الموضوع: استفسار من عضو جديد الي كل المتخصصين في المنتدي

هو 44 الف و الحاله اللي بتقول عليها دي يبقي تمام اوي بس يا ريت تنزل معاه الف و لا اتنين و بلاش تصرف كتير يعني يدوب الفين جنيه طقم جنوط و كاسيت و خلاص
و بقولك حاجه حلوه استخير ربنا و اعمل استخاره و ان شاء الله ربنا حيوضحلك لو خير حتخلص فيها ولو شر حتلاقي نفسك بتكرهها

شكر خاص الي كل من ساهم وردعلي موضوعي وانا الحمد لله وصلت لقرار الزيرو والحمد لله بس الفلوس الي حد ما مقصره شويه فقررت بردو اني اجيب حاجه تقسيط فما دام كده بقا يبقي انا هدفع مقدم محترم وبراحتي فيا جماعه مسلعده اخير اجيب ايه زيرو مادام تقسيط والتساهيل علي الله ( فيرنا ولا ماتركس ولا النترا ) وايهما هايبقي اسهل في التقسيط
وشكرا يا كل عضو محترم عدي علي موضوعي ورد عليا وحاول يساعدني

الاسهل فى القسط الفيرنا ثم الماتريكس ثم الانترا اما الاحسن طبعا الانترا ثم الماتريكس ثم الفيرنا

لو الالنترا مش حتزنقك في الاقساط يبقي الالنترا او فيه احتيار تاني طالما دخلنا في شريحه عاليه و هو الكورولا

طبعا يا بسام الترتيب ده معروف ومنطقي بالتأكيد لأن كل واحده من التلاته فئه سعريه مختلفه عن اختها ومدام تقسيط بتقسيط
يبقي الالنترا ان شاء الله واظن يا حازم ان مواتير هيونداي اصبح منافسه لتيوتا وده طبعا مش تحيز لهيونداي لأن فعلا هيونداي رعب بيكبر كل يوم وكمان قطع الغيار اكيد ارخص من تويوتا بس من ناحية الوكيل والصيانه زفت زفت اللهم الا (كارتك )
أما تويوتا فقطع غيار حراقه وتوكيل محترم والسؤال هنا عاوز اعرف معرض يكون سمعته محترمه ونظام التقسيط مريح
وشكرا