الموضوع: للخبراء و اصحاب الفولكس

أنا معايا نيسان صني 2009 و السوران كانت أختياري الأول عشان جودة فولكس المعروفة و كمان حجمها العملي جدا جدا و أرتفاعها عن الأرض كويس جدا . سعرها في معرض الأهرام للسيارات اللي خلص امس نزل من 100000 لـ 89900 و مش مهم أنها من الأرجنتين لأن الجيتا مكسيكي و تحفة مفيهاش عيوب
اللي وقفني كام حاجة أنت ممكن يكونلك رأي أحسن مني فيهم
- أعادة بيع ( بعد عمر أنشاء الله ) صعبة شوية و حينزل في السعر كتير
- قطع الغيار أنا معرفش مدي أنتشارها و حلاقيها بسهولة ولا لأ لأن العلابية أصلا مش منتشرة و دي ممكن تسأل عليها في شارع دمشق مثلا
- التوكيل محدش بيشكر فيه و عن تجربة محدودة مع جيتا 2008 في مركز مدينة العبور . أمر الشغل ضاع و أحنا جوة و فضلنا مستنيين 3 ساعات تقريبا عشان يشوفو أمر شغل تاني و حاجة بهدلة كدة و مفيش أهتمام مجرد مظاهر و شياكة وبس
- لكن فيه مراكز صيانة غير التوكيل الزملاء اللي عندهم فولكس كانوا أفادو عنهم قبل كدة منهم امير و جوزيف كويس جدا. برضه عن تجربة