اضراب سواقى الميكروباص اليوم

**نور القمر** · 28-01-2009 04:18 PM

المشاركة الأصلية كتبت بواسطة mo7a_mo7a

عايزين يلغوا قوانين المرور ويرخصوا تعريفة الرشوة

هههههههههههههه ما هو ده اللي ناقصهم بجد
والله ضحكتني

**karimone** · 28-01-2009 04:21 PM

العمليه مش ناقصه حملات تاني
و بعد كده احنا مش عايزين نخرب بيت حد احنا عايزين معامله اداميه لللي بيكربوا و احترام العربيات و الطريق بس مش اكتر من كده

**نور القمر** · 28-01-2009 04:22 PM

المشاركة الأصلية كتبت بواسطة أبـو آســـــر

طيب ما تيجي نعمل حملة جديدة
أسمها ( خليهم قاعدين في البيت لحد ما يجي خراب البيت)
و كل واحد و همو مروح ياخد معاه شوية من الناس الي بتركب الميكروباص في طريقه و هو مروح
بس عايزين نشوف قانونية الحوار ده
لو ليه تنظيم معين او جهة معينة نتناقش معاها بصفتنا المنتدى الرائد في مصر و الشرق الاوسط للسيارات
انا بتكلم جد مش بهزر
و طبعاً الموضوع هيبى مجاني
و تخيلوا هنحل ازمة مواصلات قد ايه
انا كنت بفكر في الموضوع ده قبل ما اجيب عربية
لاني بشوف كل واحد راكب عربيته لوحده و ممكن يكون ماشي في طريقي .
تخيلوا لو كل واحد خد معاه تلاتة من الناس الي في الطريق
متهيألي ازمة المواصلات ممكن تتحل بجد
عايزين نفكر شوية في الموضوع ده بجد

فكرتك انسانية جدا
على فكرة انا بعمل الموضوع ده وجوزي كمان
بس لناس معينة
يني لو لقيت واحدة كبيرة في السن وشكلها تعبان والدنيا زحمة ومفيش مواصلات بعرض عليها تركب معايا

**أشرف العدوي** · 28-01-2009 04:29 PM

احنا عايزين معامله اداميه لللي بيكربوا و احترام العربيات و الطريق بس مش اكتر من كده

ده الي هدف الحملة المنشودة
انا من حوالي سنتين كنت بركب ميكروباصات عادي و بعد كدة قطعت بقيت اركب تاكسي على طول
ليه بقى
تجي تركب الميكروباص تلاقيه بيقطع الخط زي فيصل مثلاً بياخده على 3 مراحل و ساعات 5 مراحل
تيجي تقعد قدام يقولك محجوز و يطلع و ما فيش حد ركب و اول ما واحدة تشاورله تلاقيه راح فاتحلها الباب بنفسه
ده غير قلة الادب لما تديله فلوس قديمة او معدن او تصر انك تاخد الباقي بتاعك
و الالفاظ السافلة الي في بقهم زي اللبانة
ده ما يمنعش ان في منهم ناس غلابة و عايزيين ياكلوا عيش بس للأسف قليلين جداً و غالباً مش بيكملوا في المهنة

**PoweRPassioN** · 29-01-2009 02:52 PM

المشاركة الأصلية كتبت بواسطة أبـو آســـــر

طيب ما تيجي نعمل حملة جديدة
أسمها ( خليهم قاعدين في البيت لحد ما يجي خراب البيت)
و كل واحد و همو مروح ياخد معاه شوية من الناس الي بتركب الميكروباص في طريقه و هو مروح
بس عايزين نشوف قانونية الحوار ده
لو ليه تنظيم معين او جهة معينة نتناقش معاها بصفتنا المنتدى الرائد في مصر و الشرق الاوسط للسيارات
انا بتكلم جد مش بهزر
و طبعاً الموضوع هيبى مجاني
و تخيلوا هنحل ازمة مواصلات قد ايه
انا كنت بفكر في الموضوع ده قبل ما اجيب عربية
لاني بشوف كل واحد راكب عربيته لوحده و ممكن يكون ماشي في طريقي .
تخيلوا لو كل واحد خد معاه تلاتة من الناس الي في الطريق
متهيألي ازمة المواصلات ممكن تتحل بجد
عايزين نفكر شوية في الموضوع ده بجد

على فكره الكلام دا حلو اوي بس التطبيق صعب اوي
لان انت للاسف متعرفش اللي هيركب معاك دا حالته ايه و شارب حاجه ولا لأ ولا يمكن يكون هيهددك ويسرق منك حاجات من العربيه او فلوس او العربيه نفسها
بس ممكن تتطبق زي فكره الcar sharing مشاركه السياره
ودي ف بعض الدول بتدي بيها تصاريح من المرور لافراد توصلهم بالعربيه بشكل دوري وممكن تاخد منهم فلوس او لأ بس الاكيد ان المرور هيتحسن جدا لان فعلا لو بصيت الصبح هتلاقي 90% من العربيات راكب فيها واحد بس

ايه رأيكو ف الcar sharing دي؟؟
بس المفروض تكون مع الجيران والمعارف والزملاء بس عشان عامل الامان