يا شباب موضوع شنطة الاسعافات هيرجع من تانى والقانون هيطبق من اول فبراير القادم يعنى بعد ايام
عايزين نعرف نشترى منين وبكام الشنطة المعتمدة
اعتقد ده موضوع مهم
عرض للطباعة
يا شباب موضوع شنطة الاسعافات هيرجع من تانى والقانون هيطبق من اول فبراير القادم يعنى بعد ايام
عايزين نعرف نشترى منين وبكام الشنطة المعتمدة
اعتقد ده موضوع مهم
بيقولوا من وحدات التراخيص
جريدة الاهرام 27/1/2009
أكد اللواء محمد منصور مساعد وزير الداخلية ومدير الإدارة العامة للمرور أن المهلة الأخيرة التي قررها السيد حبيب العادلي وزير الداخلية لتنفيذ حقيبة الإسعافات والمثلث العاكس داخل كل سيارة طبقا لقانون المرور الجديد سوف تنتهي يوم2 فبراير المقبل.
وأوضح أنه تم الاتفاق علي بيع حقيبة الإسعافات والمثلث العاكس داخل وحدات تراخيص المرور.
____________________________________
و تم السؤال فى جميع وحدات مرور القاهرة و بورسعيد على حقيبة الاسعاف و المثلث . و بالطبع تمت الاجابة بالنفى و انها لسه ماوصلتش و محدش عارف هاتوصل امتى .
و بالسؤال مرة اخرى حقيبة الاسعاف مع فحص و ترخيص و تجديد الرخص .( و السؤال برضه هانجيب شنطة الاسعاف منين ؟؟)
___________________________________
بالرغم من اعتراض جميع افراد الشعب المصرى و جميع البرامج التلفزيونية على شنطة الاسعاف الا انه لا حياة لمن ينادى . و ان ادارة المرور تزيد الترخيص 40 جنيه و يشتروا سيارات اسعاف مع وجود مسعفين مدربين سيكون افضل مليون مرة من حقيبة الاسعاف المتخلفة التى سوف تفسد فى السيارات من الحرارة صيفا و من البرودة شتاءا . و لكن .....
انت اكيد فى مصر .
يا رب ارحمنا ..
صدقت يامان
يبقى انت اكيد فى مصر
لرحمنا يا ارحم الراحمين:ask:
افادكم الله
حسبى الله ونعم الوكيل فى القوانين العجيبه هو لا قدر الله اللى بيحصله حادثه (بعد الشر علينا كلنا وربنا يسترها معانا ) هيدور على الشنطه ويفتحها ويعالج نفسه ويدعوا للى عمل القانون:fdsa::fdsa::fdsa:واللى جاب القانون (تخااريييييييف:B4_556:)
الحكومه دماغه جااازمه ولا هتسال فى حد ولا هتنزل شنط ولا اى حاجه والناس هتنزل جرى تشترى وبعد شهر هيقولو هنمدها شهر كمان عشان الشنط دى مش مطابقه للمواصفات ال يعنى الحاجات اللى جواها هتقعد اكتر من 3 تيام فى الحر بتاع الصيف عندنا ازا كان احنا بنفرهد فى الحر دا الشنط و الحاجات اللى جواها الطبيه دى هتستحمل يومين حتى فى شنطه العربيه اللى بتبقى جهنم ؟؟؟
يبقي انت اكيد في مصر
مرحبا بعصر جديد من وفيات مصابين الحوادث علي يد متحمسي استعمال شنطه الاذيات الاوليه
السؤال الظريف جداً كالتالي:
أنا عربيتي فولكس نازلة بشنطة إسعافات أولية مفروض انها بتجدد كل 3 سنوات ودا حقيقي وبشتريها من ألمانيا.
يا ترى الحكومة حترفض المواصفات الألماني لشنطة الإسعافات الأولية باعتبار أن ألمانيا دولة من دول العالم الأول؟
تم تأجيل العمل بمواد الشنطة و المثلث لمدة 3 شهور اخرى اعتبارا من 2 فبراير 2009 حسب جريدة الاهرام اليوم
وعقبال الغائهما
يعنى نجيب الشنطة ولا لا
ياباشا الشنطة لسة منزلتش اصلا
الموضوع اتاجل تاني لمدة تلت شهور من اول فبراير
على فكرة انا نزلت التوفيقية انهاردة
ولاقيت مثلثات بالعبيط
وفى شنط ضرب هناك ب 40 جنيه قال
شنطة عاملة زى المقلمة بتاع ابتدائى دى
lol
حسبى الله ونعم الوكيل
علي فكره اتمدت المهله 3 شهور
merceeeeeeeee
خليهم يقعدو يفكرو في الجبايات الجديده
اكل و انت سايق=غرامه
شرب و انت سايق=غرامه
سجاير و انت سايق=غرامه
تحدث في المحمول=غرامه(هل التحدث في سماعه غرامه برضو؟؟)
انما
عيون قط مربعه من اللي بيتحدد بيها الحارات تتعمل مطبات و الادهي انها بتبقي بكثافه عاليه في اماكن سريعه و طبعا غير انها بتحل كافه المربوط في عربيتك بتبهدل الكاوتش التيوبلس و نسمع بعدها عن حوادث انفجار كاوتش عربيات كتير=مش مشكله
حفره في الطريق تتسبب في كوارث=مش مشكله
شوارع طالعه نازله و فيها حفر استغفر الله العظيم(مدخل الطريق الدائري من نادي مدينه نصر و كافه الشوارع المصريه و مؤخرا كوبري اكتوبر و كوبري اللي عند جامعه عين شمس)=مش مشكله
مطب تلاقيه قدامك يكسرك انت و عربيتك=مش مشكله
عربيات بتطلع هباب اسود من قلب كافر=مش مشكله
نقل علي الطرق السريعه علي اليمين و بسرعه 100 كيلو و اكتر و بيقلبك نور و كلاكسات علشان توسعله=مش مشكله
عربيات مفيش فيها انوار او فوانيس=مش مشكله
بلطجيه في الشارع و بيعملو سرقه بالاكراه(سياس الشوارع)=مش مشكله
عربيه واحد راكن عليك صف تاني يكلبشوها و تتحرق انت بقي=مش مشكله
لجن تتعمل في اماكن حيويه و تعطل الدنيا كلها(زي طريق السويس و انت راجع من الرحاب=مش مشكله
ميكروباصات و اوتوبيسات تيجي من اقصي اليمين لاقصي اليسار علشان تلف براحتها قبل الناس كلها و تعطل الشارع كله بطوله(و ليكن مصطفي النحاس مثال صارخ)=مش مشكله
يعملو جراجات تحت او فوق الارض في الاماكن ذات الكثافات العاليه=مش مهم
انفاق و كباري=مش مهم
مش فاهم الناس دي ليه متفكرش في حلول للازمه المروريه و تبقي جاده و واقعيه و يبقو يزودو خانه في الترخيص يسموها بدل جبايه
تم المد لمدة ثلاثة شهور أخرى
أحمدك يا رب
اللهم كملهم بعقلهم أو خذهم يا رب اللي في بالي