فيات مظلومة فى مصر (وانا دمى محروق ونفسى اعمل حاجة...)

**i_Am_Legend** · 27-01-2009 10:15 PM

بصو بقى انا شايف ان فيات مظلومة فى مصر و(اوماترا) هو السبب الدعاية ضعيفة جداااااااا ومش مهتم بيها اصلا وانا لو اشتغلت فى الشركة دى انا هاقلب كيانها والله العظيم بموديلات فيات الحالية واسعارها دى المفروض انها تاكل السوق ياجماعة دة (الجراند بونتو دى عربية وهم وهم يعنى وبالذات اللون الفضى منها بحس انها عربية جاية من الفضاء وتصميم جديد على مصر انا نفسى ربنا يكرمنى والله ما هاركب غيرها دى وهمممم ونيجى بقى ل اللينيا دى ماينفعش نقارن اللانسر والانترا والجين2 بيهم اساسا دى عربية خرافة وتصميمها راءع بجد العربيات دى اعتمادية جدا جدا وموفرة فى البنزين وخامات التقفيل بتاعتها من جوة غالية وتقفيلها ممتاز وسعرها بصراحة غير مباغ فية ابدا(انا شايف كدة :اللى خلا الانترا الكورى بنفس سعرها!ياجماعة شفتم البرافوعاملة ازاى دى عربيات بجد انا لما بكون راكب عربية منهم بلاقى قلبى بيدق بشدة وببقى حاسس بالمتعة وببقى مش عايز انزل اصلا وللعلم انا ركبت الانترا والانسر بجميع موديلاتها والI30والسيراتو وكل الهيصة دى الايطاليين دول ياجماعة ليهم زوق خاص جدااااااااا وحرام الفلوس والمبيعات والسمعة اللى فيات بتخسرها بسبب ضعف الدعاية وعلى فكرة بقى انا قدمت فى فيات ورحت الانترفيو والمهندس اللى كان بيعملى الانتر فيو كان قدامة نتيجة ومرسوم عليها العربيات فبقولة دى Croma !عربية جميلة جدا قالى لا دى البرافو قولتلة لا Croma وما اقتنعش الا اما وريتة اسمها على الورقة! اصوت بقى ولا انتحر حد يرد علياااااااااااااااااا

**ahmed_wbt** · 28-01-2009 12:22 AM

انا كنت هموت على اللينيا ومازلت

بس على اللى بسمعه من الناس عن التوكيل ومركز الخدمه تلقائيا كدا بعدت عنها

وفعلا انا زى ما بتقول مفيش عربيه فى الفئه دى قعدت فيها وحسيت انها هتطير بيك وهى واقفه وانك جوا عربيه مميزه قوى الا اللينيا

معرفش من ايه بس بجد العربيه دى فيها روح كدا ممتعه قوى

**moudy88** · 28-01-2009 01:36 AM

لو توكيل فيات اتغير واسعار الفيات تنزل وينزل منها اوتوماتيك هتبقى رقم واحد في مصر

**awazeer** · 28-01-2009 02:46 AM

اساسا الشعب كل فكرته عن الفيات انها بتسخن فوق الكوبري والاجازه بتتقضى عند الميكانيكي ودي فكره مبنيه على اساس غلط جدا
لان كل العربيات الفيات اللي بتعمل كده بتبقى شغاله من -40 30 سنه
فطبيعي جدا ان ده يحصل
وللاسف الفكره دي مش هتتغير الا لو اوماترا شدو حيلهم شويه لانهم فعلا دعائيا نايمين
لكن من ناحية الصيانه هما شغالين كويس
لو بصينا عالموديلات اللي نازله دلوقتي موديلات كويسه جدا و مش محتاجه المجهود الدعائي الخرافي وغير كده الفيات طول عمرها بتنزل موديلات بتبيع نفسها
انا فاكر لما نزلو السيينا من 9 سنين العربيه دي عملت انقلاب في السوق المصري فممكن الايام الجايه يعملو حاجه زي كده

