أنا و أبي

**Ahmed Sharaf** · 28-01-2009 01:14 PM

المشاركة الأصلية كتبت بواسطة دينا أبوالعلا

ربنا يكرمك ويجعل النصيحه في ميزان حسناتك انا بتصل بيهم اهو

دى تجربة عملية, ياريت قوليلنا لما كلمتيهم كان إحساسك أية , وهما شعورهم اية بمكالمتك.

**دينا أبوالعلا** · 28-01-2009 01:17 PM

ايه الاحراج ده
مكانوش سامعني من صوت العربيه
انا بقي حسيت اني معنديش دم لاني مش بكلمهم كل شويه بصراحه

**ehabradwan** · 28-01-2009 01:18 PM

كلام جميل وموزون

**fiatto** · 28-01-2009 01:26 PM

المشاركة الأصلية كتبت بواسطة sendrella

ياااااااااااااااااااااااا ااااه يا سندباد
قلبت عليا المواجع اوي و حياة ربنا
للاسف انا ماعصرتش ابي الا لغاية 21 سنة
ما هو لسه متوفي من 3 شهور تقريبا
و كنت فعلا بقول كل الكلام ده في المراحل دي
بس لو الزمن يرجع تانى مكنتش اقول كدة ابدااااا و كنت ابوس التراب اللي بيمشي عليه

الاب هو العمود و لما العمود يتكسر بيبقى البنيان ضعيييييف ما اضعفه
فعلا الواحد ما بيحسش بقيمة الشيء غير لما يفقده

بتمنى يوووووووووووووووووم او حتى لحظة واحده بس من ايامه معايا
الف رحمة و نور عليك يا حبيبي

تحية لكل اب
و نصيحة لكل ابن .. الاب عمره ما هيتعوض .. حطه في عينيك الاتنين
بوس ايده و راسه و رجله
مشكلتى انى كنت بتكسف اعمل كدة
كسوف بس و حياة ربنا مش استكبار لا سمح الله
و دلوقتى بتمنى ابوس جزمته حتى لو كان موجود
اوعى تستنى لما تحس احساسي ده
الندم وحش اوي يا جماعة و خصوصا مع الاب

سندريلا ، أشكرك لأنك عرفتينى انى مش لوحدى فى العالم اللى بيحس الاحساس ده .
كان لازم اقتبس كل كلمة فى مشاركتك لأنها بالظبط اللى انا حاسس بيه لأنى زيك وزى نور القمر .
والدى الله يرحمه لم يكتمل حضوره الا بغيابه وهى دى علامة الانسان المحترم اللى عاش قيمة كبيرة متتفهمش 100% الا بابتعادها .
كتير بتمنى اللى قولتيه بالظبط لأنى زيك كنت باتكسف ابوس ايده ولما كنت باتجرأ كان الله يرحمه هو اللى يتكسف ويقوللى ليه بس ياحبيبى .
يعلم ربنا موضوع سندباد الجميل ده ومشاركتك عملوا فيا ايه دلوقتى فى شغلى ، بس الواحد ماسك نفسه .
أحب أستعير مقولة جاءت فى دراسات هالسى و موران عن الشخصية العربية آمنت بيها جداً ( لا يصير العربى رجلاً إلا بعد وفاة أبيه )

**Ahmed Sharaf** · 28-01-2009 01:31 PM

المشاركة الأصلية كتبت بواسطة دينا أبوالعلا

ايه الاحراج ده
مكانوش سامعني من صوت العربيه

انا بقي حسيت اني معنديش دم

لاني مش بكلمهم كل شويه بصراحه

لية بتقولى كدة طبعا عندك احساس وحب لوالديكى , ومن دلوقت عودى نفسط تتطمنى عليهم وتطمنيهم عليكى , ربنا يخليكو لبعض .
ملحوظة : إبقى كلميهم تانى طالما مكنوش سامعينيك ومش متعودين على كدة أحسن يقلقوا عليكى.

**دينا أبوالعلا** · 28-01-2009 01:33 PM

وحدوه يا جماعه انا لله وانا اليه راجعون
ربنا يصبركو كلكو يا رب
اللهم ارحم واغفر لمواتانا جمعيا
مش هينفع نفضل نعيط فالشغل كده
والله يا فياتو مش انت بس اللي حاسس بالاحاسيس دي
متزعلوش مني اني هزرت بس لقتنا كلنا اتضايقنا ومتاكده ان نصنا بيعيط دلوقتي
اوعو حد يزعل مني

**Ahmed Sharaf** · 28-01-2009 01:33 PM

المشاركة الأصلية كتبت بواسطة fiatto

سندريلا ، أشكرك لأنك عرفتينى انى مش لوحدى فى العالم اللى بيحس الاحساس ده .
كان لازم اقتبس كل كلمة فى مشاركتك لأنها بالظبط اللى انا حاسس بيه لأنى زيك وزى نور القمر .
والدى الله يرحمه لم يكتمل حضوره الا بغيابه وهى دى علامة الانسان المحترم اللى عاش قيمة كبيرة متتفهمش 100% الا بابتعادها .
كتير بتمنى اللى قولتيه بالظبط لأنى زيك كنت باتكسف ابوس ايده ولما كنت باتجرأ كان الله يرحمه هو اللى يتكسف ويقوللى ليه بس ياحبيبى .
يعلم ربنا موضوع سندباد الجميل ده ومشاركتك عملوا فيا ايه دلوقتى فى شغلى ، بس الواحد ماسك نفسه .
أحب أستعير مقولة جاءت فى دراسات هالسى و موران عن الشخصية العربية آمنت بيها جداً ( لا يصير العربى رجلاً إلا بعد وفاة أبيه )

رحم الله والدك وبارك لك فى عمرك

**دينا أبوالعلا** · 28-01-2009 01:34 PM

المشاركة الأصلية كتبت بواسطة Sindbad7000

لية بتقولى كدة طبعا عندك احساس وحب لوالديكى , ومن دلوقت عودى نفسط تتطمنى عليهم وتطمنيهم عليكى , ربنا يخليكو لبعض .
ملحوظة : إبقى كلميهم تانى طالما مكنوش سامعينيك ومش متعودين على كدة أحسن يقلقوا عليكى.

ان شاء الله وشكرا علي النصيحه بجد

**mazagngi2010** · 28-01-2009 02:17 PM

مفيش كلام بعد الكلام ده
وللاسف ليا زمايل مش هيعرفوا قيمه الاب الا لما يموت
ياريت ترضوا ابائكم على طووووووول علشان ماتعيشوش اى لحظه ندم على اى موقف زعلتوهم فيه لما يموتوا
وانتو احرار (صدقونى مش هتحسوها دلوقتى)

المشاركة الأصلية كتبت بواسطة tamergalal

ما اجمل عباراتك حقيقى تأثرت بها جداً وللاسف والدى توفى وعندى 21 سنة بس صدقنى مش محتاج اعيش العمر ده واوصل للمراحل دى علشان احس بالكلام اللى حضرتك قولته صدقنى انا عرفت معنى واهمية الاب بعد فقده ووجوب الاهتمام بأمى وان رضاها اهم عندى من كنوز الارض ولو قدمت ليهم روحى مش كفاية رحمة الله على موتنا جميعاً وشكرى وتقديرى لك ..................