لاحظت من ردود معظم الاعضاء وأنا معهم أن كل سيارة لها مميزات وعيوب سواء من حيث الشكل أو المتانة أو قطع الغيار أو استهلاك البنزين أيه رأيكوا يا جماعة لو كل واحد يقول علي أحسن عربية ممكن تعيش في مصر ومن وجهة نظره الخاصة طالما هناك أستحالة في وجود السيارة الكاملة وده لأختلاف الاذواق وللأسباب السابق ذكرها ياريت أكبر عدد من الأعضاء يشارك في الموضوع ده ولو بكتابة كلمة واحدة وهي نوع السيارة فقط
وشكرا لمشاركاتكم
صعب قوي
لو اتحدت الازواق لبارت السلع
و بعدين العربيات تصنيفات كتير
ممكن نقول ايه افشل عربية و ده اسهل لكن لكل تصنيف علي حده
كان في مواضيع سابقة لأفضل عربية بناءا علي الاسعار
LEXUS LS600hL
LEXUS GS450h
LEXUS RX400h
TOYOTA CROWN ROYAL HYBRIDE
TOYOTA ESTIMA HYBRIDE
TOYOTA CAMRY HYBRIDE
NISSAN ALTIMA HYBRIDE
HONDA ACCORD HYBRIDE
HONDA INSIGHT
الهايبريد اساسا سعرها غالي اغلي من العاديه
هو في رايي الكمال لله وحده :)
طبعا مفيش عربية كاملة الاوصاف، انا البيكانتو مبسوط بيها لانى عرفت عيوبها و راضى بيها على كده، فاحسن عربية برضه هيكون فيها عيب، بس المهم يكون مقبول منك.
البيكانتو مثلا عيبها الشنطة صغيرة جدا بس، انا قابل الحكاية دى و كمان الموتور صغير و ده بيخيليها تجمع ابطء من عربيات تانية و لكن برضوا انا مش زعلان لانى مش عايز اسابق.
اما مميزاتها حجمها صغير فسهلة فى سواقتها، الموتور معقول ، فطلعت بيها لحد شرم و انا محمل و الحمد لله مقلتش باصلها و نعامة فى السواقة و كمان عالية فالحمد لله بتعدى المطبات و هى محملة ، فانا شايف انها عربية مناسبة جدا على الاقل بالنسبة ليه
مفيش حاجه اسمها عربيه كامله لازم يكون فيه عيوب حتي لو رولز رويس او مايباح.
بالنسبه لمصر كان يعتبر احلي عربيه تمشي فيها في التمنينات و التسعينات البيجو 504 و 505 و الفيات 132 و الارجنتا و 131
دلوقتي الوضع اتغير بقي الاتجاه لليباني و الكوري لرخص اسعارهم عن الاوربي و كمان جودتهم بقت عاليه بالمقارنه بجودتهم في السبيعنات و التمنينات كانو حاجه كده زي الكوري اوائل التسعينات و الصيني اليومين دول.
لانســر (قليلة المشاكل ) وعملية جداً
طبعا لا وجود للعربية الكاملة لأن بكل بساطة: الكمال لله وحده , و طبعا الكلام ده بيطبق على كل حاجة فى حياتنا.
بالنسبة للعربية و عن تجربة - حتى الأن - أقدر أقول اللانسر و سمعتها الطيبة طبعا سبئاها من أول موديل فيها حتى الأن. و أنا من رأى أن أى عربية لو تمت صيانتها بأنتظام و المحافظة عليها و تلبية طلبتها هتكون عربية مريحة لمالكها حتى لو ماركة مش معروفة و الدليل على ذلك وجود سيارات قديمة فى شوارعنا و حالتها الخارجية ممتازة و مواتيرها لسه شديده , و هذا رأى الشخصى.
وشكرا لصاحب الموضوع الأخ عزوز :) و خلينا نحلم.
مفيش حاجة او الة اخترعها الانسان كاملة
حبايبى انا من وجهة نظرى لو تواجدت السيارة الكاملة فى اى مكان فى العالم ونزلت شوارع مصر العامرة بكل شيئ مطبات وحوادث واستهتار وعد بقة 000000000
فلن تكون كاملة عندنا
مفيش حاجة اسمها عربية كاملة بس كل واحد فينا شايف عربيته اقرب شئ للكمال علشان كده اشتراها :) :)
طبعا مفيش حاجة اسمها العربية الكاملة لكن في الحلو و في الوحش و طبعا درجات يعني مفيش اختلاف مثلا أن الياباني و الألماني أحسن من الصيني و الكوري أو أن البي أم أحسن من الستروين لكن يفضل كله على حسب المستهلك و متطلباته و لكن مع تفوق نسبي للياباني بدأ ينتشر نسبيا و لكن ما زال يعيبه السعر العالي
مينفعش ناقص يعمل كامل
فاقد الشيء لا يعطيه
اما المعيار عندي بنسبه العيوب و قوه الاستحمال و مدى التكنولوجيا
و ده اللي حببني فالتويوتات جدا
لا توجد سيارة كاملة
يعنى حتى لو قلنا انك هتركب مرسيدس ، هتلاقى نفسك ماشى فى الشارع مرعوب عشان فانوس منها بثمن عربية صغيرة
لكن فعلا زى ما أفاد كل الأصدقاء فأن كل وقت وله أذان، وحاليا افضل السيارات للعمل فى مصر هى السيارات الكورى واليابانى (ربنا يحل عقدة كيا علشان تبقى فيه منافسة كورية حقيقية)
مفيش سياره كامله لينا نحن الطبقه المتوسطه
إذا عجبك الشكل تلاقى الصالون مش تمام
اذاعجبك الشكل والصالون تلاقى السعر غالى جدا
اذا عجبك الشكل والصالون والسعر تلاقيها بتعوم
اذا عجبك الشكل والصالون والسعر والثبات تلاقيها بتاكل بنزين
اذا عجبك الشكل والصالون والسعر والثبات والبنزين تلاقيها واطيه وبتحك فى المطبات
اذا عجبك الشكل والصالون والسعر والثبات والبنزين وإرتفاعها تلاقى قطع غيارها غاليه
السياره الكامله هى اللى سعرها فوق النص مليون على شرط إنك تكون مش فارق معاك الفلوس بحيث إنك وإنت راكبها مش مشكله بتستهلك بنزين إذاى مش مشكله إنك تبعت مع السواق 20000 مصاريف الصيانه مش مشكله لو فانوس إتكسر وإشتريته بتسع تلاف جنيه عشان مفيكش دماغ تعمل محضر وتضيع وقتك عشان التأمين إذا كنت مأمن
اللهم بارك لنا فيما رزقتنا وقنا وإصرف عنا شر ما قضيت لنا
والحمد لله كثيرا على نعمه التى لاتعد ولا تحصى