**mrghost** · 28-01-2009 03:18 AM

المشاركة الأصلية كتبت بواسطة awazeer

اساسا الشعب كل فكرته عن الفيات انها بتسخن فوق الكوبري والاجازه بتتقضى عند الميكانيكي ودي فكره مبنيه على اساس غلط جدا
لان كل العربيات الفيات اللي بتعمل كده بتبقى شغاله من -40 30 سنه
فطبيعي جدا ان ده يحصل
وللاسف الفكره دي مش هتتغير الا لو اوماترا شدو حيلهم شويه لانهم فعلا دعائيا نايمين
لكن من ناحية الصيانه هما شغالين كويس
لو بصينا عالموديلات اللي نازله دلوقتي موديلات كويسه جدا و مش محتاجه المجهود الدعائي الخرافي وغير كده الفيات طول عمرها بتنزل موديلات بتبيع نفسها
انا فاكر لما نزلو السيينا من 9 سنين العربيه دي عملت انقلاب في السوق المصري فممكن الايام الجايه يعملو حاجه زي كده

+100000000000000

**semsem_uno** · 28-01-2009 08:42 AM

انا كمان شايف ان اوماترا ظالمة فيات في مصر و فعلا يا جماعة الفيات ديه عربيات جميلة جداااااااااااا و اعتمادية اكتررررررررررررر و اقتصادية اكتر و اكتر و في وجهة نظري احسن من عربيات كتيييييييييير ده غير انها مش ضعيفة

و فعلا انا بشوف موديلاتها الجديدة ماشية ببقي عايز اضرب لها تعظيم سلام

**SaLM!Na** · 28-01-2009 09:12 AM

توكيل فيات نايم بالظبط زي توكبل بيجو
الاتنين عندهم امكانيات و موديلات ممكن تخليهم من احسن التوكيلات في مصر

و فعلا موديلات الفيات كلها شكلها تحفة بلا استثناء
اللينيا بشوفها في المصرية للسيارات بحس اني عايزة اخدها و امشي
و البونتو مالهاش حل و هنا في المنتدي عملوا استفتاء و كانت العربية الشبابية رقم واحد و على فكرة يا ليجيند انا كمان بقعد اقول انا لو اشتغلت في توكيل بيجو هخلي كل العربيات اللي ماشية في الشوارع تبقى بيجو

**فادى** · 28-01-2009 11:27 AM

انتاج فيات الموجود فى مصر مميز جدا, خاصة البرافو و أسعارها منافسة جدا جدا, لكن للأسف مفيش دعاية, فيه ناس كتير متعرفش حاجة عن البرافو و اللينيا, و لى فى هذا الصدد عدة تجارب,
مثال : واحد دكتور كبير كان بيستشيرنى فى السيارة اللى عايز يجيبها و كان بيفاضل بين اللانسر و الصنى, و قالى انو اهم حاجة عندو الامان(بحكم انه دكتور يعنى), فقلتله لو بتدور على الامان يبقى سيبك من اليابانى تماما, و اقترحت عليه اللينيا فى نفس الفئة السعرية, و قالى ايه اللينيا دى انا عمرى ما سمعت عنها؟!!
مثال : امام مجموعة من الأصدقاء كنت أحدثهم عن البرافو اللى شفتها فى المعرض, فكان ردهم "قصدك البرافا, دى قديمة"!!
للأسف الدعاية ضعيفة جدا و تقتصر على اعلان و موضوع صغير فى ملحق السيارات بالأهرام أو الاخبار, و معظم الناس لا تقرأ هذه الملاحق, قارن ذلك مع اعلانات السيارات الصينية و الكورية و اليابانية الموجودة فى كل مكان, فى الراديو, و فى التليفزيون و فى الاعلانات المعلقة فى الشوارع!
و رغم ذلك, بدأت سيارات البونتو و الجراند بونتو بالانتشار, و كذلك السيينا و الباليو, و اللينيا بدأت اشوفها على استحياء, أعتقد انو الموديلات دى هتبيع نفسها لكن بعد انتشارها ببطأ, هتاخد بعض الوقت عشان تنتشر, و بمجرد انتشارها بشكل طفيف, هتبدأ الناس تعرفها و تسأل عنها, و لكن تحتاج لبعض الوقت فقط.

