الموضوع: ايه اسباب طقطقة الباب مع المطبات والفرامل

المشاركة الأصلية كتبت بواسطة Akram

انا عديت على فني ضبط أبواب أعرفه و خليته يركب معايا و خليته يسمع الصوت و في الآخر عمل زي ما شريف قال و الصوت فعلاً اتمنه فترة و لكن رجع تاني , في الغالب شريط اللحام عمره قصير و بيحتاج يتغير كل فترة

يا اكرم انا اكتشفن ان عندى مشكله تانية خااااااااالص
من حوالى 20 يوم كنت عند محمد عبده علشان البطاحات كان فيها واحده مقطوعة
المهم انى غيرت بطاحات وكوبيات مساعدين ومساعدين كيه واى بى وطنابير وتيل وبلى عجل امامى وخلفى وحاجات تانية كتير على سبيل الصيانة
الغريبة ان من يومها بقى فيه الصوت ده وانا مش واخد بالى
فكيت الوش زى ما قلت للأعضاء والصوت فى النهاية زى ما ممدوح قال شوية شحم ابيض على القفل بتاع الباب وصوت التزييق البسيط راح لكن الطقه لسه موجوده
بعد شوية تركيز لقيت ان فيه كمان صوت حكه بيظهر قوى مع كل غيار
الاغرب ان بعد التركيب بحوالى اسبوعين قاعدة الموتور اللى تحت اتكسرت الف حتة بشكل غريب
غيرتها ولسه الدنيا مش مظبطه والعربية بقت خشنة قوى وسحبها بقى زى الزفت مع العلم انى غيرت بوجيهات وفلتر بنزين فى الصيانة اللى فاتت برضو وطبعا صوت العربية بقى حكاية
فى حاجة تانية امبارح كان راكب معاية سواق من سواقين شركتى واول لما ركب قال لى ان عفشة العربية مش مظبوطة - ليه يا عم العبقرى - قال لى فيه زنة فى التابلوه على طول وده معناه ان البلى او المساعدين او كاوتشات مش عارف ايه فيها حاجة مش صح - الغريب ان الصوت ده برضو ظهر مع الصيانة اللى عملتها لكن انا قلت فى بالى فى حاجة فى التابلوة عايزة تتربط
ربنا يسهل هارجع لمحمد عبده النهارده او بكره ان شاء الله وهاشوف المشكلة فين بالظبط لأنى فعلا قرفان جدا جدا جدااااااااااااا من العربية
انا متعود لما اصرف عليها احس بنتيجة المره ديه العكس تماما

الف سلامة علي العربية
وان شاء الله تتظبط

راجع تاني علي العفشة من الاول للاخر واتاكد ان كل حاجة راكبة صح ومتمشيش من عنده الا وانت راضي تماما