سؤال بخصوص النيفيجيتور

**Opel_Rekord** · 27-01-2009 12:47 AM

السلام عليكم ياشباب

كنت عاوز اعرف لو جبت النيفيجيتور الى بيتلزق فى الازاز ده مش بتاع العربيه

وحبيت اشغله فى مصر ياترى هايشتغل مع النايل سات ولا ايه الموقف

ولو الموضوع فيه اشتراك بكام وفين وادفع ازاى وكده يعنى

مع ان فى امريكا هناك الموضوع عادى جدا ركب وشغل علطول

منتظر اجابات

**Goodle** · 02-02-2009 04:30 PM

منتظر معاك الإجابات

**hetlar4u** · 08-02-2009 05:29 AM

وفمصر كمان مالوش اشتراك ..
وهوه ممنوع قانوناً ولازم له ترخيص من امن الدوله علشان تقتني جهاز لتحديد المواقع بالاقمار الصناعيه :)
انا بشغله على موبايلي n95 8GB بيشتغل كويس حسب تغطيه الاقمار
انت بتحتاج 3 اقمار على الاقل علشان تقدر تحدد موقعك ..
ومصر متغطيه باكتر من قمر والخدمه دي مجانيه من الاقمار ..

**ahmedkoko** · 08-02-2009 05:50 AM

هو إنت لو جبته و شغلته هيشتغل لانه بيلقط من القمر الصناعي الاقرب له هي المشكله انك ممكن متلاقيش خرايط لمصر عشان تنزلها عليه.وفوق كده هو ممنوع في مصر مش عارف ليه.أنا عندي واحد هنا في سويسرا و شغال كويس.

**hetlar4u** · 08-02-2009 10:04 AM

بالنسبه للخرائط اللى موجوده عندي هيا خرائط القاهره والاسكندريه ودول اللى بينزلوا من موقع نوكيا .. بس انا بشتغل على صور الستالايت بحدثها اون لاين ..
هتبقى واقفه على الجهاز اللى هتجيبه هل بيقبل التحديث وتنزيل الخرائط ولا لا .

**wildeagle** · 08-02-2009 05:17 PM

ملحوظة للأخوة الأعزاء

جهاز النافيجاتور موجود منه في الخليج موديلات مختلفة وبيشتغل بال GPRS وفيه منه موديلات فيها بلوتوث و الخرائط الموجودة فيه يا اما نازلة معاه زي خرائط السعودية و الخليج أو بتعملها داونلود و الشاشة بتاعتة تقريباً من 5 - 7 انش و في منها موديلات بالتتش سكرين ، سعرها رخيص يبدأ من 999 ريال إلى 2300 ريال و كله على حسب الأوبشنز اللي فيه ، و تلاقي أفضل الموديلات في مكتبة جرير بالرياض ، هي دي كل معلوماتي عنه و في كمان موديلات بيكون ليها اشتراك مع بعض الشركات في أوروبا لتحميل الأبديت و الخرائط ، و الله أعلم
و الخرائط يا اما ثنائية الأبعاد في الموديلات الرخيصة أو 3D مع أسماء الشوارع و الأتجاهات ، و على فكرة بعض موديلات الموبايلات بتؤدي نفس الخدمة منها Nokia E 71 , , و ال N96 .... و غيره كتير
ارجو المعذرة لو في أي معلومة خاطئة ، و أرجو تعديلها :-)
تحياتي