السرعة والندم

**Hussein_Ramdan** · 26-01-2009 11:26 PM

بصراحة انا حبيت افتح معاكو الموضوع دة عشان بجد انا مش عارف القى لنفيسى حل من موضوع السرعة :k30:
الصراحة انا طبعتى بكرة السرعة العالية لكن بعض الاوقات بلقى نفسى بجرى وكمان مش شوارع مفتوحة وطريق سريع لا دة ممكن يكون طريق عادى وممكن اجيب المية
الصرحة بعد ما اجرى بحس بندم كبير جداااا
ويبداء الشيطان عمل شغلو معايا
يقولى افرد كان ظهر ليك طفل صغير وانتا بتجرى عمرك ما كونت هتقدر توقف
طيب افرد ظهرت ليك عربية مرة واحدة وانتا بتجرى والناس الى هتتعور جوة العربية زنبوهم اية
هل زنبوهم انك متهور؟
هل عشان انا عديم المسؤلية ؟
هل عشان ربنا رزقنى اركب اعربية اكون سبب فى تسبيب الم ليهم؟
والله كل دة بيدرو فى بالى بعد ما اجرى بالعربية
واكتر من مرة احط ايدى على المصحف الى فى العربية واقول والله ما هجرى تانى للكن للاسف مفيش فايدة
بنسبة ليكو هل بتحسو بندم بعد ما تجرو ولاة الموضوع عادى :k26:

**د./اليشع ثابت** · 27-01-2009 03:49 AM

المشاركة الأصلية كتبت بواسطة Hussein_Ramdan

بصراحة انا حبيت افتح معاكو الموضوع دة عشان بجد انا مش عارف القى لنفيسى حل من موضوع السرعة :k30:
الصراحة انا طبعتى بكرة السرعة العالية لكن بعض الاوقات بلقى نفسى بجرى وكمان مش شوارع مفتوحة وطريق سريع لا دة ممكن يكون طريق عادى وممكن اجيب المية
الصرحة بعد ما اجرى بحس بندم كبير جداااا
ويبداء الشيطان عمل شغلو معايا
يقولى افرد كان ظهر ليك طفل صغير وانتا بتجرى عمرك ما كونت هتقدر توقف
طيب افرد ظهرت ليك عربية مرة واحدة وانتا بتجرى والناس الى هتتعور جوة العربية زنبوهم اية
هل زنبوهم انك متهور؟
هل عشان انا عديم المسؤلية ؟
هل عشان ربنا رزقنى اركب اعربية اكون سبب فى تسبيب الم ليهم؟
والله كل دة بيدرو فى بالى بعد ما اجرى بالعربية
واكتر من مرة احط ايدى على المصحف الى فى العربية واقول والله ما هجرى تانى للكن للاسف مفيش فايدة

بنسبة ليكو هل بتحسو بندم بعد ما تجرو ولاة الموضوع عادى :k26:

شكرااااااا للموضوع يا اخى الكريم / حسين
ولكن تصحيح للمعلومة فقط
الى بينبهك و بيحذرك و بيفوقك ليس الشيطان يا حبيب قلبى
ولكن دة صوت الضمير الحى الكائن بداخل كل شخص منا
بيكون بداخلة ضمير حى بيبكتة على الأخطاء
اتمنى من الله ان يظل ضميرك دائما يقظااااا لتنبيهك المستمر
حتى يأتى يوماااااا تستجيب لنداء ضميرك

**khaledim99** · 27-01-2009 09:43 AM

بصراحة انا ما بجريش غير فى الطرق السريعة و على 190 او 200 تقريبا و نادرا لما اجيب ال 220
بس ده علشان الطريق مافهوش اى كعبلة و كل واحد فاهم هو بيمشى ازاى يعنى ما حدش هيرمى عليك و لا يعمل غرز و الذى منه (:

**amir** · 27-01-2009 10:02 AM

بغض النظر عن الاسباب المختلفه اللي بتخلي الناس تجري
القاسم المشترك ليهم كلهم
هو الندم الشدييييييييييييييييييييي ييد
و ده للاسف بيحصل بس بعد ما ينزل او يتشد من عربيته و يشوف بعينه حجم الاصابات و الدمار الناتج عن سرعته
في ناس بتخسر اصحابها و اقاربها
و في ناس بتعيش بعاهات طول حياتهم
و للاسف الندم ساعتها مبيغيرش حاجه
و بيفضل الشعور بالذنب
لو انت فعلا عايز تبطل جري و سرعه
روح اي مستشفي عام في قسم الاستقبال
و شوف بعينك الناس اللي بتيجي مصابين حوادث
و هتلاقي نفسك بعد كده معندكش نفس تسوق اصلا
ربنا يحفظ طريقنا كلنا

