144 قائد سيارة يواجهون
المحاكمة لسيرهم عكس الاتجاه بالقاهرة
ألقت مباحث القاهرة القبض علي144 قائد سيارة لسيرهم عكس الاتجاه, وقد أحيلوا جميعا إلي النيابة التي أمرت بحبسهم أربعة أيام وإحالتهم إلي محاكمة عاجلة.
وكشف مصدر مروري مسئول عن أن هذه المخالفات تركزت في مناطق عين الصيرة, ومدينة نصر, والدراسة, وذلك خلال حملة شنت علي مدي ثلاثة أيام بالقاهرة خلال الأسبوع الحالي.
جريدة الاهرام
الثلاثاء 27 يناير 2009
يا ترى فيهم ظباط وعساكر
اللى مقضينها عكس بالنهار والليل ولا ايييييييييييييييييييييييي يييييييييييه
و المفاجئة
ممدوح أسماعيل ياخد براءة
ههههههههههههههههههههههههه هههه
:B4_556::B4_556::B4_556::ma::ma:
يلا في داهية
اللي بيمشي عكس ده زيه زي اللي بيروع امنين لانك كتير جدا بتفاجئ بيه ومش بتعرف تعمل حاجة غير انك تضرب فرامل واللي وراك يلبس فيك وانت تبقي ساندوتش
والله هو الى بيمشى عكس الإتجاه ده انسان يستاهل فعلاً لأنه بيعرض حياته وحياة الأخرين للخطر بس برضه مش لدرجة السجن :khd:
طبعا مش لدرجه السجن ده تهريج اما واحد يتسجن عشان مشى عكس وفيه بعض اماكن بتبقى رايقه وجانبيه شويه ممكن تمشى حته عكسى بدل متلف لفه كبيره وبتبقى مطمن ومش بتضر حد بس احيانا بقى تلاقى لجنه فى حته زى دى عشان عارفين ان كل الناس بتاخدها عكسى فبتبقى لقمة عيش حلوه يعنى ليهم
السائق الذى يسير عكس الطريق يستاهل السجن وأكثر .وشعبنا لا ينفع معه الا العقاب الشديد لأن الفوضى والأهمال مترسخة فيه
فكم من أطفال وكبار قتلوا تحت عجلات سيارة سائق فوضوى يسير عكس الطريق.
لطالما كانت سياسة الكرباج الأنسب على الإطلاق مع الكثير والكثييييير من أفراد شعبنا الغوغوهمجيين.
ولكن لايصح أبدا أن يعامل من خالف قاعدة مرورية كمن هتك عرض مثلا !!!
يعنى أيه يتحبس 4 أيام على ذمة التحقيق!!
يعنى أيه ينزل الحجز مع معتادى و مدمنى الجريمة !!
طالما حكومتنا الرشيدة وصل بها العدل فى تطبيق القوانين إلى هكذا حد.
أصبح لزاما عليها إقامة مراكز شرطة جديدة تتولى المخالفات المرورية وقضاياها.
وتنفيذ الأحكام يكون بداخلها.
أو حتى أقساما داخلية فرعية داخل أقسام الشرطة
ياجماعة اهدوا شوية الموضوع ده ممكن يحصل معانا
انا اعرف واحد كان داخل عباس العقاد لقاه زحمة فقرر انه يكمل ويدخل من مكرم عبيد اتمسك ماشى فى اتجاه عكس السير
طب ده واحد قرر يدخل شارع لقاه متنيل على عينه مقفول وغير رايه
وعندك حاجة كمان لو فاتتك دخلة طريق كونت بترجع الحته ده بظهرك بقت عكس تجاه هى كمان :k26:
مهما لو كلفوا خاطرهم وعاملوا علمات ارشادية صح الناس مش هتتلخبط :B4_556:
و الله امباح عربية كيا اسبكترا واخدة نمر حكومة
واخدة يو ترن اقدام باب كلية آداب جامعة القاهرة عكس
و الامين و لا قاله عيب كدة
للأسف مالحقتش اصورها
الكلام ده كان الساعة 7 باليل و الي بيعدي من هناك يعرف الطريق ده عامل ازاي الساعة 7 باليل
مش مهم يتحبسوا طالما القانون اقر ذلك
بس كل الي يعمل كدة يتحبس اي كان مين
بس للأسف ده مش في مصر
ياشباب
لا أقصد أن المخالفين للسير فقط منا هم الذين يجب أن يعاملوا بشدة ولكن كل خارج عن القانون من الكبير الى الصغير من الانسان البسيط الى التاجر المحتكر الذى ليس له هم الا جمع المليارات ولايملك حس وطنى تجاه أبناء بلده الى الموظف المهمل الى جميع اللصـــــــــــــــــــــ ـوص
وعلى الجانب الأخر المواطن الشريف المنضبط من حقه أن يعامل معاملة جيدة فهل هذا مطلب غير شرعى.
