ماهى اعراض تلف البطاحات؟
سؤال اخر لية العربية الصبح بتدوربس بعد دقيقة تبطل ولما اجى ادورها تانى ساعات متدورش الابعد الضغط خفيف على دواسة البنزين وساعات تدور وبيكون فيها رعشة جامدة جدا؟
على فكرة فلتر البنزين لسة جديد
عرض للطباعة
ماهى اعراض تلف البطاحات؟
سؤال اخر لية العربية الصبح بتدوربس بعد دقيقة تبطل ولما اجى ادورها تانى ساعات متدورش الابعد الضغط خفيف على دواسة البنزين وساعات تدور وبيكون فيها رعشة جامدة جدا؟
على فكرة فلتر البنزين لسة جديد
اعراض تلف البطاحة : معرفش
السؤال التاني ممكن تكون البوجيهات خلصانة او لو جديدة تبقي من نوع رديء و محتاجة يتظبط مقاس الشعلة و مع البوجيهات روح لميكانيكي كويس ينضفلك الانجكشن و الحساسات بتاعته انا معايا فيستا كل فترة بتحتاج الموضوع ده برضه
على حسب علمى ان البطاحات قبل ما تتلف بيكون فى تآكل فى الدوران الكاوتش اللى جواها او تشققاتها وبرضه اكشف عليها من فترة لفترة انت متعرفش اضرارها وبعدين مش غاليين
اما الحوار التانى : زى ما ereny قال احتمال كبير البوجيهات وشوفلك نوع بوجيهات كويس مثلا بوش 3 شمعة مش غالى ب 50 جنيه بس وكويس جدا
وابقا طمنا
السؤال الاول اعتقد بتحس بترزيع فى المطبات
السؤال الثانى اعتقد طرمبة بزين
عشان لو كهربا اعتقد الموضوع ده هيفضل ملاحظ حتى بعد تدوير العربيه لفتره
لكن مادام فى الدواره الصبح بس وبعد كده بتظبط يبقى الطرمبه بدأت تتعب
كل كلامى احتمالات وطبعا مش اكيد
موضوع البطاحات....بتخلى العربيه تخبط منك وتحس انها ملخلخه.....وكمان ممكن ترقص وتعوم منك.....بالنسبه للموضوع التانى ياريت تذودنا ببيانات عن نوع المحرك...كاربورتير ولا هاف انجكشن .....وليه مغيرتش فلتر الهواء بالمره وكشفت على البوجيهات...وبرضه قلنا على أخر صيانه والكيلومترات المقطوعه
العربية ابيزا 98 انجكشن 1000 cc انا مغير فلتر الهوا والبوجيهات من قريب جدا
من اعراض تلف البطاحات وجود صوت كده زي دبدبة وانت بتلف الديريكسيون ناحية البطاحة التالفة (حتي لو العربية واقفة ) ......
اعراض البطاحات : وانت بتلف الدركسيون هتسمع صوت طقطقة في الجانب اللي البطاحة فيه قربت تتلف ولو عايز اسلوب اضمن ممكن ترفع السيارة وتمسك العجلة وتزوقها لبره ولجوه لو كانت بتتحرك معاك لبره ولجوه يبقى البطاحة تلفت ووغير كل ده هتلاقي ان الدركسيون معاك بيميل وبيحدف ناحية البطاحة اللي بايظة ونصيحة لما تيجي تغير البطاحة غير الاتنين مع بعض سعرهم مش غالي وبعدها اظبط زوايا
اما العيب الثاني : فعما اعتقد هي مشكلة بنزين , اكشف على جميع ملحقات البنزين