محتاج مساعدتكم في إمتحان الـ Ielts
السلام عليكم ورحمة الله وبركاته،،،
إذيكم يا جماعه، عاملين إيه؟
أنا إنهارده عاوز مساعدتكم لي في حاجه ...
أنا حجزت إمتحان الـ IELTS يوم 7 مارس الجاي إن شاء الله.
للي مش عارفين، الـ IELTS ده إختصار لـ International English Language Test
الإمتحان ده دلوقت مطلوب في أماكن كتير قوي، زي السفارات للي عاوز يهاجر، وبرضه للي عاوز يدرس بره مصر أو للي عاوز يقدم على ماجستير ودكتوراه.
الخلاصه إن الإمتحان ده بقى مهم جداً ومطلوب في أماكن كتير.
المشكله إن الإمتحان غالي مش رخيص (850 جنيه) والمشكله برضه إنه مش سهل.
هو مش صعب أوي برضه، بس عاوز تدريب حتى لو إنت كويس في اللغه عشان تتدرب على طريقة الحل اللي هم عاوزينها.
المهم، أنا عاوز مساعدة الإخوه اللي نجحوا في الإمتحان ده عشان يدلوني على أفضل الطرق للمذاكره والتدريب.
مع العلم إنش مش ناوي آخد كورس، أنا عاوز أسامي كتب معينه وأجيبها منين، أو أسامي برامج أو سيديهات ويا ريت يا ريت لو كان في موقع كويس على الإنترنت.
جزاكم الله خيراً
شكراً