**A_H_M_A_D** · 27-01-2009 03:12 PM

مش المفروض أصلا إن الواحد يمشي بسرعه إلا على الطرق السريعه بين المدن
أو في المحاور و الشوارع الرئيسية المفتوحه داخل المدن و يكون بحذر
أما الشوارع الجانبيه بين المساكن فالسرعه فيها عامله زي القمار بالظبط
بس الخساره فيها بتكون كبيره قوي

**amrico** · 27-01-2009 03:15 PM

أكيد كل واحد فينا يعرف شخص أو اتنين ويمكن أكتر مش هايشوفهم تانى لأنهم ماتوا فى حوادث سواء كانوا بيسوقوا ولا بس راكبين مع واحد متهور

الدنيا مش هاتطير

ربنا يوصلنا كلنا بيوتنا بالسلامة

عمرو

**HeMa_LanCeR** · 27-01-2009 03:17 PM

بص انا كنت الاول ممكن اجري بالعربيه وانا رايح الجامعه تلاقيني ماشي علي الاوتوستوراد 140 -150
لكن حسيت ان مالهاش اي لزمه يعني بالجري هوصل في ربع ساعه ومن غير جري بوصل في نص ساع الا خمس دقايق
تفتكر بقي العشر دقايق دول يساوي حياتي اللي بغامر بيهم
دلوقتي والحمد لله اخري بجد 110 وعلي طول بقيت امشي من 80 ل 100
لكن بقي في حاجه مش عارف ابطلها خالص
اني العب بالعربيه غرز ومناورات بس علي سرعه لا تتعدي ال 100
والحمد لله بدون ايذاء اي حد
لو عايز تبطل سرعه غصب عنك هتبطلها مافيش حد هيخليك تبطلها ابدا
بس ديما احسبها كده لو جريت هتوصل في قد ايه ولو مشيت علي مهاك هتوصل في قد ايه هتلاقيها كلها مش مستهله جري اصلا
فكر كويس

**tamertamer** · 27-01-2009 03:23 PM

بصراحة انا ضميرى مبيعملش حاجة يعنى انا بجرى جوة وبرة عادى بس العقل الراجح هو المقياس يعنى امتة اجرى وامتة لا كدة يعنى حصلت ادامى حدثة وحشة اوى واحد ماشى فى صلاح سالم ادام الجهاز العامة للمحسبات وفى واحد بيعدى الشارع مع العلم اقبل الشارع بشوية فى نفق وبعدة بردة فى نفق مع ذالك عدة واحد جة شالة طيب هو مش خايف على نفسة بس برجع وقول السواقه ملهاش كبير ابدا وربنا يستر اقصى سرعة جبتهاء جوة البلد 180 على المحور وصلاح سالم بليل اوى 4 الصبح لكن الصبح مفيش جرى سلامى للجميع ولكاتب الموضوع

**Ahmed_Elkhateb** · 27-01-2009 04:22 PM

والله انت لو بتتكلمو على المشكله ديه انا بحس ان مفيش حد مجنون زى والله بخد الأتوستراد لحد الشغل بطريقه غير العايديه الفرامل يديه اخر حاجه بفكر فيها اصلا حتى لو داخلين على زحمه بردو وطول الطريق غورز وانا على سرعتى بس بعد ما امشى فى حته رايقه اقول ايه الهبل اللى انا بعملو دددددددده ما يمكن الكوتش يضرب او ييحصل اى حاجه بس بردو مش لااااااقى حل فى الموضوع ده خالص يا جماعه والله الشارع بيبقى واقف خااااالص وتلقينى عمال اخش قبل ده واكسر على ده عامل زى سوقين التيوتا اعمل اييييييييييييييييييه انا بئه فى مشكلتى يديه ؟وعلى رأىةالمثل اللى يشوف بلاوى الناس تهون عليه بلوتو

الموضوع: السرعة والندم

LinkBack

أدوات الموضوع

عرض

-

-

-

-

-

المواضيع المتشابهه

ما اجمل البكاء والندم والعودة إلى الله

علي وجة السرعة

لتلافي مخالفات السرعة: فرق السرعة الحقيقي بين عجلاتك الأصلية و المقاس الجديد "بسهولة"

تخيلوا بكام تركيب متبت السرعة ومحدد السرعة

السرعة

الكلمات الدلالية لهذا الموضوع

المفضلات

المفضلات

ضوابط المشاركة