متى يمكنك البدء في سمكرة ورش العربية

**amrzedan** · 27-01-2009 11:24 AM

عايزاعرف امتي الواحد يبتدي يعمل سمكرة ودوكو للعربيه يعني انا مثلا كل يوم والتاني يحصل حاجة للعربية واقول خليها دلوقت ومعملهاش حاجة واسيبها واقول خليها دلوقت لحد لاقدر الله لو حصل حاجة اكبر ابقي اعملها معاها واخرها مثلا النهاردة الصبح اتخبطت بالراحه في عربية نص نقل لكن الخبطة جرحتلي الاكصدام من ادام وجرحتلي الشبكة الفضى اللي في غطا الكبوت وعملت ( نقرة ) صغير في صاج الكبوت تحت الشبكة علي طول ونزلت وقعدت احاول بالبوليش اصلاح اللي اقدر عليه بس انا زعلان ومش عارف اعمل ايه لان كل يوم والتاني يحصل حاجة للعربية منها اللي ابقي غلطان فيه ومنها اللي ابقي مش غلطان فيه واضطر اسيب واسيب واسيب لحد مانا حاسس ان العربية هايبقي شكلها مشوه مع العلم ان انا لو وريتكوا صورة العربية تحسوا انها مافيهاش غلطة لكن انا لما باشوفها وعارف الخبطات والتجريحات فين بابقي متضايق
ونسيت اقولكم كمان ان العربية الاسبوع اللي فات روحت الجراج لقيت فيه كلاب مبهدله لي السقف من طلوعها عليه وبقي فيه تمويجات مش باينه أوي بس انا عارفها وشايفها
معلهش طولت عليكم بس فعلا انا متضايق ومتنرفز ومش عارف اعمل ايه وخصوصا ان العربيه بتاعتي موديل 2002 وبالبويه الفابريكة بتاعتها

**Dr_Mido** · 27-01-2009 11:28 AM

علشان جديدة هتاخد بالك من اى خبطه صغيرة شويه ومش هتاخد فى بالك
متقلقش

**Samir Elshahawy** · 27-01-2009 11:37 AM

أستاذ / عمرو

صباح الخير .....

كل اللي قولته ده عادي جدا في بلدنا و طبيعي أنك تلاقي 90% من العربيات اللي ماشية مجرحة و منقرة و مخبطة شوف العربيات التانية و قارنها بعربيتك و أنت تحس بالفرق

عارف أن الكلام اللي بقوله ده يمكن مايجيش علي هواك لأن أنا نفسي مابحبش أي حاجة صغيرة في عربيتي تشوه منظرها و لكن لو هاترش العربية و توديها لسمكري علشان الحاجات دي يبقي من الافضل تعمل عنده أشتراك شهري و تبقي عملية الرش و السمكرة من أساسيات الصيانة الدورية زيها زي تغيير الزيت و الفلاتر لان ده للأسف واقع السيارات المرير في مصر

خليها و لو لاقدر الله فيه خبطة جامدة أبقي صلحها و روشها كلها مرة واحدة زي ما أنا عملت

و ربنا يبعد عنك كل شر و أذي أصحاب الفن المسماري

**MMamdouh** · 27-01-2009 12:15 PM

welcome to Egypt

سيبها لحد ما تزهق بجد من شكل العربية لان لو حتصلح كل خبطة فى العربية يبقى تبيعها للسمكرى و بتاع الدوكو اسهل

MMamdouh

**waleedrahmy** · 27-01-2009 05:31 PM

لكن انا لما باشوفها وعارف الخبطات والتجريحات فين بابقي متضايق

أخيرا لقيت واحد قريني بالضبط

**MMamdouh** · 27-01-2009 05:35 PM

كلنا هذا الرجل

MMamdouh

**samirayad** · 27-01-2009 05:58 PM

أنا طبعا مع الرأى القائل....مش علىكل صغيره الواحد يرش المكان اللى مش عاجبه الا لو كان التجريح غائر وجايب الصاج.....أما لو كان التجريح غير غائر ماتعملش حاجه فى العربيه.....غيراستخدام البولش والكمباوند.....لأن عملية الرش فى حد ذاتها لها مردود مش كويس فى حالة الرغبه فى بيع السياره

**NaderNabil** · 27-01-2009 08:55 PM

الحمد لله جالي مناعة من الموضوع ده :)

العربية مليانة نقر في كل حتة...ال 4 رفارف و الأربع أبواب :)
ده غير ان لونها مبقاش اسود من كتر ما بهت و بقي مطفي :(

بس خلاص قلت مش طالباها أوديها تترش و ترجع تتخبط تاني...هي كده زي الفل...علي الأقل مش هامشي أحسس و أتفزع من خدشة 1 سم :)

-

-

الموضوع: متى يمكنك البدء في سمكرة ورش العربية

LinkBack

أدوات الموضوع

عرض

متى يمكنك البدء في سمكرة ورش العربية - انشر الموضوع فى :

-

-

-

-

-

-

المواضيع المتشابهه

هلت البشائر : البدء فى العثور على السيراتو المسروقة

عربيتى 132 ارجنتا ارجو استشارتكم لعمل سمكرة لأرضية العربية لوجود بارومة

هل سمكرة العربية خارج الصيانة تخرج من الضمان؟

سؤال ما هو تنفيخ رفارف العربية (سمكرة)

الكلمات الدلالية لهذا الموضوع

المفضلات

المفضلات

ضوابط المشاركة