شوف يا سيدي الفاضل..
العربية دي لا تقارن بالميجان.. و الكلام علي الاسترا اصلا.. ليه.. خلينا نفكر بالراحة كده و بصوت عالي..
الميجان فرنساوي و تقفيل تركي..كويس..؟؟ يعني هي الديزاين بتاعها فرنساوي.. بس متقفلة في تركيا..و دي حاجة كويسة.. لكن الاسترا دي و الكورسا السيدان برضه.. مش متصممة في المانيا اصلا.. دي عربية جي ام صنعتها ف البرازيل.. و نزلتها هناك تحت اسم شيفروليه.. و هنا في مصر.. نزلتها باسم اوبل.. عشان كان ليه وجود و اقوي من شيفروليه هنا.. العربية وارد انه يكون فيها عيوب.. بس مش بكترة العيوب اللي اتقالت دي..
و هارد علي اللي اعرفه منها
استهلاك البنزين بيعتمد علي طريقة السواقة.. و كده ممكن جدا ان حماك تكون رجله تقيلة قوي علي العربية.. و كمان الموتور ايكوتك.. يعني كبيرها ف الاستهلاك.. 200 ف الصفيحة جوة البلد.. و ده يعتبر كويس.. و ده اقل استهلاك.. يعني ممكن تعمل اكتر من كده..
غير كده.. العفشة ناشفة.. وده طبيعي ف الاوبل كله.ز مش الاسترا بس.. بس علي حساب ايه..؟؟ الثبات..
التكييف بتاع الاوبل كله مش قوي جدا.. كل مشكلته انه بيحتاج شوية وقت لحد ما يبرد كويس بس.. مش سريع زي الياباني و الكوري.. و الفرنساوي برضه مش جامد زي الياباني و الكوري.. بس افضل من الاوبل.. (القديم علي الاقل..)
قطع الغيار مش مبالغ فيها للدرجة يعني.. مش غالية قوي..
التكييف.. التوكيل المفروض يصلحوه.. عشان انت بتقول العربية ف الضمان.. يعني تتصلح هناك.. يا اما سعاتك في حد لعب ف العربية برة التوكيل.. و حد ف الاغلب مش بيفهم في اوبل.. و عشان كده قول علي العربية دي السلام.. مش هتتظبط تاني ابدا.. و علي فكرة مش الاوبل بس اللي كده..
الميجان برضه.. لو حد مش متخصص فيها لعب فيها خربت.. و مش هتتظبط ابدا.. التخصص مطلوب..
المهم يعني.. في حاجة كمان مش عايز انساها..
ان العربيتين في فرق سعر كبير بينهم ف المستعمل..
يعني الميجان انتوا بتقولوا في حدود 85 الف.. و الاسترا دي كبيرها قوي حاليا 70 الف جنيه.. يعني فرق 15 الف جنيه.. و ده مش قليل..
و يا ريت اللي عايز يقارن ميجان يقارنها بنفس الفئة.. اللي هي الفيكترا..مش الاسترا طبعا.. (انا عارف ان المقارنة هنا بغرض الشرا مش مقارنة مطلقة..)