**mezo73** · 28-01-2009 01:55 PM

السلام عليكم ورحمة الله وبركاتة
اولا احب ان اشكر كل الناس اللي موجودين هنا في المنتدي لان الناس هنا فعلا محترمة وبتاخد الموضيع بجدية والناس بتحترم بعضها ودة شئ مفتقد في هذه الايام والناس ما بتخرجش عن المألوف لاني بتابعكو من فترة ولم اتشرف بالاشتراك معكم واظن انة جة الوقت
المهم من خلال خبرتي المتواضعة في العربيات
انا غيرت العربية 4 مرات
الاولي سيفك 76 والتانية 127 توب الماني 70 حصان مو 81 والثالثة اسكودا فيفوريت 94 والحالية فيات تمبرا 91 ايطالي الشئ المشترك بين كل هذة العربيات هي مشكلة اعادة البيع علي الرغم من كل العربيات اللي ركبتاها كانت فابريقة وبحالات نادرة جدا انك تشوف عربية قديمة وحالتها ممتازة وفابريقة في كل مرة كنت ببيع العربية الناس تتفرج علي العربية ويعجبوا بيه جدا ولكن مايشتروهاش وماحدش يقدر يطلع فيها عيب
ولمافكرت بعد اول مرة حصل معايا كدة ان العربية اتباعت بسعر كويس بس بعد فترة طويلة شوية وصلت لقرار مهم انك تاكل اللي علي مزاجك وانت بتحبوا لان العيب مش في العربية العيب في فكر الناس اللي بتحب تجيب زي فلان وخلاص لانة طالما جاب دي تبقي كويسة واعمل زية
وكل العربيات اللي جبتها بعد كدة كلها بتتباع بصعوبة شوية
ودي مش مشكلة فعلا
لان راحتك النفسية اهم ومراعاة شروط الامان في العربية اللى انت هاتجيبها اهم لان دي سلامتك وحياتك انت واسرتك
ملحوظة كل العربيات اللي امتلكتها اجتازت شروط السلامة الاوروبية
ومشيت العربيات دي فعلا في اوروبا والجميلة طبعا زيهم
اما الكوري حدث ولا حرج مافيش اي نوع من انواع السلامة
ان انا بلاحظ ان في مثلا ناس بتقارن بالفيرنا ,والاسبرانزا علي الرغم من سهولة البيع بالنسبة ليهم
والمقارنة دي غير مقبولة اطلاقا مع الاعتزار لمالكي هيونداي انما هي مش عربية لان العربية اللي مافيهاش امان بس بتتباع كويس ممكن اساسا ماتلحقش تبيعها والورثة يبعوها خردة
وانا مش محتاج اقول اية هية مميزات 127 توب او التمبرا كفاية اني اقول اني معاية التمبرا موديل 91 ولسة دهان الفابريكة من برة
عل فكرة الكلام دة للناس اللي ماتشوفش غير تحت رجليها
اخيرا انا كنت عاوز اوصل صورة معينة للناس يمكن تفيدهم
علي فكرة شركة فيا تمتلك (فيات - لانشيا- لامبورجيني- الفا رميو)
والحدق يفهم
اسف علي الاطالة وارجو التصحيح ان وجد
mezo_hamza2@yahoo.com

**karmouty918** · 28-01-2009 03:04 PM

مشكلة فيات في مصر حاجتين:
1-ان لمما فيات اديت حق التصنيع لعربيات قديمة زى ال128 و فضلت تنتج في مصر لفترة طويلة .و دة كان في نفس الوقت الي فيات منزلتش مصر اى موديللات جديدة غير البونتو بس.و لمما الحال فضل كدة لفترة طويلة جدااا طبعا اتكون عند الناس صورة وحشة للفيات (يعني تخيل نفسك بتقارن موديللات لعربيات يباني او حتى كوري بال128)
و دة في رايي السبب الرئيسي (انتاج عربيات عفا عليها الزمن و المشكلة انها فضات سنين كتيير مفيش غيرها في مصر)
2-لمما فيات قررت الرجوع للسوق المصري تاني للاسف رجعت عن طريق وكيل زي اومترا اللي بيتهيالي اننو معندوش اي فكرة عن اسس الدعاية والتسويق لمنتجاتة(معقول ميبقاش فية اعلان في التليفزيون او الراديو)....وخصوصا ان فيات كان ليها مكانة كبيرة في مصر زمان و بالتالي من السهل جدا انهم يستغلو الموضوع دة ي الدعاية و ممكن يعملوا حملة دعاية هي الانجح في السوق المصري (مش تقولي حلمي و مني).
اما بقى حكاية احنا ممكن نعمل اية بيتهيائلي ان مفيش حاجة ممكن تتعمل غير الشكوى للشركة الايطالية.....................
و بصراحة اذا كان عندهم عقل فلازم ياخدو خطوات كتير في السوق المصري لان بجد فيات ممكن تكلوووو.