على حسب الوقت طبعا لو الصبح هاقف وطبعا لو عائلة اكيد هاعرض المساعدة اما باليل مش هاقف لحد الا لو كان واقف بجانب عربيتة :roll:
عرض للطباعة
على حسب الوقت طبعا لو الصبح هاقف وطبعا لو عائلة اكيد هاعرض المساعدة اما باليل مش هاقف لحد الا لو كان واقف بجانب عربيتة :roll:
كنت زمان شغال في شركه ادويه و كنت بسهر بره البيت علي الطرق كتير لما كنت بلاقي اي حد مثلا داخل بلد ارياف و انا رايحها و الضهر او بالليل كنت اقف اخده او اطفال صغيره راجعه من المدارس كنت اقف لهم بس لو ماشي علي طريق ما بقفش غير لاي حد كنت ممكن اقف لعسكري او امين شرطه او ضابط بس انا بعرفهم من الشبه كده يعني العسكري بيبقي لبسه متبهدل شويه و باين عليه علامات التعب طول النهار من الوقفه في الشارع و الضابط مثلا تلاقيه واقف عند كمين و العسكري بيحاول يوقف له العربيه كده يعني انما لو في وسط طريق ما كنتش بقف و اللي كان بيقابلني كتير اني لما كنت ببقي راجع من القاهره الاقي العساكر واقفين عند الؤسسه و لما يشوفو نمر غربيه يحاولو يوقفو الواحد
بس الصراحه دلوقتي قلبي بقي بينقبض و ما عدتش بقف لحد غير في اضيق الحدود و كتير ما بقفش بقول مش كل مره توقاعتي تيجي في محلها و ليه المخاطره ف مش بقف الا زي ما عبد الله قال لو لقيت حد واقف عطلان او الكاوتش نايم بس ما يكنش بيشاور لعربيه يوقفها لا يكون بيحاول لوحده انما لو بيشاور برضه فيها شك انه عامل تمثليه
بصوا يا رجالة....بعد واحد صاحبي ضربوه مطواه و سرقوه وسابوه و خدوا العربية كمان.............ماتوقفش لأي صرصار
you live once man!!
فعلا الشرطة فى خدمة الشعباقتباس:
المشاركة الأصلية كتبت بواسطة ashraf_hisham_rcc
MMamdouh
شكرا لحضرتك يا أ- PAYOO وأنا قصدى أنك ممكن تعمل خير وتجازى عليه بالعقاب
يعنى ممكن تقف لواحده بتشاورلك فى مكان زحمه و بالنهار كل شىء أمان وتلم عليك الناس وتتهمك بأى حاجه وأثبت العكس بقى
وسعتها الناس حتقولك كده فى غز الظهر اي أخى حرام عليك(يبقى الظهر والزحمه بقوا مش فى مصلحتك سعيتها)
ومننساش (الشرطه فى خدمة الشعب) ده كان زمان يا أستاذ ممدوح دلوئتى (الشرطه والشعب فى خدمة الوطن)
أ- جنيدى
طبعا بخصوص صحبى الموضوع الحمد لله خلص ولم يتطور للدرجه دى خاصتا انه مكنشى ساكن قريب منى
كمان انا قصدت ان طلب النجده اسهل بكتيييير من طلب توصيله وبالرغم من كده وقعت فى مشكله وفى كلا الحالتين كان السبب انك تقف لمساعدة واحد يشاور فى الطريق
انا بقف في الحالات التالية فورا ( لو واحد معاه اطفال او زوجتة ) ( لو عسكري شرطة او جيش او امين شرطة بملابس الخدمة ) ( راجل كبير في السن ) (شخص يبدوا عليه التعب والاعياء )
هفكر لو ( راجل او شاب صباحا او ليلا ) وهتطنش لو ممعايش حاجة ادافع فيها عن نفسي
لا انسي مرة كنت ماشي في الشروق بليل ولقيت واحد ومراتة وعيالة قاعدين علي الرصيف بعد الساعة 1 بليل هما مشاوروش بس انا لعلمي بحال المواصلات في الشروق عرضت عليهم اني اوصلهم وبعد ما ركبوا عرفت انهم ركبوا من موقف العاشر علي اساس انهم يروحوا العبور بس ركبوا غلط وراحو الشروق وفي الوقت ده مكانش فيه اي مواصلات لاي حتة والحمد لله ربنا قدرلي اني اوصلهم لأول العبور وركبوا ميكروباص بيدخل العبور من جوه
عشان كده دايما بحط في دماغي دايما ان فيه ناس ممكن تكون محتاجة توصيلة بجد وممكن ربنا يجعل الواحد سبب في الخير
الموضوع مش محتاج... تحت الظروف اللى احنا فيها متقفش لحد... لو ضابط ولا عسكرى ولا عجوز ولا واحدة ست... انت اشعرفك ان اللى واقف دة لوحدة او لوحدها؟؟ و منين تتحقق من شخصيتة و تعرف نيتة؟اقتباس:
