وقفه لاصحاب الدايو

**نور القمر** · 27-01-2009 03:39 PM

المشاركة الأصلية كتبت بواسطة SE_coralsea

انا مع الحملة بشدة يانور بس العربية دي أستلمتها من الشغل علشان أحنا بنسفر كتير و بيستدعونا في أي وقت

كدة حضرتك براءة يا بشمهندس
احسبك تخليت عن الحملة واشتريت عربيه جديدة
كنت هاتتسبب اني اتخلى عنكم انا كمان واروح احط النص مليون اللي معايا في عربية

الحمد لله ربنا ستر

**Samir Elshahawy** · 27-01-2009 03:50 PM

المشاركة الأصلية كتبت بواسطة نور القمر

كدة حضرتك براءة يا بشمهندس
احسبك تخليت عن الحملة واشتريت عربيه جديدة
كنت هاتتسبب اني اتخلى عنكم انا كمان واروح احط النص مليون اللي معايا في عربية

الحمد لله ربنا ستر

طيب ربنا يستر و ماحدش يأخد باله من النص مليون اللي معاكي ليسألوكي من أين لك هذا ؟؟

**moudy88** · 27-01-2009 06:11 PM

ياجماعه الواحد بس بيتضايق لما تبقى العربيات الدايو الحيطه المايله وكل اللي عربيته تسوى او ماتسواش يكلم عليها...وانا برضه بكرر ان الدايو مش احسن عربيه في العالم ومصير الواحد هيغيرها في يوم من الايام وولعلم انا في سنه 2008 غيرت 4 عربيات (كليو -اكسنت 1300-شاهين-فيرنا) وماكنتش بمتلك النوبيرا... يعني إن شاء الله اول لما ربنا يفتحها هاغيرها لحاجه احسن ..لكن مش اول لما امتلك الدايو هقول دي عربيه 100% واول لما ابيعها اقول دي عربيه بنت ....... يعني لازم الواحد يبقى صريح ومحايد مع العربيه.

**knightmido** · 27-01-2009 08:17 PM

مع احترامى لكل الاراء وحبى لعربيتى اللانوس ... بس فيه حاجة اكيد حضراتكم ملاحظنها وانها اكتر العربيات انتشارا دلوقتى فى الفئة بيتاعتها وده بيخليها محل مقارنه مع اى عربية ... العبد لله مثلا من صغرى وانا بتعفرت من المية تمانية وعفريت ... ومعرفش على ايه الناس ممكن اصلا تركبها عربية الازرار اللى فيها ازرار نور الشقة .. وحاليا الحمد لله اتعالجت لانى نقلت كراهيتى للاكسنت خاصةو القديم منها ... دى ازواق وربنا يديمها علينا ويهديها العربيات اليومين دول مش ناقصين غرامات

**moudy88** · 27-01-2009 08:22 PM

وربنا يديمها علينا ويهديها العربيات اليومين دول مش ناقصين غرامات[/quote]

ياريت على الغرامات بس ...ده دلوقت فيه سجن

**waleedrahmy** · 27-01-2009 10:17 PM

في مقولة عجبتني جدااااااا لخبيرنا/ محمد ممدوح عن الدايو يقول فيها أن الدايو أحسن أستخدام للمال بتعجبني المقولة دية ودي أحسن رد للمشكيين في الدايو

**hazoma_nubira** · 27-01-2009 10:23 PM

بالعكس انا شايف انه مادام بيحطوا الدايو فى كل مقارانتهم يبقى الدايو هى المعيار أو المقياس لجودة السيارة وده فى صالحها مش ضدها ، علشان المفهوم يوصل اديكم مثال لما تلاقى واحد يقولك والله انا شفت لعيب فى نادى مغمور مهارات ايه وفن ايه يعنى لو قارناه با ابو تريكة يمسحه مسح

ده مش معناه ابو تريكة انه لعيب تعبان انما هو اصبح المعيار المناسب لقياس المهارات

فى الصناعة بيطلق على المقارنة دى benchmark أى المقارنة المرجعية

فلكل مالكى الدايو وانا أولهم من حق كل منا ان يفتخر بعربيته لانها فى عالم السيارات زى ابو تريكة فى عالم الكورة

