الموضوع: احدث صور لبروتون Mpv

المشاركة الأصلية كتبت بواسطة Ayman_52

بسم الله ماشاء الله ...عربيه جميله جدا..وحاسس ان بروتون ماشاء الله طول الوقت بتتقدم الحمد لله.وان شاء الله لما تنزل تكتسح السوق.

الف شكر يا استاذ/مهاب

ده فعلا حقيقى بروتون بتتطور عن كل سنه " و ان كان للاسف لسه عندهم بعض المشاكل " بس هما على الطريق السليم " بنسبه 80 % " لسه ناقص انهم يطورو من مراقبه الجوده شويتين و يفتحو اسواق جديده ليهم " علاشان يوصلو للانتاج الاقتصادى " .

المشاركة الأصلية كتبت بواسطة M.Nabil

دايما عندك الجديد استاذ مهاب.
تسلم ايدك, شكلها جامدة, وكمان فيها car kit بس يا تري لما تنزل مصر هيشيولها ولا هيسيبوها.

ربنا يخليك يا استاذ نبيل .
متهيالى "" اذا "" و تحت اذا خط احمر نزلت مصر حتكون بنفس الاوبشن الى فيها . الكماليات اسهل حاجه عند بروتون و مش بيبخلو بيها , و اكبر مثال الجين2 و الواجا .

المشاركة الأصلية كتبت بواسطة fahd_628

الف شكر يا مهاب باشا

شكلها حلو و من الداخل حلوة بس عصاية الفتيس راحت فين :) ؟

العفو يا فهد باشا
العصايه تقريبا واحد معاه بروتون و عصايه الفتيس عنده قشرت فطمع فيها .
ماتنساش ان العربيه لسه فى مرحله التجربه ف طبيعى ان تلاقى حاجات زى كده مش موجوده .

المشاركة الأصلية كتبت بواسطة hamedo0

صور جميله بس دى كام راكب

العربيه 7 راكب

المشاركة الأصلية كتبت بواسطة CryptonX

ظريفة جدا بس حاسسها BLAND شوية ..

معرفش بحس سيارات بروتون عامة ذات شكل رياضي جميل و لكنها " BLAND " تنقصها بعض الكرفات و السوك المحددة شوية :)

الف شكر علي الصور .

مازالت السيارة بروتون المفضلة ليه هي الساتريا نيو و الساتريا نيو S2000 :) وال R3


انا راضي بالنيو العادية !
اللي التوكيل قافش علينا و مش عايز ينزلها مع انها لو نزلت حتاكل قطعة كبيرة من سوق اواخر ال 60 و 70 الف جنيه .

الساتريا نيو بجد عربيه مميزه جدا جدا , حقيقى انا مش عارف ليه عز مش بيجيبها ؟ انا كنت شوفت فيديو على اليوتيوب واحد بيجربها فى تراك صغير . العربيه ثابته بشكل غير طبيعى . نسبه ميلان جسم العربيه قليله جدا جدا

ربنا يهديهم فى التوكيل و نشوف العربيات ديه فى مصر .

المشاركة الأصلية كتبت بواسطة husseinodeba

انشا الله العربيه دى يكون وشها حلو وتخللى التوكيل يبحبحها معنا شويه

على الله . بس لما نشوف حتنزل مصر ولا لا .
و لو نزلت حيكون تمنها كام

المشاركة الأصلية كتبت بواسطة momenhamdy

الف شكر يا مهاب باشا
عربية بجد جميلة .....

العفو يا باشا
العربيه فعلا شكلها حلو و تصميمها بسيط و عمليه .

ahmedsiyamنازلة هى و الساجا قريب باذن الله

ياريت . خصوصا الساجا لانها فى فئه الفيرنا و الافيو و الانوس , لو نزلت و بسعر كويس و كماليات بروتون المعهوده حتعمل مبيعات بجد خرافيه .
و الMPv لو نزلت بسعر كويس حتنهى احتكار الماتركس للفئه ديه خصوصا ان فيها مقعدين زياده .

المشاركة الأصلية كتبت بواسطة gagareen

ايه اخبار السعر؟
بروتون حتبقى منافس قوى فى مختلف انواع السيارات فى القتره القادمه واسمهما بيكبر يوم عن يوم

الف شكر يا مهاب مجهودك واضح ومش محتاج كلام

ده لينك الفيديو ل mpv على اليو تيوب
http://www.youtube.com/watch?v=EiH-L9E9Eyk

تحياتى

لسه مافيش اخبار عن السعر . ده حيتحدد على سعه الموتور و الاوبشن الى فيها .

بروتون بال Mpv دخلت فى شريحه جديده عليها و بتحاول انها تكمل رينج الموديلات الخاص بيها علاشان توصل لكل رغبات المستهلكين
مع اخر 2010 حيتم تبديل الواجا بموديل جديد كليا و حيكون مبنى على موديل لانسر اى اكس الحالى " لانسر الشكل الجديد " .
و حيتم تغير موديل بردانا v6 بموديل جديد .

المهم اننا نشوف الموديلات ديه فى مصر لان بروتون عندها عربيات تانيه ممتازه غير الجين و الواجا و مابتنزلش مصر لاسباب مش معروفه

تحياتى ليك يا باشا .

المشاركة الأصلية كتبت بواسطة meramor81

مهاب مشكور كتير على الصور والخبر الرائع ده بس ياترى هاتنزل بكام وممكن الحجز عليها من دلوقتى انا طبعاا مش هاحجز بس بس
ال لان لو فى حجز يبقى العربيه مؤكد نازله

لسه للاسف مافيش حجز لان العربيه نفسها لسه مانزلتش فى ماليزيا .و المفروض انها حتنزل شهر 4 فى ماليزيا .