الموضوع: هـل محبى الهاتشبــاك المانيــوال بدأو فى الإنقـــراض !!!

انا عن نفسي اول ماسوقت خالص كنت بكره المانيوال جدا وكنت بفكر اجيب اوتوماتيك لإن موضوع النقلات بالنسبة ليا دي كان مشكلة وكنت بنساه كتير وكان شئ متعب ومزعج جدا ليا .

بس الصراحة دلوقتي بعد مامستوايا في السواقة اتحسن وبقيت انقل بطريقة تلقائية ومش بتلخم بقيت مترددة جدا وبفكر استمر مانيوال وماجيبش اتوماتيك رغم انه اريح بكتيييير بالنسبة ليا عشان طرقي كلها زحمة بس مش عارفة .

وكمان بحب الهاتشباك اكتر من السيدان خصوصا لو عربية موتورها قوي وواسعة من جوة بفضلها اكتر من السيدان (بس الشنطة برده شئ مهم مينفعش الاستغناء عنه) لكن لو هاتشباك وشنطته معقولة يبقي شكله احلى بالنسبة ليا.

بس هو فعلا الاتوماتيك في مصر سوقه مش قوي عشان صيانته اصعب من المانيوال ومكلف اكتر كبنزين وصيانة واعطاله بتوقف العربية تماما ومتقدرش تحركها من مكانها ولازم تتقطر ساعتها .
والهاتشباك الناس واخدة عنه انطباع انه لازم يكون ارخص من السيدان وان كل العربيات الهاتشباك صغيرة وضيقة (انا برده كنت فاكرة كده في الأول) بس شوفت عربيات هاتشباك واسعة من جوة وظريفة جدا

على فكره انا كمان بحب الهاتش باك والمانيوال .. بس للاسف ماينفعش اشترى هاتش باك علشان عاوز مساحه شنطه كبيره علشان الاسره
اما المانيوال فمستحيل اغيره واركب اوتوماتيك مهما كانت المغريات
المانيوال تحس انك بتتحكم فى العربيه وانت اللى سايق .. اما الاوتوماتيك فالعربيه هيا اللى بتسوق

لسة والله كنت مع واحد صاحبى وسألته السؤال دة .

قال اركب مانيوال لانك تحس ان سايق وكدة وتتحكم فى العربية .

بصراحة انا مقتنعتش قلتله طيب ماانت ممكن تجيب عربية مانيوال واوتوماتك 2*1

انا ركبت مع اخويا بيجو 2005 كان ماشى مانيوال تمااااام

راح واقف ودايس على زررررر وقلبها اوتوماتيك وداس بنزين واديلوا ادى مشيت لوحدها .

دماغ والله

انا شخصيا بشتكى من ركبتى الشمال .روحت لدكتور قالتلى انت بتسوق كتير. قلتلها ليه . اة بسوق كتير .
قالتلى عندك خشونة خلف الصبونة .

طبعا وانت بتدوس دبرياج فى تحريك الركبة مع ( استرس ) ضغط ع الركبة. بروح مشوار مصر برجع ركبتى دى بتبقى بايظة مش حاسس بيها.

قلتلها ربنا يسهل ونبقى نجيب التوماتيكى