء مش غريب طبعا
شيء اقل من العادي

لكن الغريب في الموضوع و الشيء المثير للدهشة و الاستغراب
ان كان في جماهير عريييييييييضة لفض النزاع بين المتشاجرين

و طبعا ده بيشتم و ده بيشتم و محدش سامع هم بيقولوا ايه
و الناس بتحاول تبعدهم عن بعض قدر الامكان
و واضح جدا ان الناس دي محايده لأنهم من فئات مختلفة

و في لحظة معينة كدة حصل شيء غريب جدااااااااا

واحد من الاتنين اللي بيتخانقوا قال حاجة
و لقيت الجموع الغفيرة دي انهالت عليه بالضرب
اشي ابكاس على شلاليت على اقلام .......... الخ

ضربوه ضربا مبررررررررحا

والله طحنووووووووه .. الراجل مرة واحده
اختفى تحت رجليهم

مشهد اول مرة في حياتي اشوفه
فكروني بفيلم عادل امام بتاع ( احنا بتوع الاتوبيس )

ايه اللي ممكن يكون اتقال يخلى الناس المحايدة اللي كانت بتفضي الخناقه
مرة واحده كدة تنهال على الراجل ده بالضرب

لو على الشتايم و سب الاديان :k26:
ده للاسف للاسف للاسف بقى شيء في الشارع اقل من عادي للاسف الشدييييييييييييد
لما واحد منهم بيحب يهزر مع التانى بيشتمه بالوالدين :k26:
طبعا ده مش بيكون على سبيل الغلط فيه .. لأ ده من باب العشم

يعني الراجل ده مش هيكون بس شتم او حتى سب دين عشان كدة الناس ضربوه :k26:

و مازال اللغز قائم

يا ترى الراجل ده قال ايه يخلي الناس المحايدة دي تعمل فيه كدة
بس على كل حال اكيد هو قال شيء من شأنه انه يثير غيظ الناس
عشان كدة حطنوه بالشكل ده
يلا بقى .. يعيش و ياخد غيرها ( ان كان لسه عايش )

**SHNORY** · 26-01-2009 07:16 PM

اكيد قالهم كلام من نوعيه
اللي شايف نفسه راجل يتحمق ليه
مش ناقصاكم انتم كمان علشان متخربش عليكم
اللي خايف علي روحه يغور من هنا
دا انا البسكم طرح
غوروا من هنا علشان متتعوروش
وطبعا حيقولها وهو بيزينها بما لذ وطاب من الشتايم اللي بقت لبانه بين سنان الناس
ولو افتكرت حاجه تانيه حبقي اقولهالكم من اساليب الاستفزاز
بس انا بقول نجيبه هنا في موضوع ما تيجوا نتخانق واكيد حنعرف هو قال ايه بالظبط لو لسه فيه الروح

**Abdo_Eldesokey** · 26-01-2009 08:07 PM

المشاركة الأصلية كتبت بواسطة acer4000

*********************

متهيألي لو حضرتك مشغول للدرجة دي مكنتش هتخش على المنتدى من أصله

الموضوع في المنتدى الاجتماعي ، يعني للدردشة والمناقشة

**Mido80** · 26-01-2009 08:36 PM

لالالا انا هاقولكم هو قال اية بالظبط..

قالهم ان الواد دة هو سبب خسارة الاهلي في اليابان عشان كدة طحنوة
ههههههههههههههههههههههههه ههههههههههههههههههههههههه هههههه

**Hussein_Ramdan** · 26-01-2009 08:48 PM

المشاركة الأصلية كتبت بواسطة Mido80

لالالا انا هاقولكم هو قال اية بالظبط..

قالهم ان الواد دة هو سبب خسارة الاهلي في اليابان عشان كدة طحنوة
ههههههههههههههههههههههههه ههههههههههههههههههههههههه هههههه

ههههههههههههههههههههههههه
والله ضحكتنى
:k48:
ممكن بردو يكون قالهم دة السبب
بس زاى مقال الاخ ان شتمهم
على فاكرة انا لو مكانك كونت نزلت اتفرجت وقربت انا بموت فى الخناقات واحب اتفرج اعتقد ان 90 %الشعب المصرى بيحب يتفرج على الخناقات

**A.Saad** · 26-01-2009 09:31 PM

ممكن يكون شكر فى الحكومة
او قال ان العربية دى تبع ظابط

**sendrella** · 26-01-2009 11:34 PM

المشاركة الأصلية كتبت بواسطة shnory

اكيد قالهم كلام من نوعيه
اللي شايف نفسه راجل يتحمق ليه
مش ناقصاكم انتم كمان علشان متخربش عليكم
اللي خايف علي روحه يغور من هنا
دا انا البسكم طرح
غوروا من هنا علشان متتعوروش
وطبعا حيقولها وهو بيزينها بما لذ وطاب من الشتايم اللي بقت لبانه بين سنان الناس
ولو افتكرت حاجه تانيه حبقي اقولهالكم من اساليب الاستفزاز
بس انا بقول نجيبه هنا في موضوع ما تيجوا نتخانق واكيد حنعرف هو قال ايه بالظبط لو لسه فيه الروح

ههههههههههههههههههههههههه ههههه

تصدق كلام منطقي اوى للي حصل للراجل

بس لو كان قال كدة يبقى يستاهل

اشكرك على ردك الجميل يا شنوري باشا

**د./اليشع ثابت** · 26-01-2009 11:36 PM

المشاركة الأصلية كتبت بواسطة sendrella

اشكر الادارة بشدة والله على اهتمامها
انا كنت محضرة عريضة ارد بيها
بس طالما الادارة تدخلت
يجب عليا التراجع الى الوراء
الى الامام يا ادارتنا

صباح الخير بالليل يا سيندريلا
انا بقى مش عايز اعرف الراجل اطحن لية :k48::k48::k48:
انا بس هموووووت و اعرف الاخ اسير 4000 اتحذر لية :k48::k48::k48:
و يجعلة عااااااااامر