**mando2009** · 27-01-2009 10:27 PM

خلى اللى يقول يقول الدايو جمالها مش معقول

**ENG\AHMED** · 27-01-2009 11:31 PM

المشاركة الأصلية كتبت بواسطة moudy88

ياجماعه مش ملاحظين ان كل الناس في الاقسام المختلفه اليباني والاوروبي بيتكلموا على الدايو(لانوس والنوبيرا) على انها زباله واقل مستوى في العربيات (يعني كل واحد عايز يمدح في عربيته يقول دي انضف من الانوس او النوبيرا بتوع اليومين دول).......يعني مثلا عضو في قسم المازدا بيقول ان ال323 موديل 82 انعم واحلى من الانوس
......والاعضاء في قسم ميتسوبيشي يقولوا الانسر الكريستاله ال1300 الكاربراتيراحسن من النوبيرا وثبات اكتر منها وماتور اقوى .....والاعضاء في قسم اوبل بيتكلموا على ان الفيكترا ال1600 موديل 98 انضف من النوبيرا وان النوبيرا واخده تكنولوجيا قديمه من جنرال موتورز ...وبقيت الدايو بتتحط في كل مقارنه واي عربيه تانيه احسن منها.....وبقيت الناس بتتكلم عنها على انها عربيات درجه تالته ..اكيد الدايو مش افضل عربيات في العالم لكن مش للدرجه انها تبقى ملطشه ....وبعدين لو كانت عربيات الدايو وحشه ماكنتش جنرال موتورز تنزل عربيات الدايو بعلامه الشيفورليه وتبقى من انجح العربيات في العالم (الشيفورليه الكابريس والابيكا والتوسكا...... )هل علامه دايو بقيت (عيب) او (عار)....ياريت تقوللوي ايه رايكو..... وياريت يبقى الموضوع هاديء وبعيد عن العصبيه.....وشكرا

الفكرة مش ان علامة دايو عار ولا عيب الفكرة انت بتقارن اية باية ,الدايو بتتكلم فى شريحة او فئة معينة قارنها بيها وشوف اية مميزات وعيوب الدايو وهل هى احسن من باقى العربيات فى المقارنة شوف تمن العربية الدايو وشوف نفس العربيات اللى فى الرينج دة وقارن
بالمناسبة فى 3 عربيات من اللى انت اتكلمت عليهم(المازدا واللانوس والفكترا) كانو معايا والرابعة النوبيرا مع واحد صاحبى
لو هتقارن المازدا باللانوس رأيى الشخصى المازدا برقبتها انعم واثبت وادائها احسن بالرغم من انها 1.3 وتكنولوجيا قديمة ومعمرة اكتر , ميزة اللانوس شكل احدث والتكييف واوسع شوية
لو النوبيرا والفكترا 1.6 هتبقى ميزة النوبيرا انها اخف فى الحركة فى الزحمة وعلى سرعات قليلة انما غير كدة الفكترا احسن

موضوع تكنولوجيا جى ام القديمة , الدايو كانت تبع جنرال موتورز عن طريق اوبل ومن اول ظهور علامة دايو من ايام الريسر والاسبيرو والسيلو وهى معتمدة على تكنولوجيا قديمة من اوبل (كان معايا دايو ريسر 92 وكانت نسخة من اوبل كاديت وكانت نفس قطع الغيار والشكل تقريبا)
موضوع تكنولوجيا قديمة مش عيب بس الدايو زى ماقلت بتتكلم فى شريحة سعرية معينة لو حدثت الكنولوجيا هيرتفع سعرها وسعر صيانتها وبالتالى هتفقد ميزتها يعنى الموضوع مرتبط بالتسويق مش انك تنتج وخلاص

**Hany A Fattah** · 27-01-2009 11:43 PM

المشاركة الأصلية كتبت بواسطة samirayad

انا شايف ان ده نوع من التطلع لما فى يد الاّخرين والحسد على ماهم فيه من نعمه.......ازاى..................العر� �يات الألمانى واليابانى وجميع الأنواع الغاليه......نعم فيها كل وسائل الراحه وممتازه.........ولكن هناك جانب خفى ......تمتاز به عائلة الدايو ألا وهو رخص عمليات الصيانه وقطع الغيار مقارنة بالأنواع الأخرى من السيارات الغاليه مع وجود نفس المميزات المملوكه لديهم .....وعندك على سبيل المثال....السياره النوبيرا....كمثل حى وأخت كبرى فى شجرة عائلة الدايو

ومادام اادايو بتدخل فى كل المقارنات اذا هى الافضل

الموضوع: وقفه لاصحاب الدايو

LinkBack

أدوات الموضوع

عرض

-

-

-

-

-

المواضيع المتشابهه

اسف جدا يا رجالة الدايو الحقوني في مشكلتي باعتباري كنت من ملاك الدايو معاكو

الرجاء الدخول لاصحاب الدايو الاسبيروووو !

(شماسة زجاج)نايل موتورز لاصحاب الدايو

سؤال لاصحاب الدايو لانوس 2

لاصحاب الخبره فى الدايو نوبيرا

الكلمات الدلالية لهذا الموضوع

المفضلات

المفضلات

ضوابط المشاركة