-
موضوع شيق جدآ وجميل
أنا من إحدى الحوادث اللى حصلتلى كانت حادثة تحفة الصراحة
كنت رايح أجيب والدتى من عند جدى
المهم وأنا ماشى وقفت فى شارع مش عمومى أوى يعنى فى عربيات بتروح وبتيجى فيه عادى بس مش زحمة أوى
كنت بنظم حاجات واخدها فى العربية معايا وكنت مشغل الإنتظار
وفجأة سمعت صوت خبطة جامدة فى العربية من وراء
واتاريه توك توك دخل فيه جامد من وراء وكان بيجرى
الخساير:
- كسر فى الفانوس الخلفى
- خبطة فى الرفرف الخلفى جامدة
- شرخ الإكصدام نصفين
- تكلفة الإصلاح : حوالى 400 جنيه
خسائر التوك توك:
لم يحدث له شئ !!!
لإنه دخل بالقايم بتاعه وطبعآ زى ما كلنا عارفين القايم هو الأساس
بس كان فى راجل وزوجته وأبنائه صغار راكبين معاه
ولكن الزوجة من الواضح أن رجليها إتكسرت وجوزها وقف تاكسى وطلع المستشفى علطول
ربنا يسترها مع الجميع
-
والله موضوع تووووووووووحفة
جميل جدااااااا وخصوصا المطالع
المرة دى كنت باوصل امى واخوتى البنات
وقلتلهم انا رايح اركن العربية وجاى
طبعا انا رحت ركنت كان فى عربية خنفسة ورايا وعربية نصف نقل قدامى طبعا انا بغبائى سبت العربية على ال n وكان كل فكرى ان العربية لما تكون على n بتبقى واقفة وكان الشارع نازل لتحت شوية بغبائى مرفعتش فرامل يد على اساس ان n العربية واقفة خالص رحت نزلت من العربية عشان اشوف الخنفسة ايه نظمها هل بعيدة ولا قريبة
ولقيت العربية كرتت لتحت والباب كان مفتوح على اخره ولقيت العربية بتمشي لتحت رحت جريت ولحقتها كان الباب هيضيع من النص نقل اللى قدامى ولكن ستر ربنا
الموقف ده كان فى رمضان اللى فات وللاسف العربية كانت تعتبر جديدة مكملتش 4 اشهر وهى استعمال كورولا 2003
اكيد عارفين انك لما تبقى جوه مش بتحس بابعاد العربية من جوة عشان الكبوت نازل لتحت مش زى ال504 اللى فاتت الله يرحم ايامها
كان احمد اخويا معايا واحمد صحبي وكانت الساعة 3 ونص وكنا رايحين نتسحر المهم الجراج بتعنا ليه مطلع والعربية عريضة وكنت عايز اعملها مفاجئة لبابا نزل احمد واحمد وفتح الباب وقالى تعالى تعالى .... تعالى لسه واسع
المهم انا بغبئى دوست بنزين وسمعت اللى مكنتش عايز اسمعه ولقيت احمدين بيقولوى بس اللى هو اخوى و صحبي وانا مخدتش بالى منهم
ونزلت عشان اشوف الخسائر وهى ان العربية اتزنقت بين البابين اللى ناحية اليمين و لقيت البابين اشوهو و راح بابا نزل ودخلها ومكنش عارف ايه اللى حصل غير انه نزل وبص وقالى كنت خايف من كده
عموما ربنا يكفينا شر الحوادث وان شاء الله تكون اخر مرة
وسلامتكم
-
الف سلامة على الجميع ...... والمواقف كلها دمها خفيف وانا مقتنع ان السواقه بتتأثر اوى بالخبره.... والواحد كل ما بيسمع حاجه او يشوف حاجه او يجرب حاجه بيتعلم اكتر.......
Content Relevant URLs by
vBSEO 3.6.0 PL2