جروب علي الفيس بوك ضد الفيرنا

**Eng.Mina** · 27-01-2009 08:47 PM

شفت بالصدفة علي الفيس بوك جروب بيضم حوادث كتير للفيرنا وشكوي من ضعف الفرامل وانها مش ملائمة للموتور القوي اللي في العربية يا تري ايه رأيكوا ؟؟؟؟؟
لينك الجروب:http://www.facebook.com/group.php?gid=57658403085

**egyptianmafia** · 27-01-2009 09:24 PM

Wow!!!!!! and everyone here is making fun of chinese cars......lol.......

those accidents are crazy!!!!!

**M.Osman** · 27-01-2009 10:01 PM

بصراحة انا شايف انا شايف ان اللي عمل الجروب ده معوق زهنياً !!

لأن بكل بساطة لو العربية فيها عيب فمش معنى كدا ان العيب ده هو سبب الحوادث بل السائق او ظروف الطريق ....

كأن يا أخي كل اللى معاهم فيرنا دول مجانين مثلاً ؟؟
او كأن مفيش عربيات تانية بتعمل حوادث ..

انا قلتها قبل كدا : "معوق ذهنياً"

**Eng.Mina** · 27-01-2009 10:11 PM

انا شايف انهم مركزين علي نقطة الفرامل انها ضعيفة في كذا موقع وطلعوا سمعة سيئة علي العربية بس انا شايف انها مش للدرجة اللي تخليك تعمل حوادث بالبشاعة دي اكيد برده السائق ليه دور لان الفيرنا مغرية جدا للجري

**mohamed_mohsen** · 27-01-2009 11:34 PM

و الله انا شايف السبب من الكاوتش اللاسا و النسر
الفرامل بتوقف العجل بس العربيه بتزحف بسبب الكاوتش الرديئ
عايزين حد بجنوط 14 و 15 و بمقاسات محترمه و بكاوتش نضيف يقوللنا الفرامل عامله ايه معاه
و بعدين بالنسبه للجروب
شيء غريب فعلا كمية الناس اللي بتكره الفيرنا

**MORAEKIP** · 28-01-2009 12:16 AM

المشاركة الأصلية كتبت بواسطة mina87

انا شايف انهم مركزين علي نقطة الفرامل انها ضعيفة في كذا موقع وطلعوا سمعة سيئة علي العربية بس انا شايف انها مش للدرجة اللي تخليك تعمل حوادث بالبشاعة دي اكيد برده السائق ليه دور لان الفيرنا مغرية جدا للجري

أنا واحد من الناس أللي عملوا حوادث بسبب الفرامل
لبست في عربيه وقفت قدامي فجأه والفرامل ما ساعدتنيش علشان أقف بس الحمد لله كانت بسيطة
ولما رحت صيانه ال 5000 من يومين عملت صبانه للفرامل كلها ورجلشت العجل الخلفي ورفعت مستوى فرامل اليد والفرامل أتحسنت شويه
بس برضه ده أكيد مش سبب لكل الحوادث الموجوده على الفيس بوك

**outosend** · 28-01-2009 12:27 AM

العربيه الفيرنا كويسه جدا على قد تمنها طبعا المشكله زى مالشباب قالوا انها موتور قوى ولو واحد بيسوقها خبرته ضعيفه مش بيعرف يسيطر عليها كويس دى المشكله مش اكتر

**M.Osman** · 28-01-2009 12:48 AM

انا شايف ان كل واحد يعرف امكانيات عربيته قبل ما يجري بيها ...

يعتى انا مثلاً لو مشيت اكتر من 100 بالفيرنا يبقى بستهبل ... لأنى عارف ان العربية على قدها ... مع العلم ان كل العربيات فى الفئة دى كدا ... مش ظاهرة فى الفيرنا ولا حاجة ... بس طبيعى ان ناس تكره العربية عشان انتشارها الفظيع و بالتالى عدد الحوادث بتاعتها ..

للعلم انا بعض الأحيان لما اكون مستعجل بجيب 120 بس بشرط اكون كاشف الطريق و ماشي فى طريق عارفه كويس ... ... ...

**Hossam.Hamdy** · 28-01-2009 12:53 AM

ما هو لما كل واحد فيهم يكون ماشى على 180 و بعدين يقول فرامل....يبقى بطيخه

**ADELHASANALSHAAIRYN6** · 30-01-2009 11:33 AM

صديقى يعمل فى مجال الطرق وكل التقارير المحلية والعالمية تحزر قائدى السيارات بصرف النظر عن نوع السيارة ان كل ك.م. زيادة عن سرعة 100ك.م.س. يقلل قدرة السائق على التحكم فى السيارة والتصرف بمهارة عند حدوث اى ظرف طارئ - واقول لمن يهاجم الفرنا برغم انفكم ستبقى الفرنا السيارة الاولى فى مصر لسنوات طويلة قادمة