رائحة عادم داخل السيارة

**samirayad** · 01-02-2009 10:07 AM

المشاركة الأصلية كتبت بواسطة AM011

أنا غسلت العربية في البنزينة وكشفت على الشكمان وقاللي سيلم وللأسف الريحة موجودة وبتظهر لما بتوصل درجة الحرارة لمعدلها الطبيعي

طب مارحتش لسه للميكانيكى اللى غير حساس الشكمان....وأنت بادىء اليوم بالدموع دى ليه....دا لسه العربيه مادارتش

**AboMaro** · 01-02-2009 10:12 AM

انا كمان عندي نفس المشكله و بقالها سنه
و روحت للميكانيكيا و بتوع الشكمان و السمكريه
و كشفت كل الكشوفات و حللت كل التحاليل و لا فيش فايده
محدش يعرف دكتور كويس
ليا مش للعربيه صدري و عيني باظو

**samirayad** · 01-02-2009 10:24 AM

المشاركة الأصلية كتبت بواسطة AboMaro

انا كمان عندي نفس المشكله و بقالها سنه
و روحت للميكانيكيا و بتوع الشكمان و السمكريه
و كشفت كل الكشوفات و حللت كل التحاليل و لا فيش فايده
محدش يعرف دكتور كويس
ليا مش للعربيه صدري و عيني باظو

المفروض دلوقتى تعيد تغيير جوان مانيفولد العادم

المشاركة الأصلية كتبت بواسطة AM011

أنا غسلت العربية في البنزينة وكشفت على الشكمان وقاللي سيلم وللأسف الريحة موجودة وبتظهر لما بتوصل درجة الحرارة لمعدلها الطبيعي

نفس الحل السابق....على أساس ممكن يكون الجوان نشف....وعملية الحبك مابتبقاش كويسه وبالذات لما العربيه بتأخذ سرعتها والحرارة بتزيد

**i_Am_Legend** · 01-02-2009 03:01 PM

انا بقى كنت هاموت بسبب الموصوع دة كنت كل ماركب العربية الاقى ريحة بنزين رهيبةةةةةةةةةةةةة وادور وادعبث مش لاقى اى حاجة ازود بنزين وانا فاتح الكبوت مافيش اى ريحة خالص ولا عادم ولا بنزين وانا عربيتى127 مش عربية جديدة ولا حاجة المهم بقى تخيلوا الريحة كانت من ايه ؟؟؟؟؟؟؟؟؟؟؟؟؟
وانا نازل الصبح اودى (الكلب) بتاع نبيل صاحبى للدكتور وانا بقعد الكلب ورا لقيت ايه؟ لقيت بقعة سودة فى الارض على الموكيت بتاع العربية والدواسة واتارى البقعة دى بقعة مازيوت او حاجة زى كدة بس ريحتها اشد من البنزين بكتييير لدرجة انى ساعات كنت بكح دم!

**banboty** · 03-02-2009 10:28 AM

المشاركة الأصلية كتبت بواسطة AM011

يا جماعة أنا بقالي فترة باشم رائحة شديدة زي ريحة العادم وبتوجع عيني بتكون جوه العربية ومش عارف احددها زيت محروق ولا عادم ؟؟؟ ومش عارف مصدرها هل حد يقدر يفيدني ؟

مع العلم إن الفتحة اللي بتسمح بدخول الهواء من الخارج مقفولة بالزرار اللي بيحود يمين وشمال وفكيت الدرج واتأكدت منها .

غَير البوجيهات ( دينسو أو إن جي كيه ) حتى لو مكنش فيه اعراض تأخير دوارة الصبح او تنتيش او تقطيع
و بالمرة فلتر الهواء ,

هتلاقى الريحة راحت بأذن الله

**samirayad** · 03-02-2009 10:35 AM

المشاركة الأصلية كتبت بواسطة banboty

غَير البوجيهات ( دينسو أو إن جي كيه ) حتى لو مكنش فيه اعراض تأخير دوارة الصبح او تنتيش او تقطيع
و بالمرة فلتر الهواء ,

هتلاقى الريحة راحت بأذن الله

ياريت ...تفسير للكلام ده ....علشان كلنا نستفيد.....ونكون شاكرين

**banboty** · 03-02-2009 02:57 PM

المشاركة الأصلية كتبت بواسطة samirayad

ياريت ...تفسير للكلام ده ....علشان كلنا نستفيد.....ونكون شاكرين

الاخ بيشتكى من رائحة عادم بنزين بداخل صالون عربيته

فنصحته بتغيير البوجيهات ماركة NGK او DENSO و يغير بالمرة فلتر الهوا و هيلاقى الريحة راحت بأذن الله ..

**samirayad** · 03-02-2009 03:15 PM

المشاركة الأصلية كتبت بواسطة banboty

الاخ بيشتكى من رائحة عادم بنزين بداخل صالون عربيته

فنصحته بتغيير البوجيهات ماركة NGK او DENSO و يغير بالمرة فلتر الهوا و هيلاقى الريحة راحت بأذن الله ..

طيب ...مبدئيا ....حتفرق ايه....ان اللى بيدخل الصالون عادم غير محترق احتراق كامل.....من عادم محترق احتراق كامل...على فرض انه حيغير البوجيهات لنوع أفضل لتزويد كفاءة الحريق

**Strong** · 19-02-2009 12:46 AM

على فكرة يا جماعة أنا كنت هتخنق من الرائحة دي تاني
وغسلت العربية في البنزينة مرتين وبعد مالراجل خلص اشتغلت بنفسي علشان أعمل بضمير help yourself
ولكن الرائحة زي ما هي

ورحت عند الميكانيكي اللي غير الجوان وقاللي سليم
فسألته عن سب الرائحة دي وقاللي انه مش عارف وقاللي اشوف حداد كويس يشوف أي منفذ ويقفله !!!!

وعلى فكرة بدأت تظهر وأنا ماشي على مهلي وحتى والعربية باردة

**abf-nassar** · 19-02-2009 02:44 AM

المشاركة الأصلية كتبت بواسطة AM011

على فكرة يا جماعة أنا كنت هتخنق من الرائحة دي تاني
وغسلت العربية في البنزينة مرتين وبعد مالراجل خلص اشتغلت بنفسي علشان أعمل بضمير help yourself
ولكن الرائحة زي ما هي

ورحت عند الميكانيكي اللي غير الجوان وقاللي سليم
فسألته عن سب الرائحة دي وقاللي انه مش عارف وقاللي اشوف حداد كويس يشوف أي منفذ ويقفله !!!!

وعلى فكرة بدأت تظهر وأنا ماشي على مهلي وحتى والعربية باردة

انت بتقول بتكون قافل فتحات التكييف اللي بتجيب الهواء الخارجي - راجع تاني عليها احتمال تكون معلقة ومبتقفلش كويس وبالتالي رائحة العادم اللي داخله عليك هي عادم السيارة اللي امامك مش من عندك اصلا