صوت تخبيط

**wkisho2005** · 27-01-2009 04:49 AM

صباح الفل عليكوا
انا عندي الاسكاترا بتاع الدركسيون بايظة وبتعمل صوت تخبيط مع النقر او لو ماشي في حتة مش متسفلة لكن دلوقتي بئي صوت التخبيط كمان ممكن يحصل حتي وانا ماشي في شارع نضيف بالذات لو ماشي براحة اوي
هل صوت التخبيط الجديد دا من الاسكاترا برو وكدا جابت اخرها؟؟؟ولا في حاجة تانية كمان باظت وهي اللي بتعمل الصوت دا ؟؟؟

**aYaBooY** · 27-01-2009 01:37 PM

انتا مين قالك انه من الاسكترا اصلا هل هيا فيها بوش ولا لاء
لو مفيش بوش يبقي المشكلة في بيض الدركسيون داخلي و خارجي و ليس الاسكترا خصوصا ان الاسكترا بتاعت الفورد معمرة جدا و التخبيط ده كمان ممكن يكون من جلب المقصات لو منتهية او مش متربطة و لو دراعين الاستبليزر مش كويسين ده يعمل معاك كدة

**Adham** · 27-01-2009 02:02 PM

اكشف عالبيض و بارات الدركسيون و الجلب الأول
و بعدين علبة الدركسيون

عندك عفشجي كويس؟؟

**aYaBooY** · 27-01-2009 04:00 PM

المشاركة الأصلية كتبت بواسطة Adham

اكشف عالبيض و بارات الدركسيون و الجلب الأول
و بعدين علبة الدركسيون

عندك عفشجي كويس؟؟

منصحكش بعفشجي كويس روح لحد متخصص فورد

**uhlphp** · 27-01-2009 05:55 PM

ارجو توضيح ما معنى وجود بوش فى علبة الدريكسيون وكيف اعرف ان العلبة بها بوش لانى من فترة يوجد عندى خبط فى المطبات فى الشوارع المكسرة فقط ومش عارف سببه اية .

**aYaBooY** · 28-01-2009 09:53 AM

المشاركة الأصلية كتبت بواسطة uhlphp

ارجو توضيح ما معنى وجود بوش فى علبة الدريكسيون وكيف اعرف ان العلبة بها بوش لانى من فترة يوجد عندى خبط فى المطبات فى الشوارع المكسرة فقط ومش عارف سببه اية .

بوش يعني الدركسيون يتحرك بدون تاثير على العجل يعني تلف الدركسيون و بعد ربع لفة مثلا يبدا العجل يتاثر

**Rembrandt** · 28-01-2009 02:54 PM

المشاركة الأصلية كتبت بواسطة Adham

اكشف عالبيض و بارات الدركسيون و الجلب الأول
و بعدين علبة الدركسيون

عندك عفشجي كويس؟؟

yes thats right

**wkisho2005** · 29-01-2009 03:10 AM

ماهو العفشجي قالي من زمان ان الاسكاترا عايزة تتغير وهي اللي بتخبط في النقر والكلام دا ومن فترة قريبة روحت لعفشجي تاني قالي نفس الكلام بردو وبالنسبة لجلب المقصات انا مغيرها من حوالي 6 او 7 شهور فمعتقدش انها لحقت تبوز يعني

وبالنسبة لان قطع الغيار معمرة فهي كتر خيرها بردو الاسكاترا دي بتاع الفابريكة من ساعة ما العربية كانت معايا علي الزيرو يعني داخلة في 10 سنين اهو

انا بس عايز اطمن انها علي اد الاسكاترا وخلاص مفيش حاجة تانية

والف شكر علي ردودكم ياجماعة