الموضوع: أدخل وقول رايك ( ياريت كل الأعضاء يشاركوا )

زمان انا كنت بقف بس اليومين دول غالبا مش بقف خصوصا انى سمعت عن عصابات بتقلب الناس وكان منهم امناء شرطة وناس سنها كبير وكل حاجة ودى فعلا حصلت لناس اعرفها شخصيا

يا جماعه انا مش عايز أكون بدعوا لعم المعاونه لأحد فى الظروف ولكن أنا قررت أنى عمرى مساعد حد ولا اقف لحد مهما كان و ده موقف حصل معايا فعلا

مره من زمان (حوالى 8 سنين) كونت راجع من درس فى الكليه من عند واحد صحبى وكان فى خنائه جامده أوى على أول الشارع بتاعه و فجأه لقيت وحده ادام عربيتى مش عارف ظهرت منين بتقولى و النبى ألحق أبنى حيموتوه
طبعا رامبوا وقف مكانه وقالها طب وأنا أعمله إيه يعنى
راحت الست طلبت طلب سهل جددددددددا هو انى اتصل بالبوليس
من ثم رفعت موبايلى الجديد(من 8 سنين الموبيل كان لسه ابتكار) وكلمت الشرطه و حكيت اللى حاصل بالظبت والراجل سألنى على أسمى وعنوانى فأدتهوله علشان يصدقنى ويتسرفوا بسرعه(شهامه بقى من اللى فى الشعب المصرى)
و روحت على كده وخلاص الموضوع خلص
وإذ بيا أفجأ الساعه 4 صباحا بخبط على باب الشقه بتاعينا و2 عساكر جيين بيئواوا ان الظابط عيزنى فى القسم
وطبعا بابا سألهم ليه قالولو ياحج أبنك مطلوب فى بلاغ كاذب ولازم يروح معانا القسم
المهم طبعا والدى كلم كل المعارف عشان يحصلونا وبقت فضيحه فى العيله كلوا جى يوجب معايا فى القسم بقه
أه بسيت أقول أن طبعا ال2 العساكر شردونى فى الشارع وفى العماره كلها للأنى نسيت أقول الدور ورقم الشقه فسألوا عنى فى الشارع والعماره مع تعقيب بكلمة مطلوب فى القسم (حرامى يعنى وأسبت العكس بقى)
و لما روحت القسم قابلت الضابط وقعد أفهم حضرته 3 ساعات أنى لما بلغت قولت خنائه فلما عربيه الدوريه تروح ومتلقيش حاجه(بعد 2:30 من البلاغ وده من تحرياتهم)
يبقى مش زمبى
و بع ما الوسطه بتعتى جت قدرت أروح بشرط أنى معماش كده تانى(قرصة ودن يعنى)
ومن يوميها قررت مليش دعوه مهما كان الموقف اللى قدامى يعنى لو حد ميت قدامى حسيبه و أمشى و أقول ربنا يرحمه (لأن فى القسم قلولى متعملش كده تانى!!!!!!!!) وديه الشرطه فى بلدنا وده فكوهم يبقى ليه أعرض بفسى لأى موقف

وأسف على الأطاله

والله يا أشرف الدنيا حالها أتغير جدا ومبقاتش الواحد قادر يعرف الكويس من الوحِش والأمور أختلطت ببعضها البعض وبقى صعب تاخد موقف صح في الزمن ده

لكن أنا وجهة نظري إن الواحد يعمل إللي عليه إذا شعر بأن الموقف يستاهل أو أن صاح بالموقف فعلا يحتاج المساعده ومايخفش من القانون ولا مِن مَن ينفذ القانون لأن في النهايه طالما أنك كنت تقصد خير فتأكد أن الله لن يضرك بشيء وحتى إن حدث لك ضرر فتأكد أن هذا الضرر قد عوضك الله به في الأخره بما هو احسن وأثقل في ميزان حسناتك

وللحوار بقية