بيتهيألي الهوندا كثبات مش بعيده اوي عن البي ام وللعلم انا لا ركبت دي ولا دي بس اللي اعرفه ان الهوندا ثباتها عالي جدا
مفيش عربية ثباتها زى البى ام الا لو بنتكلم فى سوبر كار
البى ام من زمان محافظة على نسبة توزيع وزن 50 الى 50 بين الامام و الخلف و دة بيديها اتزان و قدرة على المانورة عالية جدا
اى عربية جر امامى بيبقى نسبة الوزن اعلى فى الامام نتيجة وجود المحرك و الفتيس و الكورونا و الكبالن فى الامام فا صعب جدا جدا توصل لنسبة توزيع الوزن المثالية و دة بيفرق فى الثبات
MMamdouh
يمكن الرد غريب شويه ولكن العربيه هى بيجو 504 موديلات الثمانينات .
البى ام وبدون تعديل بتبسط لما بشوفها بصراحه
طيب لو متوفر يابشمهندس MMamdouh
10000 جنيه لعربية متسوبيشي لانسر 1300 اتوماتك 2008 ممكن اعمل تعديلات ايه بس شرط يكون من ضمن التعديلات عدادات زي عدادات تويوتا كورولا 2012 بنفس الأضائه طبعا الشكل والأستامبه مش هتنفع علي اللانسر ايه ممكن اللي اعمله بحيث ان العربيه ميحصلهاش اي مشكله بعد التعديلات دية وياريت لو مكان موثوق به جدا جدا
العدادات و الحاجات دى مش تعديلات... دى كماليات لا بتقدم و لا تاخر
بالنسبة للتعديلات اللى بجد البداية دايما بتبقى من الكاوتش... ركب جنك اكبر و كاوتش اعرض... المشكلة عندك ان المكنة صغيرة فا مع جنط 17 ممكن يتقل العربية جامد
انا معرفش المكنة ال1600 بتاعت اللانسر بكان بس اذا كانت فى حدود الميزانية سقط 1600 وش
بعد كدة ركز على العفشة... ممكن لو الميزانية مش فاضل فيها كتير تجيب strut bar امامى و خلفى... لو فية فلوس هات طقم مساعدين كونى adjustable
MMamdouh
العدادات و الحاجات دى مش تعديلات... دى كماليات لا بتقدم و لا تاخر
بالنسبة للتعديلات اللى بجد البداية دايما بتبقى من الكاوتش... ركب جنك اكبر و كاوتش اعرض... المشكلة عندك ان المكنة صغيرة فا مع جنط 17 ممكن يتقل العربية جامد
انا معرفش المكنة ال1600 بتاعت اللانسر بكان بس اذا كانت فى حدود الميزانية سقط 1600 وش
بعد كدة ركز على العفشة... ممكن لو الميزانية مش فاضل فيها كتير تجيب strut bar امامى و خلفى... لو فية فلوس هات طقم مساعدين كونى adjustable
MMamdouh
عندك باردوا السيراتو الكوبيه شكلها بيكون كويس جدا لو اتعملت صح
شكرا جزيلا يابشمهندس MMamdouh علي الرد جزاك الله خير
انا لسه مركب جنوط 15 اندونيسي وكاوتش نيكسين 195/55/15 القديم كان 185/65/14
وكنت مركب فلتر k&n مستورد اصلي من امريكا المخروطي وفعلا فرق جدا معايا بس في الشتا بس لكن في الصيف كان بيموت العربيه لأن تركيبه شورت ودلوقتي مركب الأصلي بتاعها في الصيف
موضوع التسقيط في دماغي ومهتم بيه جدا بس قلقان منه وكتير اثق فيهم واشخاص محترمين زي حضرتك كده خوفوني منه ووقلقوني العربيه مبتبقاش زي الأول و تفتح وتطلب مصاريف اكتر ده غير اني عايز ماتور يكون كسر زيرو مش مفحوت وارجع اغيره تاني ومش عارف هلقيه ويتعرف ازاي انه لسه جديد واكيد بالطبع هغير لعفشه ومساعدين احسن بعد التسقيط ومعاهم strut bar
بالنسبه العدادت شكل جمالي داخلي وشفتها في عربية ابن عمتي تويوتا كورلا 2012 هاي لاين بسم الله ماشاء الله ولاقوة الا بالله حاجه وهم وعجبني جدا الشكل والأضائه عملت منظر مختلف وجميل جدا لشكل عربيته من جوه هي عدادت تيبترون مش عارف فيه منها للانسر ولا لأ
دية شكلها مش بالظبط اوي التانيه احلي كمان في اللون وتوزيعه وتوزيع الأضائه
http://www.nileup.com/uploads/13502656751.jpg
http://www.nileup.com/uploads/13502654071.jpg
الماتور بتاع العربيه لسه العداد 20 الف كيلو ولسه عامل صيانة ال20 الف من اسبوعين ومغير زيت جير الأتوماتيك كامل بزيت cvt الخاص بمتسوبيشي 1600 وزيت الماتور للكويل مولي 10w40 ومعاه السراتيك ومنظف الأنجكشن ومغير لبوجيهات ليزر اريديوم ماكس ومنضف البوابات بالمنظف الخاص بها متهيألي كل الحاجات دية بتحسن الأداء بس حاسس ان العربيه مخنوقه جدا وأكن حاجه ماسكها ومكتفاها
علي فكره انا مش من هواة السرعه ولا الجريولا الشد لكن علشان العربيه اكثر الوقت بتكون مليانه لأن اكثر استخدامي عائلي فابتبقي ضعيفه ومفيش عزم ليها خصوصا في الحر والتكييف شغال واكثر من مره احتجت للحاجتين دول في موافق صعبه لولا ستر ربنا عدت علي خير
كتير نصحوني اني ابيعها واجيب واحده احسن
خصوصا الجديده اخت عربيتي GLX الأتوماتك 1300 موديل 2013 عامله 118 الف جنيه
بس بصراحه انا موسوس ومضمنش المستعمل ومش ضامن اني الاقي عربيه في حالة عربيتي لسه في حكم الزيرو ومعنديش امكانيات حاليا للزيرو حتي بالتقسط فأستخرت ربنا وقلت المبلغ ده يعدلي العربيه للأحسن بس اكون ضامن المكان والأشخاص اللي هيقوموا بالتعديل من الماتور للفتيس للضفيره لوحدة التحكم للكهرباء للعفشه للفرامل الي آخره يكون ميه ميه زي العربيه الأصليه بالظبط ومحتجش اي مصاريف تانيه معلش فضفت وطولت علي حضرتك اوي بس ده علشان عارف خبرة حضرتك اللي مابتبخلش بيها علي حد فأيه رآيك في المعادله والمعضله الصعبه دية :36_2_49[1]: :untitled 1: :majd(4):
انا متهيألي ردك هيكون بيع العربيه خالص واقعد من غير عربيه احسنلك ههههههههههههههه تحياتي لحضرتك