والله موضوع الأخ / صاحب التساؤل ده خلانى أفكر فى الحاجات الغريبه دى.....- أقول أيه تانى ....يمكن يكون عنده شرخ غير مرئى فى فرن الشكمان وبيفتح مع زيادة ضغط عادم الفرن بتاع الشكمان.......برضه ده أحتمال وارد تانى
عرض للطباعة
يا جماعة أنا النهاردة جبت جلاد اللي بيتجلد بيه الكتب اللي فيه لاصق من ورا وفكيت الدرج علشان أشوف مكان فتحة المكيف واقفلها بيه علشان هيكن أقوى من البوابة بتاعته ، ولما فكيت ملقتش أي خرم ابرة حول البوابة دي وهي مقفولة ومحكمة القفل.
ولما شغلت العربية لقيت ريحة العادم طلعت !!!!
ولما أشغل المكيف هواء بس أو لو خليته على السخن مش بالاقي رائحة العادم دي .
والراجل بتاع الشكمان اللي رحت له عنده ضمير وشاف الشكمان كويس وأنا كنت متابع معاه ومكنش في اي تنفيس نهائي
وعلى فكرة النهاردة فتحت الكبوت لما كان العادم موجود من جوه العربية وملقتش اي رائحة للعادم نهائي فمش عارف ايه الحكاية الغريبة دي ؟
وياريت تفيدونا بأي منفذ ولو صغير جدا ممكن يدخل هواء داخل السيارة .
- لا دا الفيلم بتاع أكتشاف شرخ فى فرن الشكمان ده ليله وحدوته لوحده ومش حيبان بالطريقه اللى بتقول عليها................- وليه معايير وطرق أختبار هندسيه معينه لأكتشافه......يعنى مش بالبساطه أن بتاع شكمان وخلافه يعرفه..........دا ليه تكنيك أختبار معين لازم أجراءه..........
خد عندك ياسيدى...............................أنواع أختبارات وكشف تواجد شروخ فى المسبوكات (زى مثلا فرن الشكمان.........النوع الأول (أختبار بالصبغه)......وهنا بيتم نظافة الجزء المختبر بمنظف فى البدايه(علبة أسبراى معينه).....وبعد ذلك يتم رش الصبغه(برضه من خلال عبوة أسبراى تانيه)...لون أسبراى صبغة الأختبار بيكون أحمر(ولو فيه جزء من القطعه المسبوكه به شرخ بيلاحظ ظهور لون أبيض بيحدد مكان الشرخ)......وفى هذا النوع بيتم نظافة السطح المراد أختباره أولا .....وبعد ذلك يتم رش بودره معينه (تحتوى على براده دقيقه من الحديد)......وبعد الأنتهاء من عملية الرش للبودره على الجزء المراد أختبار تواجد شروخ به(على فكره بيكون فيه برضه لون لمسحوق البودره).....بعد ذلك بيتم أحضار مغناطيس الأختبار ووضع أرجله على المناطق المراد أختبارها (على أساس لو موجود شرخ فى منطقه معينه برادة الحديد حتكون نزلت لداخل الشرخ وبالتالى حتكون بعيده(البراده) عن مجال جذب المغناطيس ...وحيكون أستمرار لون البودره(تقريبا لون أبيض داكن) بيكون دليل على تواجد شرخ فى الحته دى...........- النوع التانى (أختبارفحص الشرخ بواسطة الموجات المغناطيسيه magnetic partical investigationالنوع التالت...(الأختبار بالموجات فوق الصوتيه)....وده ليه جهاز معين من خلاله بيتم تسليط الموجات الفوق صوتيه على الجزء المراد أختبار تواجد شروخ به.........- وفيه برضه طريقه بلدى بتاعة الحاج بليه.....وهى بأن يتم تشخين باللمبه بتاعة اللحام على الجزء المراد أختباره....على أساس لو فيه شرخ واضح حيبان على طول.................- الطرق دى اللى أنا متذكرها الآن وممكن يكون فيه طرق أخرى حديثه.....وبالفعل قمت بالأختبارات دى على مسبوكات للشغل عندى حينما كنت أجرى تفتيش على المسبوكات بدولة الصين من سنتين............وأى خدمه ياباشا (على فكره ده برضه شرح موجز)