على فكره يا جماعه العقوبه دي مبالغ فيها
بس للاسف البلد محتاجه كدا لحد ما الحال يتعدل
بجد بجد الموضوع بقى فوضى ف الشوارع خالص
حضرتك مش مصرى ولا ايه؟اقتباس:
المشاركة الأصلية كتبت بواسطة adelgeb
الكلام ده مش عندنا
صح الكلام اللي حضرتك قولته على اللي بيمشي عكساقتباس:
المشاركة الأصلية كتبت بواسطة karim_monir
لكن المشكله يااستاذ كريم هي العقوبه المغلظه والغير منطقيه وهي الحبس ...لان ممكن الواحد يخطئ مره في شارع فرعي مالوش لازمه فهل يكون الجزاء الحبس مع المجرمين...ده فيه ناس بتسرق وتاخد 6 شهور حبس...وبعدين الشرطه بتبقى عامله كمين في الشوارع ومابيبقوش ظاهرين وبيبقوا مستخبيين ورا الشجر وبيطلعوا من تحت الارض..يعني مستنيينا على الغلطه ...وفيها ايه لو جعلوا العقوبه سحب الرخصه 3 سنين بدل من السجن اهي برده هتبقى رادعه
انا مع العقوبات اللطيفة دية و فوقها الضرب بالجزمة بصراحة لكن خلونا بقي نقول الصراحة يعني
في ميدان في الدنيا تلفة تاخد مخالفة؟؟؟
دة بيحصل في ميادين وسط البلد زي طلعت حرب و مصطفي كامل و متفهمش هو اسمة ميدان لية
في شارع في الدنيا نصة رايح و نص جاي؟؟
شارع محمد علي بين العتبة و باب الخلق نصة الأول رايح و نصة التاني جاي.
في شارع في الدنيا حارتين و يبقي الحارتين إتجاة واحد؟؟؟
شارع القصر العيني كرم الله ذكراة
في ملف في الدنيا يتعمل علي بعد 3 كيلو في وسط البلد؟
أيوة فية علشان تروح من عند نادي القاهرة لسينما التحرير لازم تروح تلف من ميدان التحرير عند الجامعة الأمريكية علشان كل دة مفيش ملف.
هل ممكن تتاخد عكس اتجاة و أنت مش عارف؟
ايون لأن كل شوارع البلد الأتجاة الواحد مش مكتوب علي مجارجها ممنوع الدخول.
و سلملي علي المرور و إشارة المرور بتقولنا إنتباه
هي فين الأشارة أساسا؟؟؟؟؟؟؟؟؟؟؟
مشكلة النت أن مفيش فية إمكانية إضافة أصوات زعيق و حاجات أخري كان الواحد سحبها لوزارة الداخلية
عندي سؤال سماوي أخر حاجة
يا تري كام واحد منهم راكب ميرسيدس و بي إم و شيروكي ؟؟
أتحدي أن المتهمين يكونوا حاجة غير ميكروباص و توكتوك و بالكتير 27 و 28 و ممكن تاكسي بيجو بالكتير قوووووووووي
بالمناسبة ..اقتباس:
المشاركة الأصلية كتبت بواسطة abzoabzo
فى نزلة اكتوبر الجديدة اللى عملوها عند وزارة المالية اللى بتنزل قبل الشارع بتاع المعرض
النزلة دى للاسف اسوا نزلة على الاطلاق شفتها فى حياتى ...
بمجرد ما تنزل منها تبص تلاقى شارع المعرض فاتك وتضطر انك ترجع بضهرك مسافة صغيرة ..
انا لما بقف هناك بقعد اضحك على المنظر ده ..
تلاقى كله نازل طاير من الكوبرى وهووووووبا تسمع صوت الفرامل ويجيب ورا على طول واللى بيلحق نفسه ويدخل الشارع ده بيدخله على الواسع اوى لدرجة انه ممكن يلبس فى الرصيف ..
مش عارف ليه الغباء ده ..ما كانوا عملوها بعيدة شوية علشان الناس تلحق تاخد بالها يعنى !!!