أدخل وقول رايك ( ياريت كل الأعضاء يشاركوا )

**bassam nagy** · 07-05-2007 08:57 PM

على حسب الوقت طبعا لو الصبح هاقف وطبعا لو عائلة اكيد هاعرض المساعدة اما باليل مش هاقف لحد الا لو كان واقف بجانب عربيتة :roll:

**hazem_khidr** · 08-05-2007 05:43 AM

كنت زمان شغال في شركه ادويه و كنت بسهر بره البيت علي الطرق كتير لما كنت بلاقي اي حد مثلا داخل بلد ارياف و انا رايحها و الضهر او بالليل كنت اقف اخده او اطفال صغيره راجعه من المدارس كنت اقف لهم بس لو ماشي علي طريق ما بقفش غير لاي حد كنت ممكن اقف لعسكري او امين شرطه او ضابط بس انا بعرفهم من الشبه كده يعني العسكري بيبقي لبسه متبهدل شويه و باين عليه علامات التعب طول النهار من الوقفه في الشارع و الضابط مثلا تلاقيه واقف عند كمين و العسكري بيحاول يوقف له العربيه كده يعني انما لو في وسط طريق ما كنتش بقف و اللي كان بيقابلني كتير اني لما كنت ببقي راجع من القاهره الاقي العساكر واقفين عند الؤسسه و لما يشوفو نمر غربيه يحاولو يوقفو الواحد
بس الصراحه دلوقتي قلبي بقي بينقبض و ما عدتش بقف لحد غير في اضيق الحدود و كتير ما بقفش بقول مش كل مره توقاعتي تيجي في محلها و ليه المخاطره ف مش بقف الا زي ما عبد الله قال لو لقيت حد واقف عطلان او الكاوتش نايم بس ما يكنش بيشاور لعربيه يوقفها لا يكون بيحاول لوحده انما لو بيشاور برضه فيها شك انه عامل تمثليه

08-05-2007 06:25 AM

بصوا يا رجالة....بعد واحد صاحبي ضربوه مطواه و سرقوه وسابوه و خدوا العربية كمان.............ماتوقفش لأي صرصار

you live once man!!

**MMamdouh** · 08-05-2007 11:06 AM

المشاركة الأصلية كتبت بواسطة ashraf_hisham_rcc

يا جماعه انا مش عايز أكون بدعوا لعم المعاونه لأحد فى الظروف ولكن أنا قررت أنى عمرى مساعد حد ولا اقف لحد مهما كان و ده موقف حصل معايا فعلا

مره من زمان (حوالى 8 سنين) كونت راجع من درس فى الكليه من عند واحد صحبى وكان فى خنائه جامده أوى على أول الشارع بتاعه و فجأه لقيت وحده ادام عربيتى مش عارف ظهرت منين بتقولى و النبى ألحق أبنى حيموتوه
طبعا رامبوا وقف مكانه وقالها طب وأنا أعمله إيه يعنى
راحت الست طلبت طلب سهل جددددددددا هو انى اتصل بالبوليس
من ثم رفعت موبايلى الجديد(من 8 سنين الموبيل كان لسه ابتكار) وكلمت الشرطه و حكيت اللى حاصل بالظبت والراجل سألنى على أسمى وعنوانى فأدتهوله علشان يصدقنى ويتسرفوا بسرعه(شهامه بقى من اللى فى الشعب المصرى)
و روحت على كده وخلاص الموضوع خلص
وإذ بيا أفجأ الساعه 4 صباحا بخبط على باب الشقه بتاعينا و2 عساكر جيين بيئواوا ان الظابط عيزنى فى القسم
وطبعا بابا سألهم ليه قالولو ياحج أبنك مطلوب فى بلاغ كاذب ولازم يروح معانا القسم
المهم طبعا والدى كلم كل المعارف عشان يحصلونا وبقت فضيحه فى العيله كلوا جى يوجب معايا فى القسم بقه
أه بسيت أقول أن طبعا ال2 العساكر شردونى فى الشارع وفى العماره كلها للأنى نسيت أقول الدور ورقم الشقه فسألوا عنى فى الشارع والعماره مع تعقيب بكلمة مطلوب فى القسم (حرامى يعنى وأسبت العكس بقى)
و لما روحت القسم قابلت الضابط وقعد أفهم حضرته 3 ساعات أنى لما بلغت قولت خنائه فلما عربيه الدوريه تروح ومتلقيش حاجه(بعد 2:30 من البلاغ وده من تحرياتهم)
يبقى مش زمبى
و بع ما الوسطه بتعتى جت قدرت أروح بشرط أنى معماش كده تانى(قرصة ودن يعنى)
ومن يوميها قررت مليش دعوه مهما كان الموقف اللى قدامى يعنى لو حد ميت قدامى حسيبه و أمشى و أقول ربنا يرحمه (لأن فى القسم قلولى متعملش كده تانى!!!!!!!!) وديه الشرطه فى بلدنا وده فكوهم يبقى ليه أعرض بفسى لأى موقف

وأسف على الأطاله

فعلا الشرطة فى خدمة الشعب

MMamdouh

**ashraf_hisham** · 08-05-2007 01:19 PM

أ- جنيدى
طبعا بخصوص صحبى الموضوع الحمد لله خلص ولم يتطور للدرجه دى خاصتا انه مكنشى ساكن قريب منى

كمان انا قصدت ان طلب النجده اسهل بكتيييير من طلب توصيله وبالرغم من كده وقعت فى مشكله وفى كلا الحالتين كان السبب انك تقف لمساعدة واحد يشاور فى الطريق