المشاركة الأصلية كتبت بواسطة ashraf_hisham_rcc
الحالة الوحيدة انك تقف لو لاقيت ابوك اللى بيشاورلك... و بردة فى شك ان واحد بيسطعبط و عامل ابوك
الدنيا مش امان زى ما بتتخيلوا و اللى عمل كدة يحمد ربنا انة عدا منها و محدش يفتكر البوليس حينفعة لان هنا المتهم مدان حتى يثبت دليل برائتة... الراجل اللى عمل فيها شهم جم خدوة على القسم بجرسة و اللى غرق اكتر من 1000 بنى ادم سافر معزز مكرم فا انسوا موضوع البوليس دة خالص
انا كنت ذكرت موقفين ليا فى الموضوع دة و افتكرت كمان تلات مواقف:
1- مرة وقفت انا و مصطفى صديقى لواحدة عطلانة بعربية كورسا امام المنصة بس هى قالت ان فى ناس جايالها... احنا اتنين و هى واحدة و كان الموضوع فى النهار و الشارع مليان بشر... و هى كانت حلوة
2- برضة انا و مصطفى وقفنا لواحد بتاع نوبيرا فى طريق المنصة... نفس الظروف السابق ذكرها
3- واحد عطلان على نزلة الدائرى على طريق السويس و شاورلى... رفعت رجلى من على البنزين و فكرت لحظة بس رحت دايس تانى و حلقتلة... المنطقة مقطوعة و انا لوحدى
الخلاصة ان الحكمة بتقول :حس النوايا محفوف دائما بالمخاطر
MMamdouh
والله يا جماعة الموضوع لما اتفتح انا دخلت كتبت وبس للاسف مبصيتش علي كلام الناس بس دلوقتي بصيت وزعلت اوي اننا بقينا نفكر كده بالسلبية ديه والخوف ده
طبعا الشر ذاد والامان قل بس لسه فيه خير ولسه ربنا ليه عباد في حاجة لمساعدة
طب بجد فكر معيا كده سيبك مني انا مجنون :mrgreen: بس فكر انت
ربنا ليه عباد ببطلب منه سبحانة المعونة يا ريت تكون انت سبب للاجابة
ربنا عندة خير جزاء يعني لو وقفت لحد بنية الجزاء من الله سبحانة صدقني هتلاقي ده في نفسك وفي عربيتك فضلا عن عيالك ومالك
وبعدين ياريت يا اخي تخلي النية لله كده وتقف ان شالله يحش رقبتك بعديها تبقي جاتلك الشهادة لحد عندك
مش محتاج اقولك ان قدرك هيصيبك حتي لو كان القدر ده شكة دبوس وحتي لوهربت منه لاول سما او اخر ارض
وياسلام لو طلع حرامي وربنا قدرك علية يبقي خلصت الدنيا منه
ياريت كل واحد يراجع نفسة (ضميرة ونيتة ) ويفكر تاني في الموضوع ده
وبعدين انت يعني لما بتركب تاكسي ما ممكن يكون برضوا السواق يكون حرامي ويعمل ويسوي
وبعدين انت لما بتركن العربية في الشارع عشان تنزل تجيب حاجة ما ممكن برضوا تتسرق
خلي النيه لله سبحانة وتعالي واعمل اللي المفروض تعملة كانسان مسلم ربنا انعم عليك بنعمة وحرم منها غيره
ومش هقول حاجة تانية غير كده
لما بقف لحد ووصله لمكان ما فى طريقى بكون سعيد جدا وبعتبره ذكاة عن سيارتى وانا شخصيا بعتبره واجب اجتماعى
لأنى قبل ما يكون معايا عربية وواقف منتظر مواصلة والعربيات الملاكى تعدى كنت بتسائل هوه لو كل واحد عنده عربية
وسايق لوحده ايه المانع انه ياخد حد فى طريقه ويكسب فيه ثواب وهل ده لو حصل هتفضل ازمة المواصلات زى ما هيه ،
المهم انا هقول ليكم على اللى بعمله ، انا بسافر من القاهرة لميت غمر (مركز قبل المنصورة ) كل اسبوع غالبا اللى
بيشاور ليه بقف ليه واخده فى طريقى سواء وانا رايح او وانا راجع لدرجة ان فى ناس عرفتنى وبتستنانى خصوصا وانا
راجع لأنى برجع الأحد صباحا على الشغل مباشرة باخرج بدرى ، والحمدلله محصلش معايا مواقف مش كويسة لكن باخد
دعاوى جميلة .
عايز اقول ليكم ان المواقف اللى الأخوة حكوا عنها من اعتداء وسرقة حصلت لناس كتير فعلا ووالدتى كانت بتحظرنى من الموضوع
ده لأنها طبعا خايفة عليا ، وللعلم سيارتى سيات 133 يمكن ده اللى مطمنى ان محدش هيطمع فيا ههههههه :lol:
وبرده الواحد لازم يكون ليه نظره فى الناس اللى هتركب معاه وربنا يسترها معانا جميعا
السيد أحمد