الموضوع: موقف مضحك مبكي !! (العهده على الراوي)

طب لو هما بيتلككو كدا
يبقى الخمسين والعشرين حرام عليهم قبل ما تكون حرام علينا ندي رشوه
ولا حول ولا قوه الا بالله

اولاً بالنسبه للتصويت... لا هو زى اللى فات ولا هو اتطبق على"الكادحين" فقط... هو من الأخر فتح باب رزق أكبر للأمناء و البهوات الظباط و أعطاهم مساحه أكبر للبلطجه و فرض الأتاوات.

أما بالنسبه لموقف الرخصه اللى حصل ده... أعتقد ان ممكن نقرأ الخبر الأتى فى الجرايد:

"قررت الحكومه تعيين واحد بتاع مناديل عند كا إشاره ليكون همزة الوصل بين سيادة الأمين و الشخص المغلوب على أمره اللى وقف فى الأشاره و ذلك فى إطار خطة الحكومه للتخفيف عن المواطنين - و تهيب الدوله الساده المواطنين ممن يتعملون مع بتوع المناديل ضرورة الإطلاع على الكارنيه الخاص بهم المميز بصورة المواطن على هيئة هيكل عظمى من جهه و صورة بيومى نيكوتين من جهه أسفلهم عبارة "مصر بتتقدم بينا" علماً بأن العمولة المقرره هى 10 باكو مناديل للقاهرة و الجيزه، 5 باكو مناديل للأسكنريه و الأسماعيليه، 2 باكو Wet Wipes (مناديل مبلله بالكولونيا) لبورسعيد و بكرتين ورق تواليت لباقى المحافظات"

ربنا يستر علينا جميعاً

انا لو منه
امسك الامين و ارزعه كلام حلو و اقلوه انا حقدم فيك شكوى انا فلان ابن فلان ابن علان
لان القانون واضح
التحدث في المحمول اثناء القيادة
اولا اخوك مكنش بيتحدث كان ماسك
ثانيا اخوك كان واقف في الاشارة
و الله ما اسيبه لو قالي كده

emshy 3del ye7tar 3adewak feeeek

el mafrood en a7'ook yoshkor el wad beta3 el manadeel , kaman el zabet

3ashan beta3 el manadeel wafar 3aleeh enh yekalem el zabet , kaman 7'alah yeshtery manadeel takafeeeh sana kodam

we kaman el zabet wafar 3aleeh sa7b el ro7'sa , we mo7'alfa ya3ny badal ma kan 7ayedfa3 100 LE 7'alas elmeshwar 3ala 20 le

السلام عليكم
آسف بس الكيبورد مكنش بيكتب عربى

المهم
إمشى عدل يحتار عدوك فيك

المفروض إن أخو حضرتك يشكر الواد بتاع المناديل و كمان يشكر الظابط

بتاع المناديل وفر عليه إنه يكلم الظابط و كمان يا سيدى فكره إنه يشترى مناديل حتكفيه سنة لقدام

و كمان سيادة الظابط كتر خيره وفر عليه سحب الرخصة و البهدلة و الغرامة اللى الله وحده أعلم كانت حتبقى كم

يعنى مثل بدل ما يدفعله 100 خلص نفسه بعشريناية

اللى احنا مش قادرين نفهمه إن الشرطة بتطبق روح القانون

يعنى مثلا أنا واحد صاحبى كان سايق من غير رخصة قيادة ( مكنش طالعها أصلا ) و لما وقف الظابط طبق معاه روح القانون و دفعه غرامة حزام 25 جند ( أقصد طبعا ما يوازى غرامة الحزام )

أنا مرة مشيت شارع ( وصلة صغيرة كدة ) عكس اتجاه و الظابط سحب منى الرخصة روحت لاقيتها 25 جند يعنى و الله كتر خيره (ده طبعا فى القانون القديم) ده طبعا لأن الظابط طبق معايا روح القانون لأنه فعلا مكنتش أعرف إنه ممنوع
طب ده أنا كل ما أفتكر الموقف ده أدعيله ( دى بقت حبس يا باشا)

لما تيجى بقه تبص للموضوع من ناحية تانية

انتا كدة كدة غلطان و دافع دافع الظابط كدة كدة حيغرمك
الرخصة ممكن تتسحب بتاع المناديل بيسترزق
هه؟ ننشف دماغنا و لا نمشى بروح القانون
اركن و هات الرخص تخلص بشياكة و انتا باشا

المعادلة مش موزونة يبقى خلينا فى روح القانون ياعم و ربنا يخلى بتاع المناديل
و ليه تدفع اكتر لما ممكن تدفع أقل

كل قانون بيطلع بيطلع معاه قانون خفى للرشوة
يعنى تسعيرة جديدة للمخالفة وتسعيرة جديدة برضه للرشوة
ياريت زى مافيه جريدة "الوقائع المصرية" اللى بينشر فيها القوانين الرسمية يكون فيه جريدة "الرشاوى المصرية" لعرض الجديد فى قوانين الرشاوى وطرق التسهيل فى التحصيل.