08-05-2007 01:39 PM

انا بقف في الحالات التالية فورا ( لو واحد معاه اطفال او زوجتة ) ( لو عسكري شرطة او جيش او امين شرطة بملابس الخدمة ) ( راجل كبير في السن ) (شخص يبدوا عليه التعب والاعياء )

هفكر لو ( راجل او شاب صباحا او ليلا ) وهتطنش لو ممعايش حاجة ادافع فيها عن نفسي

لا انسي مرة كنت ماشي في الشروق بليل ولقيت واحد ومراتة وعيالة قاعدين علي الرصيف بعد الساعة 1 بليل هما مشاوروش بس انا لعلمي بحال المواصلات في الشروق عرضت عليهم اني اوصلهم وبعد ما ركبوا عرفت انهم ركبوا من موقف العاشر علي اساس انهم يروحوا العبور بس ركبوا غلط وراحو الشروق وفي الوقت ده مكانش فيه اي مواصلات لاي حتة والحمد لله ربنا قدرلي اني اوصلهم لأول العبور وركبوا ميكروباص بيدخل العبور من جوه

عشان كده دايما بحط في دماغي دايما ان فيه ناس ممكن تكون محتاجة توصيلة بجد وممكن ربنا يجعل الواحد سبب في الخير

**MMamdouh** · 08-05-2007 01:56 PM

المشاركة الأصلية كتبت بواسطة ashraf_hisham_rcc

أ- جنيدى
طبعا بخصوص صحبى الموضوع الحمد لله خلص ولم يتطور للدرجه دى خاصتا انه مكنشى ساكن قريب منى

كمان انا قصدت ان طلب النجده اسهل بكتيييير من طلب توصيله وبالرغم من كده وقعت فى مشكله وفى كلا الحالتين كان السبب انك تقف لمساعدة واحد يشاور فى الطريق

الموضوع مش محتاج... تحت الظروف اللى احنا فيها متقفش لحد... لو ضابط ولا عسكرى ولا عجوز ولا واحدة ست... انت اشعرفك ان اللى واقف دة لوحدة او لوحدها؟؟ و منين تتحقق من شخصيتة و تعرف نيتة؟

الحالة الوحيدة انك تقف لو لاقيت ابوك اللى بيشاورلك... و بردة فى شك ان واحد بيسطعبط و عامل ابوك

الدنيا مش امان زى ما بتتخيلوا و اللى عمل كدة يحمد ربنا انة عدا منها و محدش يفتكر البوليس حينفعة لان هنا المتهم مدان حتى يثبت دليل برائتة... الراجل اللى عمل فيها شهم جم خدوة على القسم بجرسة و اللى غرق اكتر من 1000 بنى ادم سافر معزز مكرم فا انسوا موضوع البوليس دة خالص

انا كنت ذكرت موقفين ليا فى الموضوع دة و افتكرت كمان تلات مواقف:

1- مرة وقفت انا و مصطفى صديقى لواحدة عطلانة بعربية كورسا امام المنصة بس هى قالت ان فى ناس جايالها... احنا اتنين و هى واحدة و كان الموضوع فى النهار و الشارع مليان بشر... و هى كانت حلوة

2- برضة انا و مصطفى وقفنا لواحد بتاع نوبيرا فى طريق المنصة... نفس الظروف السابق ذكرها

3- واحد عطلان على نزلة الدائرى على طريق السويس و شاورلى... رفعت رجلى من على البنزين و فكرت لحظة بس رحت دايس تانى و حلقتلة... المنطقة مقطوعة و انا لوحدى

الخلاصة ان الحكمة بتقول :حس النوايا محفوف دائما بالمخاطر

MMamdouh

08-05-2007 05:53 PM

والله يا جماعة الموضوع لما اتفتح انا دخلت كتبت وبس للاسف مبصيتش علي كلام الناس بس دلوقتي بصيت وزعلت اوي اننا بقينا نفكر كده بالسلبية ديه والخوف ده

طبعا الشر ذاد والامان قل بس لسه فيه خير ولسه ربنا ليه عباد في حاجة لمساعدة

طب بجد فكر معيا كده سيبك مني انا مجنون :mrgreen: بس فكر انت

ربنا ليه عباد ببطلب منه سبحانة المعونة يا ريت تكون انت سبب للاجابة

ربنا عندة خير جزاء يعني لو وقفت لحد بنية الجزاء من الله سبحانة صدقني هتلاقي ده في نفسك وفي عربيتك فضلا عن عيالك ومالك

وبعدين ياريت يا اخي تخلي النية لله كده وتقف ان شالله يحش رقبتك بعديها تبقي جاتلك الشهادة لحد عندك

مش محتاج اقولك ان قدرك هيصيبك حتي لو كان القدر ده شكة دبوس وحتي لوهربت منه لاول سما او اخر ارض

وياسلام لو طلع حرامي وربنا قدرك علية يبقي خلصت الدنيا منه

ياريت كل واحد يراجع نفسة (ضميرة ونيتة ) ويفكر تاني في الموضوع ده

وبعدين انت يعني لما بتركب تاكسي ما ممكن يكون برضوا السواق يكون حرامي ويعمل ويسوي

وبعدين انت لما بتركن العربية في الشارع عشان تنزل تجيب حاجة ما ممكن برضوا تتسرق

خلي النيه لله سبحانة وتعالي واعمل اللي المفروض تعملة كانسان مسلم ربنا انعم عليك بنعمة وحرم منها غيره

ومش هقول حاجة تانية غير كده