الموضوع: العربية اتسرقت و اتباعت بالاكراة؟؟؟؟؟؟؟؟؟؟؟

ايه ده !!!!!

هى غابة ولا ايه ؟؟

اولاً طبعاً تغوررررررررررر 100 عربية و اهم حاجة ان اخوك بخير و لايصيبه اي ضرر لان اكيد روحه اغلي بكثير من اي حاجة خصوصاً ان دول بلطجية و ممكن يعملوا اي حاجة لاخوك و الحمد لله

و لكن النقطة المهمة الي حضرتك لازم تبقي عارفها ان اخوك انسان غلطان من ساسه لراسه و حقولك ليه ......
1-ايه الي يخلي شخص محترم زي اخوك يكون علي علاقه بشخص مدمن حتي لو كان الشخص دا كويس كان من المفروض انوا يقطع علاقته بيه
2-الشئ الاخر ليه اخوك ينفذ اي رغبة لشخص زي دا و هو عارف انوا ضايع ؟؟؟؟؟؟؟؟
3-طبعاً غير منطقي جداً و اطلاقاً ان الشرطة او الداخلية يعني تقتنع بالفيلم دا حتي لو حقيقي لانهم ببساطه حيقول ايه الي يخلي شخص محترم زي اخوك يدخل في دائره زي الي كان فيها دي بسبب واحد اساساً ضايع فالحصل منهم في القسم او الشرطة طبيعي جداً

ولكن انا نفسي اسأل حضرتك سؤال ليه اخوك كان علي علاقه صداقة بشخص مثل هذا !!!! و انه كان يعلم ما يحمله من بلاوي سوده ممكن تفسد حياه اخوك و تدخله في فخ زي الي حصل النهارده

ارجو من حضرتك توضيح الفكره و اجابه علي الاسئله الي وجهتها لحضرتك
واسف لو كان اسلوبي في اي تحامل علي اخوك
وربنا معاه ....

لا اله الا الله

وذنب اخوك اية وزاى فالقسم مهتموش بالموضوع وليه مروحتش وزارة الدخليه او روح بيت وزير الداخليه وتكلم مع الحرس وهم هيدلوك على المكان الصح وتروحه

ولو ليك معارف.. لم صحابك وجرانك ونزل طربقها على دمغهم ...بس باين عليك مش بتاع مشاكل.......ده حققك اوعى تسيبه مهما حصل ........

أو عليك وعلى أى محامى صايع ويكون من المنطقه عندك عشان بيكون عارف اللى فالقسم وصدقنى هو اللى هيخلصلك الحوار ده ان شاء الله .......لانه فى كلت الحالتين سواء حق بدراع او بالقانون هتلاقى عنده حلول كتير وكله بتامنه

وربنا يصبرك وان شاء الله ترجعلك

ومتابع موضوعك بأهتمام

أو عليك وعلى أى محامى صايع ويكون من المنطقه عندك عشان بيكون عارف اللى فالقسم وصدقنى هو اللى هيخلصلك الحوار ده ان شاء الله .......لانه فى كلت الحالتين سواء هيرجعلك حقق بالدراع او بالقانون هتلاقى عنده حلول كتير وكله بتامنه

المشاركة الأصلية كتبت بواسطة basom

انهاردة فى حدود الساعة 12 الضهر تم سرقة عربية اخويا بالاكراة فى الكنيسة دايو شامبين و كمان مضوة على عقد و بصموة تحت تهديد السلاح و كمان اخدوة الرخصة يعنى كل حاجة بقت فى التمام و كمان عمل عقدين وادالوة نسخة من العقد و مشوة طبعا فى ناس كتير من الى بيقرا دلوقتى بيقول دة قصة فيلم هندى و لكن لاسف لا
الحكاية ان واحد صاحب اخويا مدمن قالوة تعالى وصلنى الكنيسة و علشان اخويا حمار راح معاة المهم لقوة 20 واحد اشكال بنت ستين فى سبعين نزلوة ضرب فى الواد علشان ليهم عندة 20000ج المهم طبعا مسكوا صاحبوة الى هو اخويا تحت تهديد السلاح و جابوة عقدين و كتبوهم انة اخد 20000ج و باقى 15000ج عند التسجيل
لحد كدة كويس قوى التصرف الطبيعى انك تروح تعمل محضر رحنا قسم العمرانية دخل لرئيس المباحث و حكالوا طبعا رئيس المباحث مش مقتنع بالكلام خالص و كان عايز يلبسة قضية مخدرات انة حصل خلاف بين اخويا (المبلغ)و تجار المخدرات مما ادى الى النصب علية فى العربية طبعا ابويا كلم الدنيا كلها و خدنا الواد و مشينا ولحد دلوقتى معملناش محضر والمفروض تاخد حقك بايدك فى البلد دية يا ريت الى عندة حل يقولهولى وشكرا

الحياة مش سهلة اوى كده
يعني ممكن تاخد حقك بمحضر وبلاغ رسمي
لان فيه شهر عقاري لازم تمضي فيه يا باشا واي عقد لازم يتوثق ولو رجعت في كلامك بتدفع شرط جزائي .. ده غير انه في الحالات دي بيكون فيه تحقيقات وغيره ..
والا كان كله عمل كده